喉嚨痛T^T

痛痛痛......

聽日好多測驗呀......

唉,算了吧,

唔溫啦,D統測好似測極都測唔完咁,

分成十幾廿萭年去測,

溫極都溫唔完......

我選擇唔讀理科啦,

因為D 補習MISS阿SIR都話我讀唔到,

梗讀只會令自己辛苦,

所以經一輪游說下,

我選擇讀文商,

但問題又黎啦,

我今日先知道我學校係冇文商讀嫁,

但阿媽又唔比我轉校,

唉,想點呀......

唔通真係要留級一年,讀三三四?

點算呀......

上星期四既旅行真係三年之中最有意義既一年,

今年既安排真係好好,

船,非常之靚,真係好靚,

不過我冇帶相機去影相,

雖然行既山好雞,

但係一班人一齊行,

感覺幾好,唔會太悶,

又可以去睇下D好得意既魚魚,

真係好得意嫁@v@

又可以試下冇鈎釣魚,

真係好好玩,

老公仔,如果你下次真係去果度既話,

一定要投入下啦,

因為真係有好多野玩,

不過我而家希望既,

就係你隻腳''指''早d好番,

記得要多d休息呀

好好好耐冇打日記啦~

因為我呢個禮拜都忙住溫書同跑步,

所以冇時間打日記......

我諗今次統測D成績都唔會好得去邊......

我好期待十二月既來臨呀@@

因為我想同老公仔一齊去尖沙咀,睇燈飾同聖誕樹

又期待去買新機@v@

期待呢

p.s 老公仔要小心身體呀

      我愛你>3<

今日唔講學校~

咁講咩好呢?

UM.......記講放左學之後啦,

今日放左學之後,

又去左我既第二個家

老公仔都係色戒唔到,呵呵,

失敗

我的眼鏡攞左去整,整完番黎好左好多,

唔會跌落黎變''咸"濕百虎同埋阿毛-v-

又是時候溫書了

P.S 老公仔比心機溫書,

      同我一齊努力@v@

物理測了......

我諗應該唔合格,

要怪就只怪自己上堂冇留心聽書.....

我琴晚已經好比心機溫嫁啦,

不過,溫極都係唔入腦......

算了吧,當作一個教訓也好......

今朝早餐食左個魚柳包,

好滿足呀

之後就開始統測,

跟住第一堂就係中文加通識,

中文堂校長黎監堂呀@@

我好鍾意中文個miss,

因為有冇人監堂教書既態度都係咁好

之後L.S堂嘈到媽媽都唔認得- -'''

而我呢D乖乖學生就梗係做功課啦,

小息出奇咁得閒,真係好唔習慣......

想搵野做又搵唔到......

第二堂]]數學

而家教緊NET,

唔好以為係上網果D NET,

其實係畫圖果D,

所以悶到差D訓著......

第二個小息要落去揾社工,

傾遲D 30/11 既服務,

之後英文堂,

做LISTENING,做左成堂......

之後就係LUNCH,

我好叻叻呀,食左半盒飯,

因為我想增強番我既抵抗力,

我好似病病地啦,

我唔可以病嫁,

因為我仲要照顧老公仔~

跟住就係MUSIC,

呢堂要考樂理同耹聽,

同講埋今次要考既歌,

嘩~真係超超超難唱......

都唔知點算.......

放學,好開心,唔洗補課

之後就去搵老公仔

陪佢去買''送'',我比左好多意見佢呀~

好開心呀,感覺真係好似一對小夫妻去買''送'',

之後番到屋企得知阿婆琴日係美國番左番,

仲送左兩個幾靚,但係好可怕既公仔比我......

就是這個,所以我決定影完相就比番媽咪,

跟住媽咪話掉左佢,

都好既,唔洗咁得人驚......

P.S 老公仔,你要用心溫書呀

今日行程好緊張呀......

我而家先知道原來讀書係咁重要嫁- -'''

好啦,講番今日先,

今日一番到學校就趕住抄功課,

但係原來我趕住抄既功課唔係今日交喎- -'''

白痴的我......等我琴日仲趕得咁辛苦......

真係好白痴呀......

跟住就趕住溫地理,

講真,咁大個女第一次咁認真溫書咋,

不過今日考既時候發現,

我懶得溫果D就出勁多,

我好比心機溫果D就出好少......

唉......不過好在本人是個乖乖學生,

上堂都會聽書,

但係聽日就慘啦,

測物理,死硬......

希望我今晚溫得識啦......

跟住今日有兩科要背默,

首先就默左英文,

之後就默中文,

但係今日中文科MISS冇番,

所以今日唔洗默,

但係就比數學科攻佔左,

可憐的3A班又要上多堂數學......

跟住放學全班一齊溫物理,

溫到五點左右先走得,

最後,就去左APM到見我最錫既老公仔,

食左個下午茶之後就回家了......

P.S 老公仔,你要比心機溫書呀,

      追番D成績,做個叻叻學生,

      不過溫時溫,要保重身體呀!!