| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 21 日 星期三  |
| 毅進計劃 |
分類: 未分類 |
方力申有個廣告,好開心咁拖住隻狗係沙灘玩,呢個廣就係好多人都睇過既毅進計劃...
我覺得我今次肯定冇法子上中五,我睇都係好似上年咁連補校試升既機會都冇,我反復咁耐過幾次,覺得自己有時都有少少笨,點解當初我唔上年已經離開禮記走去讀毅進,咁我就唔洗浪費一年既學費,對住我個班廢物...
讀毅進,同文化中學有好唔同,但係得到既下場都係會好似經歷中五,渡過會考!
若我今年升唔到有三條路選擇,如下:
1.找外校,繼續上中五,不過就唔會好似禮記咁好,至少band2尾,分分鐘入到去係「戰場」,仲要面對會考,會考出黎可能都係全軍大敗,7科肥哂,0分
2.打工,中四出黎可能未必有d咩野好做
3.毅進,視乎咩課程,不同課程就有不同長短,但大部分課程都係同未來工作有關,而且畢業後,我可以得到會考五科pass
5科pass當然好啦,至少我可以做一d工務員既工作,例如海關,差佬或者其他政府部門,可以係話人工好福利ok啦!好多人都想自己5科合格,但好多時因為會考失手,或者自己既問題,搞到4缺1之類既情況,如果毅進,我唔洗怕會考!
有咁方便既路行,咁走都抵la!好過係學校比一d教統局冇聊既課程折磨,好多人都想話係學校過,不過我就覺得學校既生活除左課外活動,其他野都係折磨緊我,我都唔鍾意一般既學校生活,而且非常討厭冇聊課程!就舉一個例,第時個個到係上班一族個時,會唔會個老闆問係幾條中史,問你隋楊帝係隋代行左d咩政際?
毅進,我可能真係要幫襯你...
|
| 2006 年 6 月 20 日 星期二 |
| 對與錯 |
分類: 未分類 |
人在世上冇分對錯,有對的,亦有錯既存在!道家思想:「太極生兩儀,兩儀生四丈,四丈氐八掛」所以道家既象徵符號係一個「八掛」既符號,黑白相分之餘,黑中帶白,白中帶黑...呢個符號充分反映現實...
人好多時以法律同規則限制左自己,導致好多行為被封鎖,人認定左好多被自我認為錯誤的事,但事實又係唔係錯呢?
香港革命主義者長毛,佢好鍾意係一d示威行動入面進行較一般人士為激進既行動,佢有冇做錯呢?我會比既答案係中間,佢示威反映人民意見,是對的!激進行動而至攻擊他人,是錯的!所以佢冇錯,亦都不是對!
人好鍾意搵界限自我限制,咁企係介上面,d人又會點睇呢?大家都睇過矛盾既故事,知道賣矛同盾既老闆好瘀皮既離開,點解佢唔試下真係兩者擊之,話唔定有出人意表既結果,矛同盾兩者都達成目標,矛同盾亙相打和...
成事冇絕對,呢句說話真係講得冇錯!若一個世界完全正義,正如阿當夏娃既世界,咁又點呢?問題就大啦,人人都係蠢材,低能地過每一日,我地應該多謝阿當同夏娃祖先食左禁果,比我地有智慧!但亦都有佢既好處,個個人都係冇腦,單純到加零一,亦係一個和平...
倒反轉,世上是一個罪惡滿天,問題都係大,我地冇安靜既日子,食既係毒,做既係惡事!但同時佢既好處係,人唔會因為咁而好似阿當夏娃咁,每天都係虛渡光陰!
所以道家思想既「無為而治」係幾實際! |
« | 511 | 512 | 513 | 514 | 515 | 516 | 517 | 518 | 519 | 520 | ... | 629 | »
|
