紅石門呢個地方我曾經聽過,不過我就未去過,而且要去一定要露營,除非你搭船la!不過如果自己去就好貴la!!
我學會將會係3月11日去呢個地方,咁岩撞正同第二個學會地理學會一齊去,呢個夢想我已經想左好耐,地理學會對樂行之友基本上係冇得大,地理學會既會員d體能真係屎到嘔!行level1既東平洲,樂行慢慢行仲要玩下水都快地理一個鐘,我而家只係怕地理學會班友頂唔順,我肯定做硬水彈ga la!班友完全唔睇水做人,一味口飲水唔留,下下都係我地成班勁人補給,背負咁重既野仲可以同佢地狂奔,少d功力都唔掂...
原來老婆係3月11日又有活動,佢又係行山,不過佢玩港島太平山(即港島徑第一段),呢段野我玩過好多次,以前就行,而家跑上去,真係最簡單既level1,小學生都可以好快咁完成...可惜我個邊有活動,同唔到老婆一齊玩,不過都好既,比老婆可以自己體驗下港島徑第一段既簡單,遲d同佢玩d勁野,就蚺蛇尖la!我就唔會咁瘋狂叫一個初學既人咁玩,一定辛苦同好累!不過我當時都係玩到咁上下,先至上蚺蛇尖!蚺蛇尖,我真係好想去多次!
如果叫我形容港島既山,我會以「跑山區」黎形容,因為港島區好多時有鬼佬跑山,而且d路線真係好岩跑山,不過我就一直唔明點解d鬼佬點解咁勇跑孖崗山,孖崗山係有港島天梯之稱,有100級樓梯!我自己行都辛苦,鬼佬仲要係跑上去,有d仲要玩幾轉!當中d鬼佬好多都有玩渣打馬拉松,唔怪得佢地咁好氣la!
我好想同老婆行一次山,不過老婆同我既程度真係仲差得好遠,如果佢跟我玩,佢一定會驚左,因為我玩個d
|
