| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 5 月 22 日 星期一  |
寄出那封信後...  |
分類: 未分類 |
自上個月以來,我同阿芹已經好少講電話,唉!感情既事,真係好鬼死飄浮,一時好到爆,有時都好難去搵一d話題去講,搞到好冇feel,的確同阿芹係埋一整真係好多悶野,但總好過之前既女友,唉!1個月嘈一次,唔煩都煩死,我唔知佢係咪個幾日搞到成個好燥...阿芹好在冇火,但冇feel始終係冇feel,唉!咁拍落都唔係一個好事,所以今次我寄左封信,希望了左呢件事!
我係之前已經諗左好耐,不過好多次都落唔到手,每次想寄信個時,但又放不低,因為阿芹其實係一個表面堅強內裹唔強既人,心靈脆弱...唔想佢傷心之餘,又要去解決大家之間既問題,好慘...
信,最後寄左,只係希望佢唔好因為咁既事而傷心,如果真係得既,咁總算放下心頭大石...
今日,佢突然打比我,我諗佢應該未收到封信,咁我就既然佢仲未知,我就唔講信既事...佢呢排成日都唔做功課,完全係惰性全出,唉!我唔知點幫佢,只好叫佢唔好再懶啦!點都好,好頭好尾,我鼓勵佢繼續讀書...不過回想起自己封信,我就諗死啦!我怕佢因為睇左封信而情緒低落,我真係唔知點算好!
|
2006 年 5 月 21 日 星期日  |
| 未來的事,我又怎打算呢? |
分類: 未分類 |
我已經repeat左一年,雖然成績係有進步,不過依然擔心自己係咪升到班...我正係諗緊,我係咪真係可以升班呢?文化中學岩我d還是職業先修中學岩我呢?
的確文化中學唔係咁岩我,事關我鍾意返工多過返學,如果當初係選中左一間係職業先修中學既,我肯定會有更好既心機去讀,可惜既係職業先修既中學唔多,我想讀,不過新界真係唔知邊到有,可能大埔掛...
考試將近,我唔知點應付,外界既支持力不多,只好食自己,頂到幾多得幾多,溫書溫得幾耐得咁耐,所以現時打日記數量少左,我都好想打多d日記,可惜現實上好難容許到我呢個習慣!
電腦cut,手電暫停使用,電視盡少睇,連出機鋪都少埋,搞到灣岸d手勢都冇咁好,唔緊要,遲d左訓練自己,我諗會有進步既...
我好想將娛樂變成自己工作,但係行山呢門飯錢只係好少,做生態導遊搵錢真係少到冇能,有時未必係全職,partime又點做呢?我要既係長期加穩定既工作,人工幾多唔係最重要,我只想現在有一份工作,夠食夠住便可...
而家d工真係好鬼衰,上得job market既係唔係都要係中五畢業,頂!係咪真係一定要中五畢業出黎香d既咩?我而家只係中四,玩野咩?難道我要做7-11? |
« | 521 | 522 | 523 | 524 | 525 | 526 | 527 | 528 | 529 | 530 | ... | 629 | »
|
