各位我最親愛既姊妹~

為了讓兄弟及姊妹作初步既認識, 我們現誠意邀請各位於11月6日(星期一)出席飯局~

現暫定時間約為8:30

地點: 旺角

主題: 打邊爐

實質的地點會稍後確定！

感謝各位既留意！

點知, 睛睛完全唔理我.....令我好無奈......

仲有一件事, 就係今天早上由於我要先出去深水埗睇野, 所以收工時都已經好累。

阿文突然問左我一句 "你今天係咪好累呢"

我話 "係呀, 行左成朝深水埗, 真係好累!"

阿文再古古惑惑甘話 "唔係呀, 因為你今日係我個腦度行左成日, 所以先會甘累呀!"

我唔明咩意思...追問之下.

阿文就好勞氣甘話 "物你甘都唔明嫁~~即係今日我個腦成日想住你!!"

雖然係旺角既大街上, 但我都忍唔住係度狂笑~~~~~

阿文就好奇怪甘話 "係網上面D人又話只要甘樣講, 女仔就會覺得好甜既~點解你聽完會笑到癲左甘嫁!?"

佢講完呢句, 我笑得仲勁~~~~哈~~~

真係好好笑~~~~~~~

Get Your Own! | View Slideshow

今天我去到SOGO買餅卡~~勁多人~~足足排了45分鐘先到我~~

原來個度好似一個小型既婚紗展甘樣, 但規模就比會展個D婚紗展細好多！而今次係由生活易主辦的~只要填妥問卷, 仲有一份禮物包TIM~~禮物包裡面主要係有一些參展商的宣傳單張, 最得意既係佢送左一支大號的高露潔牙膏同一包紙巾~~

之後就約左HUMAN去花墟一間叫繽紛既鋪頭~~諗都諗唔到而家D絲花會靚到甘~~~真係好靚~~像真程度又好高, 而且價錢梗係唔算貴啦~一束花有6個花都只係賣45元, 有HSBC信用卡更加係有九折TIM~~~真係推介呀~~~

今天買絲花TOTAL都係用左300元都唔駛~~就足夠做26朵襟花啦~

真係好開心呀~~

我仲買左個小桶子, 比睛睛灑花瓣~一支心型棒棒~~可以比睛睛扮公主~~~希望她會鐘意啦~~~

買完花, 我地就返我屋企整哪~~好彩HUMAN帶齊工具咋~~我屋企除了有把剪刀之外, 就什麼公具都沒有嫁啦~~

其實今次HUMAN仗義幫忙整絲花, 我已經十分之感激, 點知佢仲好到送左對SWAROVSKI既耳環比我. 真係好多謝佢呀!!!佢實在太好人啦~~~我欠佢一餐好勁嫁晚餐哪~~~~

計計下...其實今次搞婚宴真係得到各方好友既幫忙同協助, 我地先冇甘辛苦同埋甘順利！在此再一次鳴謝一下先得:

PIKKI--好伴娘~幫我化妝仲親手整埋頭飾比我！

HUMAN--幫忙做出這麼漂亮的襟花~~

各位兄弟姊妹--十分感謝各位肯為我同阿文做兄弟 & 姊妹！

細芳姑姐--為我媽咪及一眾姑姐們的形象設計。

阿泰 & 傑傑-- 碌爆張人情卡幫我地印左這批受到好評的喜帖！

EVA & 華--幫我地係極短時間買到超抵的美心餅卡。

羅露比--各方面都得到她的教路指點~~

瑩瑩--多謝你既中學同學CONTACT LIST~

我代表阿文向各位致以衷心的感謝！

感謝各位！

這幾天我已陸續打電話給我的朋友仔~舊同學通知將會派帖既消息~~ 有一些都未確定能否出席~~希望最後她們都會出席啦~~~

想當年我地一起為會考奮鬥~~~亦好希望她們能參與我的人生大事~

特別是中學時期伯裘英文書院的老師~~~很想讓你們看著我出嫁啊~~

再重申一次~~~希望你地收到我的請帖的~不要在我面前把請帖丟掉呀~~(請忍到返到屋企先丟啦~)若果會收藏就更加理想啦~~~因為眼看著自己的精心傑作被丟進癈事箱是一件很心痛的事哦~~~~

講返婚事進程

我地經過多輪既比較(包括價格, 民意調查, 個人喜好)我都係決定買奇華作為唐餅~~

之前去門市度問過~佢地最多都係做到85折...所以價格係(榮華及恆香裡面最貴的), 但是~~在明天(10月21日至10月22日)在銅鑼灣SOGO會有BOOTH, 到時所有餅卡, 無論你買幾多張, 都有8折優惠~~

簡直係天助我也~~唔駛特登又去婚紗展去買唐餅(要20元入場費的)~~

所以我明天最重大的任務就是去買唐餅餅卡~~~~

除了買餅卡~我仲約了HUMAN去花墟買絲花, 跟住HUMAN就會去我家度幫我整襟花哪~~~特別鳴謝！

PIKKI(伴娘)特別要求太陽花做襟花~收到~冇問題~~~包在我身上~

阿文今晚又要開OT了, 他說預計都要到零辰3點至4點先會收得工~而明天又要返秘撈..在此真的要再說一聲 "辛苦你了!!"

我都要加油加油先得~~~~~

我特別買了一支金色的MARKER筆黎寫~~好靚呀~~~

係我既朋友仔請帖裡面，我都盡量會畫一個我個樣既公仔係信封面~~

昨晚已經急不及待甘想寫帖，先寫了一些肯定會出席既朋友, 例如姊妹呀, 兄弟呀甘！

因為主要驚D信封唔夠, 當中我已經寫衰左成5個信封哪, 一定要小心D先得哪~~

寫下寫下, 先發現原來我地唔係好識寫朋友仔個中文全名...好驚寫錯....所以都係問清楚先寫.

我張帖有幾靚?睇住呢D相先啦~~~

從信封抽出來時~~這是帖的封面~~有我地張靚靚相！相中我同阿文抱住既熊公仔係我地自己帶去既, 因為熊公仔所穿著的禮服跟我地註冊時所穿的是一樣的~

這是帖的背後, 有我所寫的文章~

這是裡面印有地址呀, 時間呀甘~~仲有我畫既Q版阿文 & YO~~

我只印了300張, 絕對限量版~~哈~~~