尋日,我同細佬去左旺角,因為我地要買camp,我地例行都係去7+2間鋪頭...
我地去到個時,依然都係7折大減價,其實我係諗緊其實佢係咪太多貨,去唔哂...的確係!成間鋪d貨有好多放左係度,d雪山野有好多都好似未搬動過,講真香港人既行山程度有幾多係雪山程度呢?10個入面都未必有一個係,好似我地呢個年齡既年青一族,最多咪落街踢波打藍球,有d飽暖思屋,一日只係係屋企打機,唉!也怪香港有咁多人自閉...
當去到間鋪個時,我地立即上樓上鋪,因為買營一定要係樓上鋪,咁係上面,基本上係攀石野,有好繩、頭盔、繩袋、仲有好多岩楔,平時我地好少上,今次上去,真係好多野睇...好彩7+2個度仲有7折...
由於買營既人少之又少,所以存貨並不是多,不過都好過d小店,好多都係訂,有d仲要係n年都未有貨,我好多fd都係去d小店買,不過就好慘,d小店成日都未入貨,搞到要撻訂,咁好彩間鋪都好識做,冇扣走d訂金...d訂金都成100蚊...
咁最後我地買左一個nikko 2701既tent,4至5人用,之後我細佬再入多張地席,兩個加埋仲要有7折,500蚊內有找,抵到爆...
之後夜晚既時候,食左飯之後,我同細佬一齊落左樓下試下開個營,原來nikko而家出d營已經唔興用扣上營扣,反面係用一個布套比條骨入落去...我同細佬只係用左7分鐘已經建好個營...
咁係樓下,有d小朋友係度玩,見到我地個營,立即衝哂入去,佢地超得意!如果我第時d仔女係咁就真係正lo!之後我同細佬兩個同佢地玩一齊玩,玩左一陣已經係到出哂汗...
唉!呢排同阿芹既感覺好似遠左,不過我會體諒既,的確係大家呢排係屋企人方面有好多阻礙,我只知道我好唔開心...我曾有想過放棄,不過我真係好唔捨得...因為大家咁辛苦先至係埋一齊,一時之間放棄,好難接受到,而且我唔想阿芹諗埋一邊,怕佢唔開心,所以我會繼續努力,唔努力唔辛苦又點會有成果呢?希望我有一個好既收成...係阿芹既屋企人方面,我最怕佢既家人係佢家姐,佢家姐有時就對佢好,有時就差爆,我只係度諗大家一世人兩姊妹,始終係一家人,就算ar妹點樣衰都唔洗咁刻薄佢,講唔岩數就打個妹,比著我同細佬就唔會係咁,我點都會視佢為屋企人,甚至係最親,將最好比佢,基本上連條命比埋佢又有咩所謂ar!佢家姐就好似我老豆咁,又係講唔掂數就反檯,唉!冇EQ就係冇EQ,慢慢學識控制情緒,
|
