其實我係好耐之前, 已經成日暗示　”結婚介指Ｄ石唔駛太大粒，　因為日日帶，　太大粒石會好唔方便，　但求婚介指就唔同啦∼粒石呢∼可以大粒Ｄ都唔怕∼∼哈∼”

跟住阿文就完全明白啦∼∼但因為之前要擺酒，　駛好多錢，　所以完全將呢件事放低左∼∼

但我知阿文一直都有放在心上∼∼話一定會補返隻求婚介指比我！

剛好在上個星期日阿文就突然同我講, 話佢而家夜晚開夜既錢, 就係儲黎買鑽介比我既, 而且好快就會儲夠錢買比我的了~~~

真係好開心呀！！！

因為我真的嫁了一個很疼我的老公呀！！！

雖然我們不是很富有，　但我已覺得我們是很富足！

係咪真係有鑽介，　真係唔重要了∼∼∼當然有既話就梗係更完美啦∼∼’

仲有一件開心既事就係，　我收到風，　下星期一就會出花紅啦∼∼（以往通常都係農曆新年前先出花紅的，　而家就算係早左出嫁啦∼）

希望唔會少過舊年（我今年都冇咩特別大既過錯哪．．）

甘我地既蜜月旅行就會有幫補啦∼∼∼

另外∼ＲＵＢＹ∼∼∼你唔好甘擔心啦∼∼ＫＩＴＴＹ第時要選港姐的∼∼∼

今天聽到Ｃ　ＴＩＮＧ講話ＢＢ入左醫院，好似話係ＢＢ喉嚨唔知生左個水卜定硬塊，　希望ＢＢ早日出院平平安安，　健康成長！！

但在這個星期六的晚上，終於看了"獨家試愛"

原來，真的好看。

看到stepy嫁給小方的幸福的模樣, 勾起了我嫁的時候都是好好開心既。

看到stepy對於小方跟第二個女生有曖昧昤而生醋意(雖然小方自己認為自己係問心無愧的)，我都醒起自己都曾經為了阿文跟他的舊女友傾電話而令我好唔開心，那種醋意的心情, 我都試過，是很不好受的！

看到stepy跟小方閙交的時候, 嚇然發現原來每對男女在閙交時所有的對白都是一樣或差不多的！

因為stepy在閙交時說過的, 我都同樣在跟阿文閙交時說過.......小方所說的, 阿文都有說過...

當我跟阿文閙交的時候, 我都想盡快離家出走, 走去邊都好, 總之唔想留係閙交既案發現場...但好失敗既就係, 通常我都未出到門口, 已經比文攔住。有一次比較幸運的, 順利的離家出走, 但我去左邊, 阿文好快就估到, 我只有一個地方可以去, 就係細芳姑姐的家...

看到小方有外遇, 我自己都在想, 如果係發生係阿文的身上, 到呢一刻我都係要自己堅持"一定唔可以原諒!!!!!"

但看到最後, 小方發現自己最愛的是stepy, 決定去追返個老婆, 求情既時候所講的說話, 都係似曾相識的~阿文都有講過~

那時候, 我都跟stepy一樣的心軟起來.....好想原諒對方.....

但我嚴重警告吳x文你呀~~~講係甘講咋~~~若果你真係夠膽去攪外遇既話!!!!我係一定唔會原諒你嫁!!!!!!

又係飲茶, 幸好今日去了另外一間茶樓度飲, 唔係既話, 真係食唔落.....

而家我在公司的辦公桌上面呢, 就有三個月曆, 一個係有阿蟲畫既插畫, 一個係好普通一張過有齊十二個月既, 最後一個係我最鐘意既魔盜王月曆~係之前阿文買隻魔盜王二既DVD時送既~~好有型啊~~

月曆絕對是在辦公室裡面不可缺少既物品~~~~

以上的日子, 我們每天的中午都係去茶樓飲茶....真係悶死, 做冬又食左兩天, 唔知聖誕又食, 新年又食...前天話係A同事生日又食, 昨天話係B同事又去食......

唔知係咪日日都去飲茶, 食D野都好肥膩嫁, 攪到塊面都出左好多豆豆....真慘, 我平時好小出豆豆嫁...

昨晚約左細佬出黎傾, 佢真係好鐘意佢女友...話佢點好點好...但係媽咪面前又唔識得做得好D...最慘係煩到我...唉...真係好煩..

細佬話一切都係誤會, 但公說公有理, 婆又說婆有理, 我都唔知信邊一邊...

煩煩煩煩煩煩煩煩煩煩煩煩煩煩煩煩煩煩煩煩

佢叫我20號那個星期起行, 但我同阿文個PASSPORT都要1月中先有....所以實在太危險了. 所以而家我係打算2月4日起行。而且目的地只改為去東京哪。因為我諗清楚, 我都係想去東京多D, 去哂兩度太貴了~有得去東京我已經好開心的了！

昨晚一放工, 要返娘家吃飯,老豆話有張什麼表格要我返去填....我話星期六返去, 佢又話趕唔切！所以唯有昨晚返去啦~佢講得甘緊要~

之前我就先去探望RUBY & 小KITTY啦~~佢出左世甘耐都都未探過去呀~因為我之前個月擺酒, 唔可以上去探BB！昨晚終於親眼見到小KITTY啦~真係好似RUBY既老公阿SAM呀~~小KITTY好可愛呀~而家有10磅幾啦~~

好快速甘探完小KITTY~就返我娘家吃晚飯(因為我娘家跟小KITTY是很近的~)

一返到去, 又聽到媽咪對我細佬女友既投訴:

• 媽咪已極度不滿細佬而家每晚都帶女友返黎訓。
• 女友食完野既碗筷, 沒有自己洗淨, 只有放到洗碗盤, 要我媽咪幫佢洗！
• 唔知係咩情況下, 佢地要求我媽咪手織一條圍巾比女友。
• 女友夜歸, 要我媽咪留埋飯比佢女友食。

我聽完之後, 就忍唔住打去話我細佬！要佢叫佢女友自己檢點D!!自己食完既野有手尾！唔好以為呢度有工人比佢駛！

但我細佬既態度, 慣例的嬉皮笑臉！令我更加嬲！再次警告佢我唔係同佢講笑！佢女友再係甘我真係會指住佢額頭係話！雖然我已經唔係娘家度住, 而且之前都真係唔想介入佢地...但聽到媽咪既投訴, 我唔可以坐視不理！唔係那個女友會得寸進尺！

唉, 點解我細佬拍拖都要煩到我嫁......

嬲完之後, 我就落去觀塘既仁愛圍搵阿文, 佢大佬約左佢地成班兄弟食飯！點知佢班兄弟越食越高興, 之後仲要去埋KARAOKE！雖然我都好鐘意唱K, 但理性話比我知唔應該去.. 一來明天要返工, 二來我地兩個人去又會冇左400元啦。但見阿文真係好想去, 就一齊去哪. 但已說明1點就走(當時都11:30, 但無辦法, 明天要返工麻..)最後都成1:45先走, 返到家都成3點哪...今早真係好眼訓呀...