今朝,我同steven 10點個時一齊去競技打機,當然佢開左灣岸卡,咁我同佢齊齊打灣岸,佢既技術當然差過我好多la~!
咁我今日就同佢以fastchase training同埋一次實戰,fastchase其實本來係賽車賽事中一個攝影鏡頭,即係其中一架車既車頭窗,頭鏟,車尾甚至車頂放置攝影鏡頭...不過今日居然用左係灣岸入面,而且係幾成?我開住4波釘住佢尾,我係發現steven有一個幾大既問題,就係當擦到牆同埋炒左之後,落波動作技巧未掌握得好,冇直接快速落波,而且冇練習冇去記波盤波數位置,所以導致車速略為慢...轉彎回肽方面,經常係做唔足,有時太早轉左彎,搞到車左埋牆...最主要係冇留意路面清況,經常仆直地仆埋去d車,同埋冇留意個地圖,本身自己唔識加唔熟個地圖,應該要多加留意...
不過唔緊要,呢d野要慢慢學習,唔係一朝夕可以做到,肯努力就掂哂數la!我相信steven咁聰明既人,好快會上手...
之後佢升level,我就例行做一次跑圈,我睇佢level,搞到我自己都分左心,跑圈時間搞到慢左...
過左一陣,我玩story mode,連續兩個stage都比我打贏左...你知la!一張卡去到三角形級已經係非常難打...
過多一陣,有人挑我機,可惜挑機者係好快好勁,815匹wo!超難打...輸左...
咁我知道,不久之後將會有大量勁人入哂黎,咁我同steven選擇去第二間打,去左323
入左去,都係冇人打灣岸,空空如也,咁我同佢來個實戰,我以600匹(最低匹數)既三菱8代vs steven既480匹既mazda RX-8玩22.8km,當然我以實戰都係會讓半球,不過可惜steven既失誤率太高,有時令我遲遲都未見到從我倒後鏡中既車頭燈,就算見到都係轉彎個時,但都相隔20多米,steven起步不帶攻擊性,就咁比我過,多數人開波321個下應該以閘車閘向敵方,如果係大直路就直標,轉彎當然取內彎飄過去...,除非對方講明除失誤外,唔可以閘車,否則閘車閘幾多下都冇問題,最多對方埋怨下你...如果係新之城或旺角太子等地區冇遵守雙方既同意下所立定既不閘車規則,重重有打!
我再入多3蚊,玩我從未玩過既野-「十人砍」...「十人砍」係一個幾特別既賽際,1個level打10個computer,以過敵方車頭為win...我只係開4波,咁就win哂成個level1,不過我只係win左1/100個level,有排打lo...o嘴~~
之後marco黎到(我既頭d師父),之後又領略下佢既 power,我灣岸得,不過頭d就真係超唔掂...一黎灣岸同頭d既風格係好唔同,2來頭d專玩山路,灣岸公路為多...加上上波好唔同,頭d只係推上推落既「擦子膠」波棍,而灣岸係「仿真車6前速波盤」...所以我好唔適應...當然師父咁勁,梗係win左la!
我唔明點解呢排好似超好運咁,考試又咁少肥佬,同老婆又可以咁恩愛,到而家玩灣岸又咁好手風,係學校樂行之友又咁穩定...真係人生滿希望!如果對比返上年既我,我係好唔開心,失落既人...
可能老婆旺我,搞到做咩事都係咁順,多謝你唷老婆!希望你繼續能夠旺我,呢排係我成世人最好運既時間,我以前只係一直行緊衰運...
|
