屋企部機攞左去整,搞到我成幾日都冇打日記,真係好似同外界既網絡有d隔絕,好彩地我有一位好鄰居加老友steven咁岩又住係我樓下,咁先至上到網之餘又可以打下日記...

耐冇睇日記,有d冇聊人上左黎留左d冇聊既言,有d野坦白講,唉!大個仔啦!應該知道咩叫道德...

我唔明班入面d人冇啦啦咁叫我左大佬b,大佬d從「何」來呢?之後又叫14哥,我心諗我同14哥既關係係點又關你地咩事ar?況且我同佢已經冇哂關係,係!我的確有講過同佢既歷史,不過都已成過去既歷史,提起又如何呢?冇用的!冇人比個獎你話你叻仔,自以為smart,其實d思維仲差過d中一...

有人遙傳我同老婆既關係惡化,更搞笑地傅出我同佢分埋手,哈!我諗你地誤會左少少野,你地睇到個日記只係得返我個名,其實我只係想整一整理下個日記,同埋我唔想有人滋擾我老婆,你知啦!個日記經常有d滋事分子係到做一d冇聊到爆既行為,我好人先至唔當面鬧你,比面你係同我同班或同校先係咋,鬧你你又覺得瘀,又唔鍾意點又話要哂馬吹雞,咁我好體諒人既,唔會就咁當面hurt你地,不過你地識做少少啦!下下搞到我要係日記同你地班死仔訓話一番,我係呢度講返清楚,我同我老婆的確真係咩事都冇,而且健康快樂,關心我既有心了,滋事分子唔好再估估下,發表埋一d冇聊既留言,不過都好過冇你地呢班「支持者」,希望下次你地留言留返d好少少既言,比返d智慧,我相信你地唔係一d冇智慧既人...

如果你話我有冇嬲你地,我就真係冇咩野好嬲,因為人係成長階段,實有呢d咁既冇聊既行為,你估我未冇聊過咩,實有少少ga la!不過我唔明點解你地話小弟我有不雅既動作,有說話講清楚少少,比一d例證,唔好用d片面之詞,一味好似講波咁吹水

何家希一直以為我當時係比人打多過我打人,其實的確係我同d中五既fd一齊打那個人,名我就唔講啦!不過我地的確比人記左小過,仲要見大埔警民關係組曹沙展,唔信既可以問下miss陸,溫sir,梅sir...

至於打人,我真係對何家希的確冇興趣,況且我再打人已經唔係見警司個d咁簡單,我係會從學校比警員戴上手扣,之後係要上法庭,再入埋男童院,到時大家見到既我,可能會係一個著住啡色衫,係男童院既我...如果打人,我同何家希都會有事,所以我唔想佢因為我而搞到上法庭,冇人會希望自己入法庭,就算打得甩,唔洗坐牢,但將來都好麻煩...

講真打人真係打人咁簡單咩?難道你以為好似人地d電影咩,如果係簡單到咁,咁你不如一下子打死我啦!反正係你心目中我咁討厭...

如果問我有冇跟人?我答你,有!我曾經緊我表哥既朋友14哥,14哥睇場係旺角既,有旺角14既稱呼,雖然我冇出過去砍人,更加冇試出去「參戰」,當時真係好平靜...其次我表哥更加唔想我真係同人砍,費事白頭人送黑頭人...最後因我表哥同14哥反了面,我從此之後都冇再跟人...你問我係第幾輩,我真係唔知,因為我表哥唔想我知咁多,佢從來都唔講比我知...

我唔明點解何家希成日叫我做「鼻屎哥」,大佬b之類,或者真係誤會...