雞公嶺行山就行得多,但露營真係未試過,近期我係香港攀山訓練中心買左個4至5人營,我只係試過同細佬係屋企樓下個d公園仔開個幾次之後,就冇再開過,個營連實戰經驗都未有,經過一個不太漫長既統測,我足之有時間去行山,仲可以玩埋露營...
如果行過新界雞公嶺既人就知道雞公嶺既厲害,雞公嶺冇實際既郊遊設備,例如垃圾桶、路標、什至連上山既入口都冇,可說係香港境內其中一個設備什差既郊野公園,不過都唔怪得政府同埋漁護署,事實上呢座山真係上既人少之極少,行得哂整個雞公嶺山脈既人就更加少,因為呢座山係全北區最高,高585米,一般香港人係未必有能力行哂,呢座山一行就要行6-7個鐘,講真又有幾多個可以行得哂呢?
咁係今次露營,係我第一次同阿誠自己兩個人一齊去,我多數都係做帶領,好自然我細佬就係我既副帥,細佬佢係平日樂行,又或者係出面跟論壇行山,佢好多時都係跟我行,話哂佢係我既細佬加學會幹事,而且係初中組別,佢又係成績最為理想,可惜佢既帶領能力同埋技巧都未夠經驗,體能更加係完全未練好,所以佢都係要繼續不斷學習...
係尋日,我同細佬兩個一齊咩住個大背囊,我咩住25磅,細佬咩住20磅咁兩個一齊上山,路線同之前有少少分別,由於露營裝備上一個難度高既山係非常吃力,所以我地冇行哂整個雞公嶺,我地只係行過蝴蝶山(箕勒仔),由蕉徑上,上到雞公嶺大約300米位置露營!係行程途中,阿誠有時挺感吃力,由於佢係第一次要咩住20磅既物資上山,所以有時發力困難,上樓梯更加係倍感吃力!而我因為經常性背負重物行山,所以吃力感不大,只是感到有點兒累!
係雞公嶺上面,我地一直行上山,一邊搵營地,最後我地係一個山嶺山面,一個圓頂山既小山頂上面起營,係起營個時,都唔係最大既問題,而係煮食先至大問題,由於山上面既蚊甚多,我地本來打算係營外煮食,但後來發現蚊既數量真係太多,我地退為係營入面煮食,起初問題不大,點知突破一陣風向營既位置吹一吹,正在煲水既高山氣爐同煮食用既子母兜一同反側,令整個營全都是水,令外營底被氣爐既火「燒傷」,導致營底出現有個少於港幣一毫既小洞,呢d都係非常少既問題,呢d小洞好難會導致個營入水或者入沙,就算入左水,都可以搵d布處理左佢,入沙既問題去沙灘camp呢個問題經常有,係咪都會有沙帶左入營入面,到時點都要想辦法將d沙清理,所以營或爆左,最多咪搵膠紙封住,容易到極!不過呢個洞仔真係太細,冇咩需要作大型處理...
係個camp入面,真係冇咩野做,除左拍蚊、吹水、食下煙同埋聽下寧靜既大自然既聲音之外,都冇咩野做,之後我地好早就訓,不過由於d昆蟲既叫聲都幾嘈,所以好夜先至訓得著,加上有蚊係個營入面,搞到成晚都要打蚊,我嘗試過以煙仔當蚊香,就係食煙個時扯完之後,會有煙從身體內放出,以個d放出既煙燻入營內,d蚊聞到d煙味好自然就會走,結果呢個方法真係好有效,真係可以將大部份既小昆蟲同蚊統統趕出黎,如果我唔係食煙既人,又或者我根本冇煙係手,好可能冇辦法趕走d蚊!
係半夜訓訓下既時候,突然落雨,我細佬同好開心,因為我地係有充足既時間搵地方起營,而家又唔洗淋雨,仲可以安安定定咁訓係山上,,最好笑既係,半夜既時候,d雀鳥居然未係山上上面休息,仲要長氣地係山上面叫,真係煩死人!
到左今朝早,0630個時起左身,我地係山上面煲我地既早餐,係露營既濕糧,我地多數都係公仔麵再加其他野食,例如午餐肉、茄汁豆,不過今次仲好食d有小蜆肉,嘩!d蜆仔肉好食到爆!
食完早餐,pack野,收營,呢d咁樣既工作都搞左我地30分鐘!之後就以開心既心情離開...
係落山個時,由於尋晚落完雨,山上面既路面非常濕淋淋,仲好洗腳!我地都要好小心翼翼咁落山,當中我地都有失手既時候,幸好經驗多,跌倒既時候,跌法正確,冇事...
最後我地係戶外渡過左16小時,一切相安無事,順利地完成...
|
