今日真係打破平凡既一日,平日既我多數都係一般地返學,一般咁上堂,不過今日我要去藍田做body check,有d人問我點解唔去上水check呢?我就話如果我個d問題係可以係上水check就唔洗咁麻煩,特別地走出九龍...其實我一直有一個身體既問題,就係我個人既脊骨係唔直,係s形,我都唔知點解會有咁既問題,不過都唔理得咁多,呢d野除左動大型手術,又或者去做一d物理治療先至可以改善到呢個脊骨問題,幸好呢個問題冇影響我生活,照舊都係生活正常!阿媽由頭陪我陪到尾,我就可以冇咁悶,真係好...
check完野,個時都1145,肚仔餓自然想搵野食,返去粉嶺又要成個鐘,冇咩理由要餓住個人成個鐘咁傻ga?我同阿媽一齊係藍田既啟田中心對面一個小型商場食野,我地去左一間大排檔粥,上次呢間大排檔d粥就唔錯,不過今次就差得多,d粥粉到爆,炸兩仲衰,成碟野凍凍冰冰,一d熱都冇,炒麵係最屎,平時如果你有食開炒麵應該知道炒麵除左麵之外,仲有一d蔥、蘿白絲、冬菇粒或者其他既佩料,呢間野真係齋炒麵,除左麵同幾粒蔥,其餘係咩都冇!真係好搵笨!
食完一個「搵笨」既午餐,我同ar媽一齊返粉嶺,我ar媽就約左d fd係粉嶺,我就要踏上「背著書包上學去」既路線...
返到學校,咁岩就係lunch既時間,中文堂岩岩好過左,連背默都節省,呢個真係好消息,第二個好消息係上到課室,課室既門係冇lock到,我可以唔洗係課室門外呆滯!
今日係班入面,d激進既反對組別今日唔知點解乖左好多,冇係課堂上面糊言亂語,可說係耳根清靜的一天,good!
我問坐我隔離位既珊珊今日課堂上既活動,佢就話今日都係睇卷、對卷...我再問今日睇左咩卷,佢就話對左maths同中文,我心諗唉!maths呢科睇唔睇都係咁既樣子,結果都係唔合格,唔睇好過睇...整體上今日所對既卷,全部都pass...
放左學之後,我同細佬就搵師父,幫佢手整地圖,因為黎緊4月10日去長洲,要畫地圖...
我返到屋企,阿鋒就打比我,原來佢足之有時間去問我攞到回條,佢考a-level,經常性都係要溫書或者去試場考試,難免係冇咩時間做一些空閒既時間消遣,不過今日佢足之有時間,當我佢約係華明見面既時候,佢明顯地比a-level困擾,佢好耐冇處理佢既鬚,d鬚長得很!最後我更參觀左佢屋企,雖地方少少,不過都唔錯!他家中更有一隻可愛既小貓,不過好怕羞!
|
