好滿足既一日

今朝七點幾起左身,

見到姑姐同老豆都起左身,

之後我就再訓番,

到八點幾又起左身,

本身以為老豆唔駛番工,

但果時我已經聽到佢攞袋出門口,

勁開心~

九點鐘就起身刷牙洗面食早餐,

然後就出門口搵我既愛人,

去到之後又唔開門比我衰野

不過我都知你攰嫁啦=]

所以我好有你心嫁,嘿嘿

不過口喉痛我就幫唔到你啦....

記住飲多D熱水呀!!

好開心收到一份預早送既禮物,

其實你送咩比我我都咁錐意嫁傻佬=]

兩點幾就同老公仔去食野,

下次去街一定要帶多支水呀.\/.

之後老公仔就要去受死啦......

希望佢唔駛受氣啦.....

P.S 老公仔多謝你呀=]

呢個禮拜過得雖然快,

但係功課就勁多啦......

每一晚都做到十點左右先訓......

我係一個要訓足十至十二個鐘先夠精神既人=]

琴日最尾果兩堂全級一齊去聽音樂會,

係一個好爛既音樂會,

有好多同學聽聽下都訓左=P

番到學校解散左之後,

老公仔黎左接我呀=]

之後就同老公仔去食野,

最後就去補習,

七點補到九點......好攰T^T

今日上咁多堂,坐足咁多堂硬板凳......

坐到PAT PAT都痛埋T^T

今日老公仔第一日去番工呀,

真係辛苦啦~

所以放左學之後就去搵''旺財狗''=]

老公仔,祝你工作愉快

今日過得好平淡......

今日又同阿彤搭的士番學校......

有錢女真係有錢女,

成日將D錢亂咁洗......

今日既第一堂係中文堂,

過得好快,

抄抄寫寫,對下答案咁又一堂LU~

第二堂係英文堂,

聽下書,做下工作紙.....

又過左LU.......

第三堂數學堂,

PAT PAT開始痛啦,

連續坐左三堂......

有好多數多唔識呀,

聽日快D到啦,我要補學番呀><

最後就係體育堂,

分組,度高,磅重,手握力......

我係第2組,身高163,冇高冇矮,

體重唔講,輕左3磅,過輕......

手握力,左手20.5,右手19.5,

個個同學都好大力呀T^T

我覺得今年所有科目既老師都安排得好好呀,

好盡責,教得好好,但除左數學,我成日都聽唔明......

我好鍾意中三呢年呀,

我相信今年一定有進步!!

P.S 老公仔,祝你見工順利呀=]

我開始發覺原來做主席係一個好好玩既職位=]

做得好會比人讚,做得唔好會比人鬧鑊金,

真係驚險又刺激

今日上既堂都好開心,

但除左頭尾果兩堂,

第一堂係數學堂,

今日得一堂,

D時間飛咁快就過左...

第二堂係生物=]

第一次上,感覺好好,幾鍾意,

比MISS講到好無奈,

讀文科又死,讀商科又死,

姐係焗住要讀理科......

不過都預左嫁啦,

因為兩個家姐都讀理科,

我要讀理一班.\/.

第三堂係物理,

個阿SIR第一眼望佢好似好惡咁,

但係原來佢好搞笑嫁,

全堂成班都笑唔停,

但係佢笑都冇笑過,

同埋講野只有一個調,

真係怪人一個

第四堂係中文,

好悶,好多功課,

唔多講......

今日好攰,心情不佳......

P.S 老公仔唔好唔開心啦,

      你唔開心會有個人跟住你唔開心嫁......

      KEEP SMILE=]

今年D功課比上年多左呀......

質又多,量又多.......

不過講起功課就唔夠我堂家姐多,

琴日上左秀茂坪,

睇到佢攞左張MATHS工作紙出黎

張工作紙個名好搞笑嫁,

叫做''星期六,日唔怕悶工作紙''

超特別呢=]

講番今日先,

今日第一堂係中文堂,

唔算太悶,

MISS 都講得幾好笑,

我終於知道今年中文科點解唔用普通話上啦,

係因為今年我地有TSA要考,

所以要用番廣東話,

我覺得今年個MISS比上年個MISS教得好=]

第二堂就係英文堂,

做MISS好鍾意講笑,

所以唔會悶

第三堂就係最好玩既世史堂,

又係上年教得好好果個MISS教,

所以上呢堂氣氛特別好=]

最後就係通識,

唉......對呢堂冇咩好感,

唔想多講......

今日心情唔多好......