這日來好似為班既事都上在d心

睇到愈黎愈多既問題

Btw 照常生活

上次預告左今集會講一個好強大既理論 改變世界格局  究竟係咩理論咁巴閉呢

佢就係 :   博奕論(Game Theory)

博奕論能夠讀/背既野好多  但係就背黎都無用   又一個概念性好強既理論

首先說明幾個博奕論中常見既詞語

納什均衡(Nash equilibrium) 係指當競爭博奕(如下棋)中  當一方既決定會影響對方時  而大家在下一步前會猜想對方既行動時  就會分別選擇自己認為正確既策略

囚徒困境 : 呢個係用黎演譯博奕論既最佳例子 任何人講有關博奕論時 都會以此為例

好.開始

識得捉棋既人會好易明白博奕論  因為佢地捉棋時其實己經用左博奕論

博奕論中經常提及對賽  競爭   其實都好簡單  都係指對戰

點先為止一個對戰呢 有咩元素呢?

以下我都用捉棋為例   後者全部為博奕論既術語

捉棋必須有對奕雙方  , 第一點:局中人 呢個唔難理解  無局中人就無法進行對戰

捉棋最大樂趣就係有無限既佈局 每步棋點行都引致唔同既結果 第二點 :策略  注意一點  有無限策略揀就叫無限博奕    只有有限揀就叫有限博奕  係呢度捉棋被歸類為無限博奕

行每一步都會有得著 有失著 亦都係點解d人要有策略

佢地就係要知道點行先最多利 最少弊  至於睇唔睇到最多利最少弊就睇你既棋力  第三點:得失  得失就係影響選擇甚麼策略

行車先定係上馬先   每步引致既後果都唔同  可能成功 可能失敗  第四點 : 次序   決策 有先後之分  次序唔同 引申出結果都會唔同  次序都係影響策略選擇既因素

最後要如何維持穩定既結果   即係話嬴 唔嬴太多  輸 唔輸太多   第五點:納什均衡  基於一方選擇會簡接影響對方  所以要維持對方選擇係自己預計之內 

納什均衡唔係一朝一夕可以學到  用囚徒困境講解相信更易明白

話說有一對小偷俾人拉左  係上法庭前佢地兩個被囚禁係兩個獨立既房間  無法通訊

獄長就分別同佢地講同一番說話

如果你招供 ,  而對方唔照供   就你判一年  佢判十年

相反, 對方照供  你唔照供       就你判十年  佢判一年

若然兩個一齊認  就兩個一齊判五年

若然兩個一齊唔認  就兩一齊判三個月

                                                                      囚徒A    

                                             招供                                          不招供

              招供               一齊判五年                        A判十年 , B判一年

B            

              不招供         A判一年,B判十年                   一齊判三個月

上圖就係情況既歸納     

佢地兩個正為應該招定係唔招而煩惱 

我地局外人好清楚 最佳後果其實係兩個都唔認  一齊判三個月

但係佢地各自會諗  如果我唔認  對方認  我要坐十年wo    如果我認 最多都係坐五年  好彩可以坐一年tim

於是佢地兩個都作出招認呢個決定  佢地都心知一齊唔認係最佳方法  但係就負擔唔起坐十年監既風險

所以大家都會招供 結果兩個一判五年    而原本最有利既一齊判三個月就唔會出現

以上就係囚徒困境  完美地解釋納什均衡 

兩名囚徒(局中人)都猜想對方既選擇(策略) ,  佢地權衡利利弊(得失) , 猜想不同決定既後果(次序) , 最後選出自己預想範圍內既結果(均衡)

博奕論有好多細則 應用於唔同既界別就有唔同既效果  因此要學懂博奕論  唔係靠背  係靠明白對方既需求及想法

搵出對方既弱點  猜想當自己係對方 自知有如下弱點時 會作出甚麼決定  又要猜想對方會唔會係故意露出弱點

下集會再略講兩種博奕  以及 幾種有趣既效應     記住  學會囚徒困境 得著極大

上集既問題係:

幾個朋友計劃一齊旅行 最後是否成行 會由有份去既人決定  還是 無份去既人決定?

你一定會話 : 當然由有份去既人決定啦

但係根據生活經驗 觀察  事實就唔係咁

打個比喻 : 決定去睇戲 如果有人覺得唔想既話  大家就會放棄或另揀一部電影睇

約好左食飯時間  結果都係準時既等遲到既 , 到開飯之後大家既話題都係遲到/缺席既果個

如題目所講  有人唔參與旅行既話  大家就會配合佢地時間或者轉地方

如果有人無辦法出席既話計劃就可能會取消  咁唔係無份去既人幫有份去既人作決定咩?

