今朝一起身,真係唔係好想離開溫暖既被窩,因為今朝真係好凍!雖然好凍,但香港既天氣點都唔會落雪咁可怕,更加唔會好似加拿大咁會因大風雪或寒冷關係而唔洗返學,所以今朝早我好不願意地起身,繼續係被窩訓一訓...
突然,屋企個電話響左,我心諗:係咪我遲左起身,搞到steven打左上黎屋企個電話,之後我望一望個鬧鐘,未遲到wo!之後我ar媽聽電話,仲要叫我聽,好彩屋企個電話係身內冇線電話,行動都節省左!我ar媽攞左個電話入黎,叫我聽電話,真好!真係多謝我ar媽幫一幫手!
比著我老豆呢d冷血動物,睬你都傻,聽到我老婆把聲仲唔cut線,分分鐘仲行入我個房「媽」我幾鑊,真係唔知佢係d咩人,專門對d電話反感,不過都唔怪得佢,因為始終都係我老豆既童年陰影...
原因係20幾年前我阿爺咁岩係條街果度哮喘病發作,仲要係大哮喘,如果大家對哮喘有認識,有嚴重哮喘既人一旦發作個時,真係辛苦到叫救命都叫唔到,雖然根據我阿爸所形容當時我阿爺係一個中上有錢既家庭,有米到好似係有「水壺」即大哥大係手,可惜哮喘起上黎打電話又打唔成,唔好話屋企,連3條9都打唔到,最唔彩既係,我老豆既大家姐,即我大姑媽咁岩就煲電話粥,d街坊見到我阿爺大病發作,本來諗住打個水壺叫我d阿爸、姑媽吹雞落黎救阿爺既,點知打唔到,d街坊搞到要用9秒9走上去屋企拍門叫救命,我諗當時電話公司既1蚊電話機服務仲係未完善,而且當時佢地係住係九龍既新開發區域長沙灣,連蘇屋邨都仲係起緊,根據我ar麻既形容,之後我老豆第一個聽到呢個咁大鑊既bad news,立即火箭飛左落街!由於我阿麻當時岩岩生完我既細叔,冇法子進行大走動,大伯同幾個姑媽都仲又返緊工未放工,大姑媽煲緊電話粥,d姑姐太細個了,佢地個時都係得幾歲仲要著住屎便或者幼稚園階段,d阿叔更加唔洗講當然仲要手抱既bb啦!咁成屋最年青力壯既非我當時13歲既老豆不可,佢走左落街,見到阿爺已經哮喘到氣喘如牛,咁阿爺身上d哮喘藥咁岩又吸哂,我阿爺係用既哮喘藥係吸粉末式,我老豆就用佢既強項跑步跑到去附近既藥房買藥比阿爺食,據我爸所講,佢因為要跑去藥房買藥,差d比車車倒!最後我阿爸買到個隻藥,可惜回程返到去阿爺身邊個時,阿爺已經...當「白牌」(即今日既白車)到個時,救護員同差佬一齊送左阿爺去明愛,即蘇屋邨上少少,我老豆都係有跟埋一齊,之後我阿爸d屋企人隨後到埋醫院,我阿爸一氣之下係醫院大罵我姑媽,唉!我阿爸從此不太理會我既大姑媽,脾氣從此壞下去...係近呢10幾年先至有所改善!
咁係皮窩入面同老婆講電話,係無比既快樂,雖然朝早成個人都未醒,不過都好開心...
返到學校門口,嘩!d刺骨寒風吹埋黎,真係凍到死!
體育堂個時,由於我地只係著住件短pe衫,仲要係球場吹風,真係凍到死,仲凍過我行山,所以我零願行山都唔做波牛...
|
