話說，
我地拍一間上海理髮店，第一次去．．．老闆好好笑容有講有笑
但拍攝中段竟然突然問我地攞錢，出口就一千蚊囧
明明講好左比我地拍，但又突然收我地錢！！！
我地梗係唔比，之後就同佢講下次會帶個客比佢，佢先比我地走。
到左沈日，我地成隊crew 朝早去到，一入門口佢又笑笑口迎接我地，仲叫我地隨便坐
之後就問我地個客係邊，我地因為搵唔到客，就叫左其中一個組員去扮客，佢又好開心咁走開左
我地過去問老闆可唔可以訪問一下，佢話”得，比二百蚊我啦！”。+_+我地決定放棄唔拍老闆。
之後，我地決定唔犧牲我地既組員，而係搵果度既客然後幫佢地比整頭錢．．．
老闆超開心，亦比我地搵到２個客。
點知老闆收我地一個客＄100！佢地白紙黑字寫到明每個客人＄7x！佢收多左我地！！！
但我地都無出聲，因為費事比人趕走，連拍都無得拍。
到我地就拍晒啦，突然老闆又好好人咁同我地傾計，咁我地梗係拍低晒佢啦．．．．
之後佢就問我地係咪有個組員整頭，我地就話唔駛啦梗係，客都搵左，做咩仲要搵個組員黎搞？
哇！！！！老闆個樣即刻黑晒！！！仲走埋黎灘大手版”喂！比二百蚊我！”
我地呆晒！做咩佢可以變得咁快！！
我地好有禮貌咁講”我地都無訪問你，而且頭先咪幫客比左二百，你仲收多左我地錢。”
佢仲好惡咁話”果ｄ係客比，唔關事既！又唔係我收！二百姐，你地每人幾十蚊都有多啦！” 之後仲唔比我地走！！
我地見唔對路，就拿拿聲汁野。好彩走得甩．．．雖然一路走一路比人鬧．．．
但真係好恐怖。我以後都唔會再去！！！
|
