好耐冇打日記啦HAHA

前幾日冇打係因為唔多開心,

所以想休息幾日........

前幾日既我唔補番啦,

講番琴日先,

琴日參加左個理大搞既團結和諧創旗幟,

真係激死.....

企左三個鐘,

安排勁差!!!!!!!

下次打死都唔去!!!!!!!!!!!

我愛我的老公仔=]

今日時間過得超快,

不過有D唔開心既係,

明明做哂功課,

但都漏左冇帶.......

搞到要去......

唉......而家仲要聽老豆講耶穌......

受佢氣.......難頂.......

今朝飲左幾啖變了質的牛奶,

不久開始肚痛.......

陪阿彤去大快活食早餐,

之後搭的番學,真是浪費金錢的行為......

今日有早會,有外來嘉賓來宣傳同表演,

真是嘈嘈嘈......

之後第一堂數學堂,

小測唔合格,3/10......

第二堂生物,

悶悶悶.....

第三堂物理,

呆呆呆......

最後中文,

抄抄抄......

放學WITH老公仔食糖水,

回家去......

P.S 老公仔,祝你補考成功

火呀......

琴日上堂過得飛咁快,

放左學之後同老公仔一齊出總會,

途中食左碗好味既雲吞麵=]

比人老點,去錯地方遞表.\/.

之後D証書仲要未搞掂......

唉......

今日本應心情靚靚,

不過.......我憎死D PREFECT!!!!!!!!!!!!!!!!!!!

火火火火火火火火火火火火火火火

好好好多功課......

今日朝頭早真係好驚要去留堂班,

因為去左留堂班放學就冇得見老公仔嫁啦,

所以一朝早就彈左起身,魯作埋果兩樣唔識做既功課,

之後七點鐘就同細佬一齊出門口同埋叫老公仔起身,

番到學校門口,要比老師檢查校服,

miss ko咁岩就係門口,

捉左我前面果個,真係好險......

今日第一堂係電腦,

一入到電腦室就聞到一陣好難聞既味,

原來係電腦d地毯長期冇洗而發出既臭味......><

第二堂係英文,

好呆咁上堂......

第三堂係數學,

quiz好似係緊緊合格......

好悶呀呢堂......

第四堂自修,

本來係地理,

但係miss請左假

放學之後,

搭101番屋企,

番到屋企之後,

飲左杯水,因為冇蓋杯蓋,

搞到老豆D煙灰跌哂落去,

之後我仲飲埋,

超難飲,過一陣開始喉嚨痛,TMD......T^T

今日冇咩功課做,

因為自修堂已經做哂啦.......

P.S 老公仔,辛苦哂啦

今日過得好充實呀~

一大朝早八點幾就去到老公仔屋企整醒佢,

然後就番集會,

隻懶訓竟然醒左之後又訓番,

仲要訓到十點半,真係串咀><

領袖真係唔同D......T^T

放會之後就去我既第二個家HEA左陣,

就番屋企LU......

換完衫之後,就上秀茂坪,

上到去坐左陣,

阿爺同細佬就捉象棋,

但係捉之前,細佬就去左廁所,

跟住阿爺就話:唔好去哂呀,陣間輸左可以借尿遁呀~

笑死我=]

呢段時間我都百無聊賴......

所以我就去搵我既好朋友,鋼琴小姐

每當我一有唔開心,

我只要去彈下佢,

過一陣,我就會開心番同埋變我好輕鬆=]

但而家唔洗LU,

因為有個好錫我既人幫我分擔左一半,

多謝你呀=]

我好想去好多活動呀!!

我要努力用成績去爭取.\/.

P.S 我隻腳趾BB好慘呀......

     今日比我撞左佢兩次,

     好痛呀......T^T

P.S 死啦......

      我仲有兩大樣功課唔識做呀.....

      OMG......T^T