開咗學啦,
今年讀6B。(其實差唔多個個睇我既BLOG既人都知)
又係果一班同學,
又係果一個班主任,
不過唔係果一個班長,
唔係果一個副班長,
唔係果一個數學老師,
唔係果一個常識老師...
總之一句講曬,
唔一樣既多過一樣既。

今年冇做班長,
不過做咗Miss Tang既私人助理,
我知道做私人助理要做既野一定會少好多...
做唔到班長,
成日都同人哋講唔會唔開心,
但係只有可以睇穿我既心既人先可以知道...
其實我真係有D...
其實我一早就知道,
如果係同學投票既話,
我就一定做唔到班長,
其實我一早就知,
不過我最估唔到既就係竟然全班無任何1個人投我,
就連BEST FRIEND都係一樣...
呢一樣野先係我最唔開心既。

但係都有一樣野係值得去露出我既笑容,
就係有人可以睇穿我既心,
因為只有果一D人先係我最好最好最好最好最好最好最好既朋友。

今日係番學既第2日,
唔做班長好似有D唔習慣,
好似有好多平時會做既野都唔可以做,
不過都唔緊要,
我唸只要為自己訂下「10大不可」,
應該都唔會有D咩野問題。

今次做唔到班長,
可能係因為自己平時得罪得人多,
又或者係其他既原因,
就連我亦都唔知,
我做錯咗D咩野。

最後,我係呢一到,
向今年既班長:徐佩欣,
同埋副班長:莫傲峯,
送上最後既祝賀同祝福。

(今次寫呢一個BLOG,唔係要同情,大家唔好唔會!)

呢一個暑假好好玩,
同家姐去咗San Francisco,
又去咗2次雅居樂,
好開心。

第一次在冇大人陪同底下去旅行,
好開心,
今次又坐國泰既新機既Business Class,
好開心。
因為好舒服!!!!!
在San Francisco既最後兩日,
做咗兩日購物狂,
買咗好多野,
有D係買比自己,
有D係買比朋友,
有D係買比親戚......
好開心。
我D朋友,等住收禮物啦~~~~~

上咗雅居樂兩次,
都有游水,
唔知道有冇高咗呢?
不過我唸都冇......T_T
當然有就最好啦!

1/9就開學啦,
唔知道點解覺得呢一年會好辛苦,
希望唔會啦!
1/9就可以見番D朋友啦,
好開心。

朋友們,1/9見啦!

好開心。好開心。好開心。好開心。好開心。好開心。好開心。好開心。好開心。好開心。好開心。好開心。好開心。

(唔知道點解呢一次打咗好多個"好開心"!!)

今日隨便睇咗幾個同學既blog,

發現好似好多人都冇打blog,

唔知係因為唔駛番學,

之後去咗旅行,

定一話係點...

But anyway,

算啦,唔好多管閒事。

7/7番咗去學校攞成績表,

考得都唔錯,

不過覺得自己好唔抵,

唔係,應該係超超超超超超超唔抵先係,

只係差果1分,

係總分1分,

如果你話我知係差平均分1分,

我都唔會咁唔開心,

係總分差1分wor...

不過可能係我自己上學期得唔好,

即係話我上學期D成績冇平時D水準...

「唔可以怨任何1個人, 要怨就只可以怨自己。」

記得呢1番說話係姨婆在考試之前同我講,

真係好有意思。

不過雖然我上學期係差咗,

但係我覺得我下學期真係有努力過,

問心無愧!

今日家姐,rachelle同sally一齊去咗apm睇Harry Porter,

我同zoe就在sally家hea咗4個鐘,

雖然有野玩,

但係冇得開電腦,

真係好悶,

早知係咁,

就唔理三七二十一(唔理自己驚唔驚),

都出去睇啦~~~~~

仲要佢哋番嚟話一D都唔驚,

真係覺得自己...

總之有一種講唔通既感覺,

我唸, 都冇人會明...

6年級,

係一個好special既word,

我似意味住一D野咁...

不過, whatever,

新既1年,新既開始。

就嚟做6年級既學生,

唔知道會點,

只係知道可能將會有一股重重既壓力降臨係自己身上。

而壓力既來源會係...自己......

真係咩都唔知呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~