| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
 2008 年 6 月 10 日 星期二 微雨 |
同阿豪去搵工~~  |
|
今日下晏同阿豪去九龍灣搵工!!先去德福M記,填完form順便食埋野,不過係阿豪未食野!!我叫阿豪祈禱,
仲叫佢帶,佢點都唔肯祈!!哈...我一定要佢祈o左禱先准食!!最後又咪要祈!!之後上基道睇野!!
那套特價聖經一定要買到!!之後去淘大,搵了大家樂,大快活!!搵到6點多就同佢分手了!!我搭巴士,
佢搭地鐵!!我去慈雲山中心繼續搵,M記請夜晚,但...惠康,大快活都見o左!!大家樂竟然唔請人,
之前都請的!!見o左呢幾間就番屋企了!!
ps:今日F.5終於出camp了!!我好掛住你o地!!你o地攰唔攰呀??我幫你o地按摩o丫 !!
搵工好辛苦!!今個月要搵到工做!!我真係好急需要有一份工,搵o左好多份喇 !!邊個可以幫下我??
點解每一年o既暑假都會有軟弱o既感覺??我好辛苦...好想喊呀 !! 小小苦楚是否=激勵??
 |
| 刊登時間：2008-06-11 01:06 AM [ 訪客留言(0) ] [ 編輯日誌 ] [ 分享至FACEBOOK ] |
搵工~~  |
|
唔殺到埋身,阿媽都唔叫我去搵工做!!下個月冇綜援拎了!!所以今個月一定要搵到工做,唔係唔知點算!!
阿媽都係擔心冇綜援拎!!我都想快d搵到工做!!所以今日去荷里活廣場睇下!!都有2,3間舖頭o岩我!!
2點幾去到荷里活廣場,行到6點幾,撞到唔少人!!先o係搭緊車時,經屋企樓下撞見敏健,佢等緊車!!
去到荷里活廣場後撞到熨斗cell,佢o地話去o左睇戲!!後撞到啟華,我見唔到佢,係佢撞一撞我先見到!!
因為我顧住搵工嘛,平時我一定望到o架!!再之後撞到盧嘉靜,佢同佢媽媽行街!!都係佢撞一撞我先見到!!
佢問我係度做咩??我話搵工!!o個時都諗住番屋企了!!撞到盧嘉靜之前,我去過突破,突破有d野減價!!
我見d書籤本來$32一盒,減價後$12一盒,見到咁平,賣o左一盒!!行o左一日,冇收穫!!唉...聽日繼續努力!!
|
| 刊登時間：2008-06-10 12:00 AM [ 訪客留言(0) ] [ 編輯日誌 ] [ 分享至FACEBOOK ] |
| F.5入Camp了~~ |
|
尋日落了一場大雨,心想今日一定會好天,真的如我所願!!8點出門口,o係樓下撞到啟華同莫君翹!!
8:15am準時番到書院!!送書籤比團入Camp o既人,想鼓勵佢o地!!睇見佢o地今日要入Camp,
我都好興奮!!之後上去崇拜!!得7個人!!今日好攰!!團會之前o係4樓睇佢o地集隊,仲影o左相!!
之後就番入去團會了!!今次係團祈禱會!!貓貓做主席,祺峰彈結他,啟華獻詩!!今次唱<生命的疑問>,
<生命因祢獲勝>同<無名的傳道者>,<無名的傳道者>好好聽呀!!貓貓hold o既團祈禱會都好正!!
因為大力團上星期挑戰我o地團o既崇拜同團會人數,所以團祈禱會後大力入o黎公佈今日賽果!!
我o地20人,佢o地28人!!唱團歌散了!!6月尾cell會去睇戲!!7月會同筋斗雲合cell搞音樂會!!
唉...得番我同阿草去食飯!!其他人都要番屋企溫書!!真係低處未算低!!連New牙都得番3個助導去食飯!!
我同阿草去五十嵐食飯!!因為佢細佬冇帶鎖匙,所以佢食完要番屋企!!我唔想番屋企,所以番書院hair!!
