頂!今日返學真係頭頭碰著黑,一返到學校上到課室見到德貞姐(我的班主任),我就回想起尋日d野,唉也~死火!我尋日失憶,未做德貞d功課,仲要miss左佢個約!oh shit~之後德貞姐的左我出去罵,唉!我都知死硬ga la!好彩佢都比返d面子我,冇係成班人面前開行聲...
呢鑊都唔算好野,仲有一鑊仲好野,我食完lunch,之後返上課室,我坐係度睇緊報紙,之後冇la la d樂行會員搵我吹下水,之後我就話:「你兩條kind子ar!」之後個條仆街(我都費事講名,上得黎睇果個心照啦!費事我好似個d人咁串嘴!)冇la la搭一句:「同你一樣咁kind lo!」,我心諗我d fd又關你叉事咩,（真係好彩我識個d唔係咁岩係我老表或d有背景既人士,如果唔係肯定比人叫左「放學見」啦!唉一d教養都冇...講野講到好似「黃飛鴻」,咁又唔怪得人地既,d 波牛係咁上下ga la!之後我都攞返個尾彩,我就話:「收啦!」
d冇教養既人呢,真係「死牛一面頸」,死都要攞返個face,唉!面子只係一個臭皮囊,又何足掛齒呢?不過d人死都要既,咁咪比佢攞lo,放學個時,黑人憎既野有時真係唔係幾如意,行行下又會見到佢同埋班大小姐,佢係條街大叫:「kind子」我心諗你咁大個人,差幾歲都18啦!仲好似d「小朋友」咁,係條街大叫,真係唔知笑好還是瘀下佢,唉!
小姐ar!收斂下,學返好少少個禮貌同儀態,第時人地見到你咁既樣點掂ar!肯定嚇個屁滾尿流吧!就算你覺得我係你既fd還是仇人都好,我都冇介意你點睇我,大家同一班人,搞埋d小圈子,唉!你估真係小朋友玩集體遊戲,其實我都睇唔過眼d人睇不起仲要玩人,例如班入面被人俗稱「極品」個兩位,玩人好叻咩?好好玩咩?以前我都有玩過人,但倒返轉頭諗,如果自己比人玩、比人欺凌、比人排斥,又有咩感受呢?
希望那位「波牛小姐」唔好再用一d咁既態度對人,呢d叫做「得罪人多,稱呼人少」,好彩今日你唔係撞正d背景人士或者d大惡,否則死硬!我冇介意你咁講,不過希望你都尊重返班入面每位同學,大家坐得埋一間房自然就係有緣人,今日有緣可以大家認識係一個福份,可惜你卻比左一個「可怕」既一面我睇,唔緊要既!作一些改善,得到一些進步,身為你既有緣人,見到你既進步,我也會替你快樂的!
正所謂「聽得明就係知音人,聽唔明就對牛彈琴」,希望聽得明啦!聽唔明既都唔緊要,多謝你參觀我既日記!
|
