今日朝頭早同老豆去左太興食早餐,YUMMY

食完一個咁滿足既早餐之後,就去買包包比媽咪同細佬食,

十一點就同細佬一齊去補習,咁就HEA左一堂啦,

好哂錢呀,九十幾蚊就咁比我哂左...T^T

即使D錢唔係我既都好心痛...

補完習之後,就上秀茂坪,

上秀茂坪之前就抽左D時間出黎探我既愛人,

一上到佢屋企,見到佢媽咪抱住個BB仔,

對眼仔好大,塊面又圓,又鍾意笑,好可愛呀^^

之後坐多陣就上秀茂坪練琴,

咁就一日啦~~~

係喎,講番琴日先,

琴日陪家姐去配隱形眼鏡,

去左將軍奧中心,眼鏡88

果度既服務員既服務態度真係幾好,

因為我家姐用左半個鐘去學帶隱形眼鏡,

但個服務員都仲未發火,真係好野,值得一讚,

唉...今個月冇哂錢啦...借左錢比家姐之後失哂預算,

好慘呀...唔想到三十號,又要用錢,點算呀...

終於考完所有試啦~~我自由啦

我對今次既考試成績幾滿意,

大致上都有進步,幾好幾好

上學期有八份卷唔合格,但今次得三份卷唔合格,

雖然達唔到自己既目標,但有進步已經好好啦,

下年繼續努力

而呢三份唔合格既卷分別係:電腦筆試,生物同西史,

不過下年都唔洗讀生物同西史LU,

因為我讀商科,修電腦,

我已經交左選科表啦,希望順利入到啦,

本來以為要自己一個讀商科,點知臨交表前果幾日,

有兩個同學選左讀商,呵呵,真係好好彩,

不過,MIKI同PINKY都唔係讀書既- -'''

唔識煩住我仲衰...

我下一年一定會好努力嫁!!!

好期待七月八號呀,

因為果日派成績表@v@

我好想知我全級同全班進左幾多名呀~~

今次有好多科d成績都同煎魚差唔多,

不過佢得一科唔合格,而我就有三科唔合格,

應該唔會相差好多既姐^^''

就到暑假啦~~~HAPPY=]

今個暑期一定要過得好充實,

一分一秒都唔可以浪費

所以去玩就叫埋我去啦~~~

~~~~~~~~END~~~~~~~~

嘩~原來係五月有好多朋友生日嫁

唉...都唔知送咩生日禮物好- -'''

就黎考試啦~~死硬...

溫左咁耐書都唔知溫左D咩,

哂心機...不過都要加油呀!!!

黎緊呢個考試好重要呀,我要比比比心機呀!!!!!

今年暑期我想去做暑期工呀T^T

究竟係十五歲定十六歲呀?!

我而家好需要儲錢呀...

所以近排有好多野想買都唔可以買...

聽日有好多統測,小測同默書呀- -'''

今晚有排溫,唔洗訓啦...

係喎,琴日有一件都幾深刻既事想分享一下,

話說琴日既CHEM堂,有好多同學都私自調左位,

因為個MISS都幾傻下,有好多同學都當佢冇到,

但今次唔知點解佢醒左喎@v@

竟然知道有同學調左位,

我諗係因為之前都有另一科既miss投訴過,

跟住班主任超狠咁攞封箱膠紙貼左張座位表係老師枱,

但聰明既同學當然會用其他雜貨遮住啦,

但個白痴chem miss 突然變得聰明左喎,

差唔多落堂之前,就以check我地有冇帶file為藉口,

但實質上就抄底我地既坐位,

咁賤既miss都係第一次見...估唔到我地學校有D咁既老師...

不過都唔關我事,因為我都冇調到=]

我仲以為今日班同學會比班主任鬧,

點知今日風平浪靜,咩事都冇,

我諗係因為都就黎學期完啦,班主任都唔想搞咁多野,

好啦,今日打住咁多先啦,我要做功課溫書啦=]

今日已經落左成日雨啦...

唔知會唔會令四川既救援工作更加困難呢?

希望仍然生還但仲係瓦礫裹面既人可以快D被救出黎啦...

落雨令自己心情唔好今次係第一次,

我覺得我自己係一個透明人,

冇一個環境係可以令我覺得有人知道我既存在...

因為我係一個透明人,所以有好多野我都唔知...

聽到既亦都唔知邊D係真邊D係假,

唉...好煩呀,點解呢個世界咁多野煩嫁...

今日真係好煩惱呀,

可能係有一D唔應該知道/發現/了解/明白等等既野破壞左我既日常思想,

希望我可以快D忘記...

今日好熱呀~~~熱到我就黎溶啦

死啦...未正式到夏天我已經黑左好多啦,

如果正式係夏天既話我咪變炭

我不要T^T

我今朝起身唔知點解心情特別好,

所以今日事事順利,哈哈哈哈XD

聽日煎魚唔番學呀...得番我一個...可憐的我...

今日有好多功課呀@@

D老師都變態既,不過我咁乖,當然做左好多啦^^

今日既功課包括有:世史思考題600字,光是這樣已經做死了,不過我琴晚完成了,呵呵

中史作業唔知幾多頁,不過都已做了一半,

MATHS八大條,唔知有幾多小題,

L.S 一大張W.S,已完成

就是這麼多了=]

係喎,講漏左,我今日又帶熊仔番學啦,

不過佢就受左好多襲擊T^T

特別係果條變態魚,坐在我前面的...

請注意了,本人不太喜歡別人碰我的東西,所以可免則免了,

不過,那個別人不是指全部人啦~

好,今日打住咁多先啦,我要準備去補習了~^^