長洲唔係只係去東堤渡假,去學麥兜搵黎根,去長洲食海鮮咁簡單,其實長洲都有好多野玩...

樂行之友有趣地搞左一個長洲既trip,雖然長洲簡單,不過我同一班高手都玩得非常開心!不過今日真係好高日射,太陽當頭勁射,真係生煎人肉,同埋我未試過耗水量咁高,居然比一個難度低既島仔5公里既長度,足足消耗哂1公升既水,非常厲害!

咁今日我地照舊都係由朝早出發,由學校搭保姆車出,去到中環再搭船...我細佬今次真係慘,由於係中環個邊塞車,架車去下又唔去,我細佬唔係好搭得車,架車去下唔去,好浪ga ma!之後佢頂唔順,足之都要「釋放」...好彩佢既釋放量唔多,而且唔大味,清理簡單容易!之後佢都冇咩事...落左車,我地成班人一枝箭咁飛左去碼頭,咁上船好多時都係要八達通過閘,人地都係過普通位,點知有d人搞笑到過左豪華位,加左10幾蚊,咁佢地最後坐左去豪華位,我地依舊坐返去普通位,佢地就嘆冷氣!我鍾意自然d,所以冇跟佢地一齊冷氣,同其他fd一齊係中層吹下海風!

去到長洲,大多數都係睇石,d石真係怪到七彩,真係唔知點解d石可以咁搞笑!之後我地係一間天后廟既位置作為lunchpoint,呢間廟果然係好正,背山面海,仲要係吹正既海風係南風,向岸風迎面吹黎已經夠哂爽,而家仲要整一個靚靚海景,仲要美食當前,真係正倒絕!

之後去到張保仔洞,開頭以為張保仔洞個洞口好闊,原來係好窄同好黑!咁我係探洞其間,我先知道張洞仔洞係要下降1米,真係非常之受深,之後我再繼續行,我發現地洞個濕度係好高,摸上洞壁,濕得很!之後經過一段短時間既探洞,非常好玩!

最後行哂個行程之後,我地仲有1個鐘時間去行下街,我地係一檔豆沙餅檔買左d紅豆沙餅,再買左枝豆漿,真係好正!

呢次行程係我樂行之友主席任期以來,最後一次活動,真係有d唔捨得...

我諗係時候要...

同好多人講,我本人要係樂行之友主席呢個位快要退休了!

唔係因為自己有d咩突別問題,而係我過埋定日既活動,我兩年既連任任期要完結了,除非學會仲有額外既附加活動!

係呢兩年既任期,我係由咩都唔係好識,變成好多野都識!由以前addias波鞋行山,變成著mark2上山!由以前咩住個一般既20L背囊上山,而家變成咩住個露營sizes既60至70L karriomr!以前傻氣既我,今變成一個踏實認真處事既人!樂行之友令我改變左好多,而且比一個小角色、小領袖既崗位比我,雖然唔係一個好突別或者位高權重既角色,但令我明白到當上一個責任既時候,不是一個簡單容易,什至可以求其處理既一回事!

樂行之友比左好多珍貴既回憶,我係由一個非會員,到會員,幹事,直到主席呢個位!我以前好怕一d好斜既斜坡,到左依家我唔再懼怕,來去自如!以前我唔鍾意森林,因為我覺得森林只係得d樹,又有何樂趣呢?但係而家我好想入森林,我愛上了大自然!而且變得「上癮」

兩年既任期,話長唔長,話短又唔係短,不過我享受當中既過程,我得到的是快樂!主席呢個位並不是容易做,以前細個個時諗住,嘩!發達lo!有一班人比我點紅點綠,仲正過做紅綠燈!但係到左自己大左,就發覺唔係做紅綠燈咁簡單,我上埋位個時,就明白到咩叫親征,咩叫做親手由自己一手一腳自己做,咩叫teamwork...從工作上得到快樂,從辛苦中獲得成果,從玩樂遠足看闊了世界...樂行之友教懂了我!

當我退休之後,我會打算繼續為樂行之友服務,當然唔係繼續做幹事或者副主席,而係會升左一grade,叫長老!長老可以隨意返樂行之友玩,得閒做下助教,提供一d深入既技術智識,幫助新一代既行政人員,什至有時間能力,我打算將學會既規模擴大,係學校以外開擴分店!又或者叫分堂,好似教會既開擴既形式!

又或者自己出黎工作,做一d生態導遊!又或出黎打本做生意開一間行山用品店...