不論友情 親情  總係消極既人擁有愈高既主導權 愈係唔重視計劃既人就愈受人重視 呢個就係點解人與人之間既感情會愈黎愈疏離

當然我唔係叫大家咩都唔理  以此換得主導權  我意思係如果要做一件事 無意願既人就唔好理佢

太在意[不在意]的人,有意願的人遲早就會變[沒意願]

今集又有一條問題

一個大風雪既夜晚 你駕車經過車站  發現有三個可憐人等唔到車:

一個係快死既老太太

一個係救過你小命既醫生

一蹶係你既夢中情人

你架車只能容下一個乘客 你會先載哪一個呢?

留低你既答案吧!

今日又係學習既一天

睇書 思考 Drop notes

得著真係唔少 非常享受呢種生活

上集就講完木桶原理+歪論

今次講既就係點解世界/社會多數都係俾懶人主導 同埋 作為群體入面既首領 應該如何帶領呢d懶人呢

MBA術語第二集 :  懶螞蟻效應 + X-Y-Z理論 + 米格25效應

懶螞蟻效應源於一間日本大學既實驗

實驗就用左30隻左右既螞蟻 , 全部做上記號  擺係一個地方  並且有路可以去到拎食物

結果大部份既螞蟻都好努力去搵野食 只有少部份螞蟻唔肯郁 得個睇字 咁我地就稱呼呢d為懶螞蟻

到一段時間之後 螞蟻群己經熟習左某地方就一定有食物  日日都去搬 

有趣既事就黎啦 當研究人員將來往食物源頭既路截斷  係暗位開一條新路之時  原本好勤力既螞蟻居然全部唔識郁 同之前既懶螞蟻一樣得個睇字

呢個時侯 從前既懶螞蟻就挺身而出 帶領住勤力既螞蟻工作團隊 搵番新既食源

原來懶螞蟻平時唔係唔做野得個睇字  佢地大部份時間都用左係偵察同研究方面 

佢地觀察緊群體既弱點  同時 保持探索新食物來源 確保食物源源不絕

正係呢個測試 我地就明白到 係商業社會中  識得觀察 研究 分析 控制市場既人較重要

但係在於人類社會中  懶 = 壞  勤力=好  呢種觀念根深蒂固 大部份人都忽略懶既好處  懶於雜務  先可以勤於思考

企業用人(群體管理) 必須平衡  勤力的要用  懶的亦要用  當然懶的係佔少部份 因為只有少部份人懂得看局勢

懶螞蟻正是不被雜務纏身而長於辨別方向同指揮前進  能想大事   想全局  想未來

簡單黎講 懶螞蟻效應就係話 : 懶於雜物 先能勤於動腦

勤的要用 懶的亦要用 咁應該如何用呢? 呢個就係接住落黎講既 X-Y-Z理論

X Y Z 分別代表住3種唔同既人

先介定係咩人先

X型人就係懶惰 消極 逃避 厭惡工作既人

Y型人就係勤力 積極  面對 希望發揮既人

Z型就一陣先講

簡單而言 

對於X型人 頭目係需要用到管制    獎罰黎管理既一類人   

X型人係需要被監管 同埋 有獎罰先會工作既人

而Y型人就岩岩相反   佢地富有創造力 而且工作積極  唔需要監管己經非常願意工作

對於呢種人黎講  佢地最需要既係空間  只要有空間發揮佢地就可以造出佳績 因此管理Y型人既方法  就係唔好管理佢地

Z型人其實係後期日本學者睇到除左X同Y兩種人及管理手法之外  仲有第3種人同手法

呢種就係較有東方文化既人   亦即係話  佢地未必懶 亦未必創造力高   佢地係感情行先

X同Y理論其實己經解答左員工管理既基本守則  而Z理論我地可以視為對X及Y理論既一種補充 加入左感情

事實上人唔係機器  未必一定符合X或Y理論  因此Z理論就帶出左靈活控制同樣重要

仲有一種較新既理論  就係超Y理論

呢類型人可能唔係為左工資而工作  可能係為興趣 可能係為感情

因此 超Y理論既提出 其實係想帶出  對於唔同既人就要有唔同既手法  唔能夠一種方法走天涯 

睇準員工/下屬為何種類型人同埋為何工作  就能夠分配自如

我地點解要為左分配而較咁多野 有咁多理論?  呢個就係米格25效應

米格25其實係前蘇聯生產既戰機型號黎  佢既性能係當時大獲好評

但令人驚奇既係  米格25既零件技術其實非常落後  但係作戰性能就遠超於同期既美軍戰機

呢點就啟發左大家  原來事物既內部結構(即係我講既分配)是否合理  對佢既整體能力有極大改變

只係因為內部原子結構唔同 就產生出碳同鑽石兩種價值完全唔同既產物  可見分配既重要

有一則咁既趣事:

