尋日,樂行之友同地理學會足之有得搞一個聯會既活動,雖然兩者既能力相差甚遠,一個係知識型,一個係體能型,不過尋日都玩得非常開心,既有風景睇之餘仲有排笑餐飽...
咁係尋日朝早,我同細佬係7點正個時起身,因為身為領隊係要早少少到達集合點,早少少係指30分鐘,所以我地都要早少少起身,食左d早餐就出發la!
之後我地同臭軒(steven細佬)一齊係樓下出發,佢就咩住個背囊好簡單既gear,我地仲少,只係咩住個水壺,再加少少食物,真係我地係樂行歷史上最少gear既一次,簡單到爆!
當我地到左大學火車站既集合點,我地第一時間同老闆報到,由於老闆同其他老師都要一齊食早餐,所以佢係美心食野,我地行返出去個集合點一直係到等人...d地理學會d人既衣著真係笑死你,佢地真係著到好似去旺角行街咁既樣,人地去戶外多數著長褲波鞋,個氣友就著短牛仔褲加絲襪,萬一佢一仆直就真係又腳傷又爆絲襪,咁好好彩,尋日全部人都冇仆直...
今次活動都係搭船,係船上面,成班人都係度玩、吹水之類既活動,我就好奇心地打開學校多數用開既first aid box,入面就好多功具,不過好可惜地個box居然冇三角布,三角布係可以用黎固定骨折位置,但居然冇三角布,我個人覺得個first aid box簡單左少少...
咁係紅石門入面,我地係第一組到達登陸,係組入面,有一位地理學會既會員,佢個人好少去戶外地方,對戶外非常默生,而且自信心略少,當佢一上接駁船準備當陸個時,佢就好驚,因為佢係第一次坐快艇,也難怪佢連上落船都好驚!最奇怪的是佢未行過石灘,當佢一行石灘個時,佢經常性好怕自己跌傷,所以行得非常慢,不過經過我細佬既協助及指導,佢克服了,而且健步如飛!我本來不打算用手拖住佢一齊行,希望佢可以自行領略,我同細佬從旁指示!我一視同仁,地理學會同樂行之友既人都係一家親,人人都要親力親為,正所謂力不到不財,唔辛苦過又點會成功呢?但後來我先至發現,佢既能力真係唔係好做得到,佢感到非常吃力!加上d會員都希望我同細佬都可以幫佢一把,拖住佢隻手一齊行,我諗左一諗,就覺得自己點都要破一次例,好啦!拖住佢同佢一齊行,佢立即信心大增,而且愈來愈行得快,呢件事令我非常開心,令我諗起外展訓練既to service to service & not to yield!
之後去荔枝窩,荔枝窩呢個地方我真係去左好多次,不過尋日去到就變左,村既門口就新增左一個牌坊,村入面多左幾隻旺財!之後我地一齊睇樹洞同埋d怪樹!
我地之後仲要去埋鴨洲,可惜我地到達鴨洲當時係水漲,睇唔到鴨既形狀,不過點都有去到鴨眼,鴨眼真係神奇!佢係一個海蝕洞,而且係可以兩面互通,真係好神奇!最神奇既係一d係石牆上既小石,d石頭一粒一粒咁係石牆上面,仲要唔脫落,超神奇!
尋日整體上都係觀光,行山就基本上係冇,不過就好開心!
最慘既係尋日係準備搭船個時,老婆送比我個條手鏈突然之間斷左,我唔知係咩原因,不過我只知呢條鏈已經係第二條,第一條又係斷左,仲要係唔見左!好彩經過我既維修之後,條鏈都戴得返!希望斷鏈唔係d咩突別既原因,不過我只知我同老婆既感覺係完全唔同哂!係覺得大家之間仲係好遠好遠,我諗呢段感情好可能好快會完結...
|
