飛鵝山,總係比香港人一種感覺係飛車又者一男一女係山上面(心照啦!),不過尋日我就有另一番體會,另一番感受...
尋日,我同師父,我細佬加阿媽,再加埋學校助理阿展,我地成班人team埋上山下海呢個行山論壇一齊玩,一共60人,當中有老有嫩,老既50幾歲,嫩既只係得4歲,老人家雖然慢d,不過佢地好氣好力,唔會搞到超慢,小朋友雖細,不過佢既能力居比我地更優,佢好快就領先,非常厲害!
尋日我係用緊訓練模式上山,我以9至10磅上山,細佬就6磅,10磅雖不算輕,亦不算重,不過我著boot搞到成個人行得比較慢,不過boot都有佢既優點同缺點,優點係基本上有85%唔會'拗柴',非常安全,重心高,而且咩山都好好用!缺點係重,筒位高令上山速度慢(lock位多),攀石(上山)無法使用,落山還可以...由於尋日行既飛鵝山比較斜及費勁,我就行得比較慢,不過都好過行樓梯,樓梯對我來說係非常蝦高筒鞋,但點都好!我呢個級數一定可以完成,而且同對boot做左咁耐伙伴,點都可以夾到!
係上山途中,咁有一個景點叫小鷹石,小鷹石真係好似飛鷹鳥瞰,非常漂亮!再上小小,我就見到一個叫自殺崖既地方,我個人應為自殺崖只係平凡既石台(萬柱海崖靚得多),不太突別,而且參觀既人太多,我只係遠觀,不大感興趣!反而遠觀比較好玩!我為人喜歡向高點進發,挑戰極限,而不是向景點停留,所以我看過自殺崖石台後,立即向頂點進發,我雖慢,不過都係快既一族,裝備雖搞到成個人好重同行得慢,但作為訓練,點都係慢少少已經計算在內...我係頭15名完成,細佬同師父行得比較快少少,ar展佢地行得慢少少,不過都好快完成...
之後上到飛鵝山山頂,山頂有個發射站,咁岩個度有段樓梯,不過又好好跑,我地係第10個上到去,等左一陣,小朋友都上左黎la!佢經常性同一d隊友一齊玩,d隊友都好鍾意同佢玩...呢位小朋友同佢阿爸都係著白飯魚上山,雖然白飯魚上山既性能麻麻,不過佢地都好厲害,好一對「白飯魚父子兵團」...
雖然上山較難較吃力,不過落山就好易,要穿小草叢,我地幾個一齊衝落山,真係超正!整段山路既上落有90%係斜路,5%攀升,3%樓梯,2%石屎馬路...
我諗呢段山路中一個d真係唔知點搞,冇可能叫佢地玩ga la!至少要中三,中一個d力水同技巧上未得,又怕累,點頂呢?中三雖然貪玩,但係力水就真係好夠,話哂排球隊,耐力都有返咁上下,而且d手力真係好勁!
我老婆個d叫佢玩呢d好可能唔掂,佢玩個d仲係石屎地既級數,攀石佢可能夠手力,話哂我老婆係佢學校既女子擲沿球冠軍,不過佢有冇力上就另計啦!尋日連肥師奶又或者冇咩手力既人都上到,我仲要咩住10磅都上埋去,老婆上唔到真係好搞笑啦!
我諗係時候諗下d鞋要唔要換,講真boot真係有點兒重,不過都冇所謂,當我著boot著多幾年,肯定可以好舒服同埋可以行得好快,講真真係好舒服,又唔怕入水...
|