戰國時代  名將田忌助主公與齊威王賽馬

規制如下

就係3局兩勝者為勝  當時田忌主公同齊威王各有3匹馬  各自最好既叫上駟  中等就叫中駟  最差就叫下駟

當時田忌主公同齊威王  都係將上駟排係最頭  下駟排最尾 形成賽事流程係

Round 1  田.上駟 vs 齊.上駟

Round 2  田.中駟 vs 齊.中駟

Round 3  田.下駟 vs 齊.下駟

可惜既係田既上中下駟都唔夠對方既上中下駟跑  所以次次都輸   於是田忌主公就搵田忌幫手

田忌只係將出場排序稍作變動  果然  齊威王就不敵田忌主公 

原來田忌將我方既下駟排係Round1    排成  第一局   田.下駟 vs 齊.上駟

呢一局係輸梗  但係接住落黎就係我方上 vs 對方中  我方中 vs 對方下

接住落黎兩局都嬴定  可見分配既重要及其影響之深

今日一連講左3個效應及理論  希望會易於理解  下集將會講解當代最受重視既理論之一 呢個理論影響之深 佈滿文化  經濟  改變世界格局  究竟係咩理論咁強勁啦  下回分解.

上次就問左一個咁既問題

如果法國最大既博物館羅浮宮失火 情況緊急 只能搶救出一幅畫  你會搶救邊一幅畫?

今日就係解答時侯  答案 : 搶救最近門口的那一幅.

人們想成功 應該係揀最有可能實現的那一個  而非最有價值的一個

最有價值 但你根本得不到 做不來  又有何意義 

即使被你拎到博物館最珍貴 最深入一幅畫又如何? 你根本逃不出來  又有何用?

因此 , 最重要的,就係唔好去睇遠方模糊的 , 而要做手邊最具體的事情

今次既問題就係

幾個朋友計劃一齊旅行 最後是否成行 會由有份去既人決定  還是 無份去既人決定?

今日早放同成班男仔去踢波  真係痛快

點解咁形容呢  真係既痛且快

 痛係多得我班某人  開波5分鐘左右即刻推我落地:o)

仲有就係連踢多場抽筋  以致後期都係做控球+Pass為主:o)

不過下次再有機會一定再去

好 上次未講完既MBA術語 就係木桶原理  只係講左頭兩個演變 而家就講埋餘下既六個演變及歪論

三.木桶的最終儲水量 , 還取決于木桶的使用状態和相互配合

意思就係每個木桶總會有最短既一塊板 最初既木桶理論話俾我們知 木桶既儲水量取決于最短既圍板既高度

不過  在特定既使用方法下 通過相互配合 就可以增加一定既儲水量

就好似有意識咁將木桶向長圍板方向傾斜  儲水量就比正立時既木桶多得多

或者為左暫時咁提升儲水量 可以將長圍板截下補到短圍板處  從而提高儲水量

而且 木桶既長久儲水量仲要睇圍板之間既配合  若有空隙 或 無銜接位置  最終亦只會有漏水情況出現

其實  儲水本身係一个動態過程 做企业 做品牌   都并不單只係一个個儲水既過程  唔係储水越多越好   最重要既還在于如何更有效率咁儲水名如何使用所儲之水

四:木桶理論的動態演變

首先 係儲水前要清楚一個問題  係先有水定係先有桶?

先有大木桶定係先有小木桶?按照木桶理論  必然係先有木桶  再有水  然后不斷調整 

由小木桶到大木桶 由短木桶到長木桶  無一個木桶一開始就非常大非常深的 

然而實踐上  可能係先有水再有木桶 或者是先有不成形既木桶  甚至只有几塊木板  而唔係桶  然后通过这几塊緊缺既木板資源 賺到第一桶金  然后先做出第一個木桶　 　                    

其次 儲水量既多少係動態既  目標設定儲多少水 決定于做多少長既木板  而唔係越多越好  多左係浪費投資 少左係不求進取

五 : 木桶理論中水的使用演變

所有既儲水過程 都係為左令水得到最既使用价值 是可使用既水

一個木桶 首先佢至少要有兩塊最牢固既木板裝成提柄 以便能輕鬆提取 呢兩舟長板必須能負荷起整個木桶既重量 

呢個就是板塊既明星效应：單係靠木桶既板都一樣長 只係說明你有呢個儲水潛力 如何發揮潛力同將佢運用出黎 必須要有一定既借力 運用提或拉既動作操作起黎

同樣 一個太深既木桶裝太淺既水 咁必定會影響木桶既使用效率 咁同樣唔係一個企業追求既最終目標

六 : 木桶儲水多少同樣取決于各塊板之間既配合程度

木桶儲水既多少嶺取決于板與板之間既配合程度 即板賁板之間既縫隙大小

在企業里每個員工都係一塊木板 而且每塊木板都會有自已既長虛名短處

 亦即係話企業既每個員工要能包容別人既缺點 發揮自己既优點 相互協助 密切配合 只有咁先會縮小相互配合既縫隙 達到最佳儲水量 

 

