今天跟媽咪一起去買嫁妝裡面最重要既--行李箱 + 被

媽咪話以前d人就興以樟木"弄", 但而家d人通常以行李箱黎代替。

我地今日係樂富吉之島, 首先買左張絲棉被(用來作為龍鳳被)500幾元(原價千幾元的)

雖然個被芯係白色, 但媽咪之前已經係宜家傢俬買左一套紅色的被袋, 枕頭袋及床罩比我~

之後就去買左一套行李箱, 都只係600元都唔駛(一個大的行李箱+一個細的行李箱+一個手提包)全部都係深紅色的~~~(因為喜事最好都係買紅色的, 而呢d口急的深紅色我都覺得ok的)

最好個樣係, 佢地仲可以安排送貨~~唔駛我地兩個女人又拎口急, 又拎被...又下雨...好鬼狼狽。我地仲安排佢地遲d先送貨, 因為我娘家現正重新掃油中. 所以我地就叫佢地10月25日先好送貨黎~~時間剛剛好~~~

我仲買左一些內衣, 因為上頭個日連底衫褲都要係新的！

而家只係差一套茶壺&杯, 碗筷甘樣. 媽咪話呢d佢去買就得, 唔駛我係度~~~

就係甘, 今日又駛左好多錢哪......

究竟唐餅要奇華好定榮華好呢, 兩家的價格都差不多, 係榮華平少少, 問媽咪佢又話冇所謂....我自己雖然未食過這兩家的唐餅, 但我覺得奇華D野靚D呀~好煩呀~~~~~

由我的概念設計出來的請帖, 已經是第九次修訂版哪, 真係會拎去印啦~~應該會OVER BUDGET, 但係整到我都幾滿意, 貴D都算~

希望各位賓客高抬貴手, 唔好甘快或係我面前丟掉我們的請帖呀。就算丟, 都留返係屋企丟啦~~如果肯留為紀念就更加好啦~因為我真係比左好多心機去整嫁！

張帖上面我作了一段文, 是描述一下我和阿文識了多久, 大家的性格, 我們的目標及對來賓的感謝等等, 就好像一本書的序一樣, 大家不必仔細地看內容, 都稍為知道我們倆的故事。

唔少得既梗係我地既靚靚婚紗相同埋我畫既Q版YO & MAN啦~

呢張帖呢, 實物應該下個星期就會印好~~真係好期待呀~~~

我對呢張帖真係好滿意~~~特別嗚謝傑傑的好朋友~~阿泰(大頭/十三張王)~~

帖就已經攪掂, 但仲有好多野要買...樣樣都係錢.......金都d野貴到癲呀~

我之前去開深水埗, 見到一把紅色傘都OK WOR, 而且只係十元, 就買左先~

點知去到金都, 見到一模一樣的紅色傘, 佢地竟然賣緊28元呀~~~你話佢地賺幾多呀哪~~

D襟花又好貴WOR, 成18元一朵, 我地有20個兄弟姊妹, 甘又成400元啦~~所以我諗住自己去深水埗買一些絲花自己整, 我覺得應該唔難, 等我試下先~~

昨天到阿文媽咪那裡做FACIAL, 我之前眼角生左粒油脂粒, 昨天阿姨幫我挑~痛到我不斷標眼水~~~好痛呀~~~~大家塗臉霜時千萬不要塗得太近眼睛呀, 瞼部來不及吸收, 就會造成油脂粒嫁啦~~~

不過整左去都好既, 因為唔理佢係會越來越大粒嫁~~到時油脂粒大過隻眼就慘啦...

但已經勁難等車同勁塞車, 我5點幾走, 但去到藍田都成7點....呢一程巴士認真抵搭, 5元都唔駛搭足一個鐘(原本只須大約半個鐘的)

今晚係阿文媽咪的家做節, 我地已經算係最早到既一對. 其他人陸續回來~~

傑傑好乖呢~佢真係有留到個本有魔盜王特輯既MILK比我~

然後我地就開始勁食一番啦~

食完飯既餘慶節目, 就係像遊戲天王裡面既其中一個格鬥, 兩個人面對面的蹲著, 只可用手把對手推倒為勝！由於吳家的人大部份都係癲嫁~~(特別係我既合法丈夫就係最癲既一個...)所以戰況真係好激烈嫁~~

1ST ROUND--妹妹 VS 小英

一睇就知小英大蝦細哪~~~

2ND ROUND-- 吳X文 VS 細芳姑姐

兩人都係屬馬既, 但強弱太"縣"殊了~

3RD ROUND--吳X文 VS 妹妹

雖然妹妹有很強大的蠻力, 但都係打敗唔到癲既吳X文..

FINAL ROUND --吳X文 VS 吳X傑

親兄弟骨肉相殘~為戰況最激烈又最好笑的一戰~~

剛剛有同事去完泰國旅行回來, 買左好多手信返黎, 但我卻唔食得, 因為好多都係好熱氣既, 阿CON話食左我又會喉嚨痛嫁啦, 所以都唔比我食. 但就比左D膠袋仔我, 把想食既野儲起佢, 等好返先食...所以, 我而家已經儲左甘多野未食哪....

那些比我包起左既榴槤乾同魚乾似唔似人地係兇案現場搵到既證物呀~

雖然我仲未完全好返哂, 但昨晚是公司中秋食飯, 我就一定要去哪!

今年公司決定去Peninsula Hotel, 1/F的The Verandah食飯

DRESS CODE: Smart and Casual, no shorts, no slippers.

有點可惜的是, 今年冇叫我地帶另一半出席.....有好野都想跟另一半一起分享的麻....

今次是半自助餐形式的, 頭盤同甜品都係出去自己拎, 呢PART係好正既, 因為有好多魚生, 生蠔, 壽司, 沙律....好多好多野食~

其實食完呢個ROUND已經有點飽了.

跟住我揀左"牛肉清湯", 好咸啊~十足十罐頭湯甘, 而且湯裡面有一些切到好細粒牛肉粒, 令我更加深信這碗是罐頭湯...

到主菜, 我就揀左羊肩闊條麵.....講真....唔知係咪我食唔慣貴野, 我覺得呢個羊肩好似羊腩煲D羊腩甘。但係我覺得支竹羊腩煲好味D~

所以這一餐裡面, 我覺得係D麵包同自助餐個部份得分！

但個主菜同個湯就真係扣哂分哪。

呢一餐要HKD498一位, 都唔算太貴, 大家都可以去試下, 但就唔好甘大期望哪..

到了今天, 仍然都未康復, 聲音比平時低沈了很多.

沙啞的聲音, 使我無法亦無意像平日一樣在公司裡叫囂...公司當堂靜了很多....

吃過醫生開給我的藥, 感覺到前所未有過的口渴感覺(因為平時我都好少渴水的...)

昨晚睡得很差, 基本上好像沒有睡過的感覺。

趟在床上, 就感到非常的口渴, 起身去飲水, 沒多久, 就感到須要去洗手間...以上動作整晚都在重複著...

我記得我最後一次起床的時候, 天都有點亮了.....

所以, 今天真的很辛苦.......

很累, 很渴....