話咁快就三月啦@@

差D唔記得個世史補測添- -'''

成日凝住有D野未做,呢種感覺好唔安樂,

真係好想快D搞掂佢......

琴晚等等下訓左- -'''

一個鐘頭之後醒番,

之後比阿爸鬧左一大餐......

話電話唔可以擺咁近個頭........

之後超唔据,過多陣就訓番,

之後半夜醒左,感覺到有人同我蓋番好張被,

我醒既時候,佢已經行左出房,

我估果個應該係老豆=]

唉......到而家D功課都未做過,

今晚又做到好夜,

不過都好,可以陪下一D有大把功課做,

但都唔得閒做,而出左去參加其他活動既人,

我要開始做功課啦~

P.S 老公仔,唔好病呀,就算病都要快D好番

今日朝早起身五六七次- -''''

成家醒哂,除左我......還在睡夢中=P

起左咁多次身,所以索性唔訓啦......

起身梳洗完之後,就食早餐(蛋糕大大個),

本來想飲番杯熱奶茶,可惜冇熱水,之後就冇飲到,

跟住上左陣網,十點鐘就開始做家務,

包括:吸塵,拖地,"浪"衫及換魚缸水

十二點完成~

之後又開始上網同食LUNCH,

中途換校服,執袋,

兩點半出門口,搭貨VAN番學,

個司機係阿媽個同事,

全程都超嘈......難受- -'''

到左學校之後好驚好緊張,

見完之後,心情好差......

退了3名......連我自己都好失望......

經好多人的游說,當然每個人都有唔同既意見,

不過對我來說,他們都好像在搞事,

他們的意見總括而言,讀文,理,商都唔適合,

難道要我讀IVE嗎?!

心情不佳,自暴自棄中....

我想我要為下學期訂下一個目標,

而且向住呢個目標進發,

初步既目標係下學期考試要每科成績圴有進步,

希望我會成功做到啦......

呢兩日都好開心呀,

因為呢兩日番學放學都有老公仔陪=]

不過話咁快呢兩日就過左啦,

真係好唔捨得......

但係有得部總好過冇得陪,

所以我會好好記住這開心的兩天=P

由今個星期一開始我都遲左出門口番學,

原來番遲D係咁舒服嫁,

因為唔洗成日係學校坐係度等D同學番黎,

我開始覺得等人既滋味係唔好受嫁......

今日范SIR個老婆生左個女呀@v@,

一定好可愛,好靚女既姐,因為個仔都好乖,好可愛,好靚仔=]

祝范sir個囡囡身體健康,快高長大

今日上中文堂派番之前上堂作果篇文,

題目係"朋友",經MISS改過之後,

MISS從各同學既文章中,抽左D佳句出黎同其他同學分享(當中係冇我份的),

令我知道各同學既想法同寫作手法,同時亦令我知道我既文章有幾普通有幾差勁......

今天破戒了......我又在抄別同學的功課.......

壞習慣又來了,怎麼辦......

二月二十九日是我既大日子,也是一個不幸既日子........

因為那天是<<家長日>>,

我想我的成績都進步了不少- -'''

P.S  老公仔,呢兩日要好好休息,天氣凍了,多穿點衣服,保重身體=]

嘩~差唔多成個月冇打過日記啦~

怪唔得知我既打字速度又慢左啦~

我諗我要勤力番D先得啦@v@

我琴晚又發左個惡夢......

個夢係講我去左行山,

一大班人一齊行一段路,之後走左野狗出黎阻路喎,

跟住就比個阿SIR趕走左啦,

再行左一陣,竟然有上百條變種狗阻路喎@@"

(都係某D好人啦......帶我去睇D恐怖戲......)

之後有個阿SIR走左出黎,

攞住上次KK SIR 用果支電油,

倒左D落群狗度,跟住點火,

點知燒唔哂喎......

之後個阿SIR成支掉過去,

"BOOM"一聲爆炸

跟住我就嚇醒左......

唉......都唔知點算呢排成日發惡夢......

慘啦......仲有幾日就派成績表啦

今次考得好差呀T^T

所以得到呢個教訓之後,

我已經改左好多學習上既壞習慣,

例如:唔再抄功課,上堂專心左,會預習,做齊所有功課.......

希望會對我下學期既成績會有幫助啦~

今日老公仔攞成績表呀,

我覺得都係未如理想,

所以下學期要加把勁啦=]

今日食左一煲好好味既愛心煲仔飯,

真係好好味呀,希望下次有機會再食啦-v-

今日同老公仔一齊真好開心呀,

希望日後有更多時間同機會同你一齊啦=]

天氣愈黎愈凍啦,

各位朋友記緊要著多件衫呀~

今日好悶呀.......

中文,英文,歷史同通識,

歷史堂有片睇呀@@

而果套片既內容係講珍珠港,

睇完之後,我發覺果時D日本人都幾黑人憎,

上通識堂既時候,就做功課,抄NOTES.......

好忙好忙,我唔會浪費堂上既每一分每一秒嫁=]

放左學就去上課外活動,

唉......好無聊呀,浪費時間......