尋日想更新日記，不過又登入唔到。而家登入到但已經唔記得想講D乜啦...

終於踏入4月，距離＜美男吸血鬼＞首日仲有11日∼∼好期待！

官網更新左Q&A，等大家有個心理準備！！

上演時間連同中場休息大約2小時15分鐘

4月15日 14:00開演，睇到16:30左右。原來時間都幾趕，完場要即刻去機場∼

大堂設有「禮物BOX」，MADE只會接受信件

等我用超爛o既日文寫信俾佢地先

演出中會有食煙o既場面，不過係使用唔會產生尼古丁等對身體有害物質o既小道具

😱😱😱😱我只見過稲葉o既食煙相，其餘三人私低下食唔食就唔知！就算食我都OK接受到∼

因為偶像只係職業，其實佢地都係普通人，食煙飲酒講粗口好正常！只係好難想像健翔食煙個樣

一度以為藍色信封裡面冇門票，擔心左一日∼∼幸好只係小誤會！！

見到網上D人話張門票係綠色，旭哥話裡面只有一張粉紅色紙，真係嚇一跳∼

直到佢影左張相俾我睇先安心！我諗應該係分A同B兩個ENDING，所以門票都分兩隻色！

望住座位編號，幾乎開心到大叫∼∼

「Ｂ３階　Ｂ列　３０番」

竟然係第二行！！！！！！

雖然唔係對正舞台中間，不過坐咁前五官應該可以睇得清楚吧∼

上次睇NEWS演唱會要靠身型估係邊個，今次可以超近距離睇，勁開心

  ＜美男吸血鬼＞造型照正式出爐！！超級帥！！

💛冨岡健翔　飾演　莫札特

最大敗筆係髮型，健翔感覺同原作唔太似！點解呢？因為下巴唔夠尖？　紫色CON再淺色點會更好∼

❤️秋山大河　飾演　拿破崙

相似度80%，髮型可以更好！綠色CON好評！感覺服裝最華麗，睇企位應該係第一男主角？

💚稲葉光　飾演　達文西

相似度99.9%，只差點胸肌　四人當中拍得最好最靚仔！

💙福士申樹　飾演　柯南道爾

就連咀角下面粒墨都畫埋出黎！

睇完好想去整頭髮！！瀏海兼中間果執要特別長∼