早熟呢套港產片係大約兩年前,雖然票房不大好,但呢套戲卻反應出時弊,的確係有反d深度同水準...
點解我咁遲先睇呢?其實當時我當時因為冇fd陪我睇,而且自己銀兩唔多,所以遲遲都未睇!咁我尋日睇碟,就係睇呢隻野!我覺好睇在奪戲能夠深入咁帶出「偷食」之後既問題,例如開頭驚屋企人知道,走去落仔,之後搞到避難房祖名搞到要出黎做工,fiona搞到同祖名係西貢隱居,過住貧窮既日子!雖然日日都可以係屋企既空地睇星的確係幾開心既,但背後又面對一個問題,就係屋企人問fd,什至最後搞到跑上門搵佢地!我覺得佢d fd對佢地算係唔錯,幫佢地搵地方避難同埋保守秘密,雖然最後真係出現左比較差既結局,祖名搞到要坐牢,但總算幾優待...
其實早熟反映香港現時問題,的確真係幾深入民心,例如係父母工作太忙冇時間陪仔女,青年好奇心強而「偷食」,仲搞大左個肚...其實呢d問題已經係我身邊出現過,不過唔係我,而係我既朋友!我既朋友而家已經係一個媽媽,不過年齡只上只有16歲!而家佢有一個女,同埋佢既老公,生活都幾好!我覺得佢係好幸運,佢地無比法律扞擾,男既唔洗衰11,我個fd又唔洗驚屋企人反對又者驚比屋企人發現而要落仔,而且雙方既屋企人冇介意搞成咁,仲比佢地係埋一齊,我個fd佢奶奶仲好喜歡佢,呢d簡直係天時、地理、人和加埋運氣既集結...
其實呢d野係我身邊已經唔係睇一次,當然我就未試過啦!其實香港真係好多人都已經犧牲左佢地既第一次,仲大埋肚生埋仔,有d驚阿爸阿媽發現,仲將自己既仔用唔同既方法殺死,掟落街什至有d搵刀砍,呢個唔係殘忍,而係當一個極度驚謊時,所作出非理智既行為!大家試諗下一旦自己發生咁既情況,你會有咩想法呢?搵屋企人幫手?求其送左佢去保良局?殺左佢?
所以呢d野有時侯真係幾麻煩,好彩既咪好似我個fd咁lo,雙方父母冇反對,又唔洗面對法律呢回事...比著我,我連自己食既問題都未搞得好,仲講話要養人?餓死老婆瘟臭屋就有!我唔係反對「偷食」,「偷食」咪「偷食」lo,最重要係做得人地條仔既,付返d責任,話哂人地犧牲左佢既身體,萬一生仔個時人地生死埋一屍兩命,到時唔好話後悔,癲都似...
點都好,想「偷食」既時候唔成日計埋計埋咩安全期,計安全期不如戴返個安全套,咁咪做得安全又開心lo...現實生活上,唔係個個人都咁好彩好似早熟咁,有父母原諒!就舉我另外一個fd為例,佢就係搞大左仔人地個肚,佢屋企人一氣之下將佢趕出家門!到現時,佢同佢老婆就住係一個平租既細少單位入面,仲有一個仔!而屋企人方面,佢到今日仲未有返去佢屋企...呢d野為咩呢?一時之氣,搞點老婆個邊,屋企人就搞唔掂,仲鬧返埋,唉!
一時既衝動,好可能會後悔一世!
|
