昨日,係新年之中最攞命既一日,我係早前應左我姑媽既約,就係尋日幫我姑媽去搬屋屋...好多fd同埋老婆都係咁問我,吓?新年先黎搬屋?有利是都唔去逗,係度冇野攞黎搞,比時間買難受?咁我就諗:唉!你估我唔想搵下外快咩?咁我尋日又冇咩活動外出,冇行山又冇外快做,唔通係屋企發霉咩?
搬屋係鍛鍊體能既最佳既方法,鍛鍊你既耐力同臂力,的確係經過尋日一輪搬屋,我的手臂係結實左,本來冇搬屋個時都諗,死啦!新年比較大吃大食,肯定肥仔左啦!好彩有搬屋...
尋日,我地成家總動員出哂去搬屋,咁出去之前,點都要食返d野ga ma!咁我ar媽就煮左d公仔麵,咁我食完之後就覺有少少肚痛,我之後問我媽d麵係咩傢伙,原來係「蝦子麵」,根住我聽左之後就話我ar媽:咁大整估ar!(如果識我既人就知,我係對蝦蟹敏感,我唔係可以食好多蝦,蟹係唔可以食蟹黃,蝦係要睇下咩蝦,老虎蝦係一定唔食得...)
好彩只係輕微腸道敏感...真係要「多謝」老母...
咁去到我姑媽屋企之前,我姑媽咁岩就係一間茶餐廳食緊野,咁我地係間茶餐廳等埋佢,佢順便攞返幾個紙皮箱,本來我諗地成家都諗住佢已經準備好哂,pack好哂d紙皮箱準備搬,點知一上到佢屋企,嘩!頂佢個肺ar!咩都未pack過...真係漏屌到佢ar!之後我地都同佢一件一件野咁pack好,再送去佢新屋,好彩佢新屋唔係好遠,只係隔一個街口(大約係行20步都到)...
佢間舊屋唔係好大,只係一間九龍既較大既屋砍開3分之1作為半租半住宅用途既屋企,我姑媽係租客,堅仔細細,但d離物就真係多到爆,有用既唔係好多,冇咩用既就大把,真係服左佢...
去到3點3,正常食個下午茶之際,老婆又打我,不過今次就唔係幾好啦!老婆把聲就帶點不好,我開頭諗係咩事呢?不過再諗,唉!佢肯定係睇左個段說話而唔開心...到左夜晚,我地經過一輪大搬屋,總算係有一個「完滿結束」,晚餐挺豐富,不過回想起尋晚有碟「炸豬扒」真係反感,我同細佬第一個夾左黎食,嘩!原來個d豬扒面全部都係味精,超咸!
咁最後大團圓結局,我表哥佢揸車送埋我地走,只係送返出去紅碪火車站搭返火車,原來佢用二手車價買左架toyota corolla,雖然唔係咩車咁突別,不過佢別出心裁同架車改裝,例如:車頭用岩纖車頭蓋,加左個電子油壓標,仲有張跑車仔座位,不過只係司機位同隔離...我坐佢隔離先知,原來佢部車係手動波(mt),起步快...再一聽原來換埋響喉...正!
|