番到書院遊蕩!!上了7樓,又去23rm!!今日冇o左d F.5,好似連隔離團都少o左好多人咁!!冇咩人玩!!
可能因為就o黎考試,番晒屋企溫書!!見到陳德仁同其他我不認識的人打波!!又見到夏嘉朗同余肇龍跟隊!!
我都想打!!不過似乎佢o地不想與我打!!算吧!!坐o係旁邊,點知坐o左一陣好唔舒服,唯有番屋企算了!!
差唔多入到地鐵站,撞到祺峰同儀仔!!番到屋企不久就訓著了!!因為真係好眼訓!!訓到7點到起身!!
|
| 刊登時間：2008-06-09 11:45 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 6 月 7 日 星期六 雷雨 |
黑雨...討厭~~  |
|
今早又落勁大雨,又行雷閃電!!原來是黑雨!!一大早就被雷聲吵醒了,但依然好眼訓!!心想定必有排落!!
但仍然祈求好天!!阿草在10點幾send訊息來說下午聚會取消了!!估到啦!!但估唔到o既係11點改掛紅雨,
雖是紅雨,但雨都少o左好多!!二家姐怨紅雨都要番工!!相信好快會落埋!!話口未完,11點半改黃雨!!
問阿草會否舉行番聚會??答案竟令我失望!!心灰!!唉...上次紅雨12點幾先取消,今次就10點幾先講!!
11點半都變番黃雨,仲係好早,取消團契都可以有開cell啫!!乜都取消晒!!真係天意弄人!!今日定必會發霉!!
如果黑雨早半個鐘落o左,可能今日都有機會番到教會!!
|
| 刊登時間：2008-06-07 01:46 PM [ 訪客留言(0) ] [ 編輯日誌 ] [ 分享至FACEBOOK ] |
晨更~~  |
|
惠君5:50am叫我起身番晨更,但我尋晚太夜訓,6:25am才起身!!我遲o左3個字去到!!
惠君話佢今日晨更數人數!!我上年做晨祈時都數過人數,做過一次!!今次原來係周劍雄宣教師做領會!!
聲波獻詩,不過佢唔係好熟!!完o左之後,番晨更o既有我,美君,銀,聲波,惠君,Lina,強同祺峰!!
我o地去牛車水食早餐!!阿豆同我o地一齊食!!哈...阿豆竟然公開年齡!!都未食野,Gini o黎o左!!
佢唔食早餐,應該係一陣同佢組員去買F.5 camp o既野同食物!!阿強要番工,食完早走!!我食到好飽!!
之後都各散了!!我,祺峰,惠君,gini番了新堂!!惠君同gini當然傾野,我同祺峰就好無聊咁周圍吹水!!
我o地同其他人分享上年去camp心得!!祺峰,陳肇龍坐到12點幾到走了!!我都諗住同佢o地一齊走,
不過見好大雨,諗住等細雨先走,上番6樓,同肥潘,周老闆傾計!!等到1點都係咁大雨,唔想hair咁耐,走了!!
去吉之島行o左一陣!!去到搵猜猜畫畫,點知都係冇藍色o個盒!!三聯賣$199.9,玩具反斗城賣$169.9,
吉之島賣$159.9,仲比玩具反斗城$10!!搵來搵去都搵唔到有藍色!!如果吉之島有藍色我一定會買!!
行完之後搵地鐵番屋企!!點知出到地鐵站,行去搭小巴時,一兩架車駛過,將地下o既水淺向路人o既身上,
包括我,都成身濕晒!!真係豈有此理!!我連頭髮都濕埋!!我唔舒服!!好在我番緊屋企,唔係都唔知點算!!
我番到屋企即刻沖涼洗頭,玩了一陣電腦就去訓教,實在太眼訓!!3點多到訓到7點多起身!!
|
| 刊登時間：2008-06-07 02:39 PM [ 訪客留言(0) ] [ 編輯日誌 ] [ 分享至FACEBOOK ] |
« | 3 | 4 | 5 | 6 | 7 | 8 | 9 | 10 | 11 | 12 | ... | 109 | »  |
