年初二,真係好平凡,平凡之中又幾開心!每年例行地維港放煙花(睇到我都覺得悶),例行地我年初二要返我ar麻屋企,例行地我有得逗利是,每年既新年太平凡了,今年就有少少既突破,總好過悶到發瘋...
係朝早,我老豆冇la la叫我同細佬起身返一齊返大陸玩,其實係我d親戚個d姨媽姑爹約左我老豆老媽上大陸打保齡,其實我本人對打保齡不甚興趣,加上我同ar爸ar媽同埋d親戚我都唔會同佢地多話題,最基本我都唔鍾意同ar爸ar媽出街,其次係返大陸鬼死咁多人,又好多小偷扒手,仲要係好污漕!返大陸對於我黎講真係返大陸慘過去打仗,最好就唔好返...
佢有佢返大陸happy,我有我同細佬玩,雖然只係係屋企睇電視打下機,總好過對住佢地班悶蛋,講真同佢地一齊真係冇野好做,倒不如自己食下煙仔打下機仲好...
到左一點,我同細佬一齊出去,咁係我去搭火車之前,忽然間想起想食下煙仔,我同細佬一齊去新發士多(上水彩園邨一間士多仔)買煙,點知一去到士多附近,見到士多仔「ほ人鞠躬」(新年期間多數店鋪都係關門大吉,仲貼住「ほ人鞠躬,初四啟市」之類既野),之後我同細佬見到都到無奈,禁不住也要說一句:屌你個疳巴散!(疳巴散既來由係來自我一位好友既電話得出,疳巴散其實係一個經典賣藥廣告,再經過後人改變而得出,實際上有冇呢個藥品我就唔知,不過都幾好笑)
係搭火車途中,我同細佬不斷咁吹行山經,反正佢行山閱歷甚少,得閒過下朝都算係人生一大樂事...不過火車路程漫長,有時帶比人一種挺悶既感想...幸好細佬同我一齊出,如果唔係真係唔知點過...
到左旺角,我足之有地方比我買煙仔,我係一間士多仔以$29蚊買左包純薄萬,我都未試過以咁平既價錢買到包薄萬...
去到我ar麻個邊,我同我姑媽係約定地點等,我同姑媽,細佬,加埋tommy叔一齊去街市買野,如果有人非常認識我的話,你一定會知我屋企人係多到爆,我老豆有10個兄弟姊妹,咁冇理任叫我年紀不少既ar麻自己一個走落街市買成30幾人既晚餐ga ma!
返到去ar麻屋企,我足知明白風扇既好處,昨日真係非常熱,22度,仲要就圍走...熱死~
之後我同堂細佬一齊玩左一陣,佢真係比我預期中活潑...同佢玩完,我同其他老表打機,不過我唔係去機鋪,而係係我ar麻屋企,我表妹佢玩釣魚game,嘩!佢真係好快手,拿拿聲就釣到,我就對該遊戲不感興趣,過左一陣我同我ar叔玩賽車game,我都估唔到原來我d表哥同細表妹加埋ar叔都冇人識玩車既手動波(mt),真係好搞笑...之後我教佢地點樣上波同埋入彎...佢地總算幾有進步,總好過佢地一直原地搭步,自動波(at)...
食左個dinner,我既大表妹就係度係咁搞我部手機,佢係咁用紅外線傳送要我send歌比佢,咁我就是旦比左幾隻歌比佢,佢就回禮比左個「出前一丁麻油麵」鈴聲...
呢個年初二總算係幾精彩...之後我地成家人一齊玩「魚蝦蟹」同埋「大細」,我係魚蝦蟹就輸得好「金」,連輸三鑊,不過後追打平,到左「大細」,我比較識玩,我就經常win...我本來以10蚊做本下注,最後我有15蚊袋...
呢個新年,好開心ar!既有利是,又多左錢袋,係我ar麻屋企真係又食又攞,真happy!不過最開心既係,我有老婆同我一齊過,以前我都未試過有女友同我一齊過新年ga!
|
