今日返學真係悶到爆,連我平時唔訓既上堂態度,今日都悶到訓左...
一放學,疲倦既身體立即有潛意識直上大腦,就係我好疲倦,好想返屋企訓一訓...不過事實同夢想往都係差好遠,由於而家既教育係希望我地d學生多讀書,但又唔係通識,就係中英文都有既SBA(校內評估報告)...SBA一d都唔好玩,返而加重左我地既工作量,由於經常要睇書,又要參與一下同語文有關既課外活動,即例如講座、言討會、城市論壇,什至歌舞戲劇都得,我呢個人成世人都對讀書冇咩興趣,叫我睇車書,我會同你睇成個鐘,有興趣既小說(例如:阿濃、幾米)我都會睇到一日,軍事、旅行性質既書都睇到幾個鐘...不過,如果叫我睇中史書,我就一定訓鬼著左...
文化活動個d好多時都係要比入場費之類既,其實咪叫我地呢班第一代SBA白老鼠推動下文化,順便佢地唔洗冷場靜英英小貓34隻咁可憐,我地比錢做功課之餘仲要有時聽d悶蛋講野,既浪費時間之餘又悶到死,不如比幾蚊出黎去機鋪打機好過你係d文化中心發霉,睇一次言討會分分鐘都要40至50蚊入場費,50蚊足足可以比我去機鋪打灣岸同埋買到d禮送比我老婆,無奈地呢d都係計入會考分,呢d都做得唔好,會考前景就好難看了...
今日我聽既講座係係學校聽,因為學校邀請左林超榮-港台頭條新聞主持,加埋黃德全-雷霆881商業電台某(收音機電台)節目主持...林超榮平時係頭條新聞已經笑死你,因為佢經常扮拉根ar、布殊個d,笑到你飛起,估唔到今日睇佢live show仲好笑,佢講d野經常都係搵d生活上既事物黎對比...講一個蛋tart都可以講笑咁笑足成半個鐘...
其實今日佢地兩條友係講關於一d說話技巧,咁又係中SBA既要求,加上學校又請到林超榮呢個笑蛋,就算唔係好聽,聽佢講笑都夠殺食la!
最後,我6點先放學,雖然已經唔係第一次咁夜放,不過內心總係好懷念林超榮d笑野,同時又諗到目前既處景,就係我冇車搭...由於聯和墟呢個地方好突別,粉嶺同上水之間,仲要係交通不太方便,一到5至6點,d巴士小巴全部都好遲先有一班,綠van就一定冇位座,紅van就轉左站位,好遠,唔想去,巴士仲衰,半個鐘先至一班,點搭呢?
|