七 : 木桶儲水量還取決于各塊木板的厚度

呢點非常重要 如果木板既厚度不足  咁水桶既直徑越大 木板越長就越危險 

我地可以將企業員工既技能睇成係木板既長短 員工既品德睇成係木板既厚度

咁就好容易理解了 對于一個企業黎講 企業既發展不單只係睇佢擁有多少有能力既員工 更要睇他擁有多少品才都較优秀既員工。

如果無品德 咁呢個員工對于企業閎損害程度名他既技能將成正比。

八 : 木桶儲水多少還取決于木桶底面的面積

呢一點都非常重要 如果一個水桶既底面面質唔夠寬  咁等于無左一個平台 因而會令員工被束縛住  失去左施展手腳既天地

當桶底足夠大時員工就可以發揮自己既特長 即使再短的既板子都需要佢必須既空間

先會慢慢咁長高 先會有左發展既机会 所以一個企業必須俾員工一個大既桶底 一個大既平台

木桶歪論        

1.歪理一：為左令木桶里注入更多既水 不妨將木桶向長板方向傾斜

咁樣水可以繼續加入 短板都可以騰出黎修補 我地稱之為充分發揮長板优勢 同時修補短板既不足

2.歪理二：一個木桶盛水后 會唔會漏 關鍵係睇板塊之間鍥合是否緊密

困此 我地有必要用鐵圈之類的東西箍住水桶 确保板塊之間既緊密程度 鐵圈係呢度可以理解為企業既管理制度 亦可理解為管理文化 管理者

正如走動式管理 穿珍珠的既形象比喻 管理者既職能係將一個個獨立既珍珠串黎 形成一個聯系緊密既系統 呢度閎珍珠指既係個人或者部門

3.歪理三：木桶用耐左 難免出現小問題

比如話鐵圈生鏽 木板腐爛 漏水亦都自然發生 為左防止這類事件發生 我地要做既是 隨時進行修補同部分腐爛部分既更換 如此木桶既使用壽命才能更長

我地可以理解為 企業內部監督自檢工作係非常必要既

4.歪理四：木桶使用時間過長 修補都無補于事

咁就要當机立斷 快手造一個新既木桶 這里稱之為企業再造工程　　

5.歪理五：可以令木桶快速地轉起來 咁樣桶内裝既水會因為快速既運轉而興桶心產生向心力 而唔會溢出

咁俾我地既啟示係 企業在發展既過程中 可以作出快速既發展而帶出相對不足地方既進步 在成長中學習成長

6.歪理六：想多盛水 可以將木桶閎底部做大d 自然体質就變大

咁俾我地既啟示係 : 企業可以進行有限相關多元化戰略

木桶八論  歪理六論  全部解釋完畢   黎緊一篇就係開始講另一效應  解釋 點解世上有咁多懶人存在

由於今篇實在太長  所以唔打思想/哲學野    只係留低一個問題.

如果法國最大既博物館羅浮宮失火 情況緊急 只能搶救出一幅畫  你會搶救邊一幅畫?

好.

為兄弟而開的日誌今日首發.  快快進入主題.

今日一如以往 同Miss.B一齊番學  真係ok多話題 不論現在 以前 還是 無聊野

頭三堂 :o) 

Chinese Engx2     我諗對我班全班都係一個煎熬   中文堂真係純粹要黎鍛練耐性

所以選擇 係英文堂做P.A.係正確既 (雖然大部份都唔關我事)

平步青雲 的 3堂   商業  x 2  Econ      無咩特別  唯一就係大家都好俾心機去引黃建群吹水

算啦  都係佢專長黎 :o)

放學時都係等埋Miss.B先走  同埋佢果兩個同學 

己習慣俾人話我同佢一齊   :o)

番到屋企都係公式化生活  睇書 睇書 思考 思考

今日流程大概係咁   咁就先講明  我係隔日先寫一次  不過總會有野學既

今期講既大多數都係關於MBA既術語

今次講既係  木桶原理(Cannikin Law)

係MBA術語入面  有大量術語入面既意義其實大家都好清楚  只係些少Concept上既問題  一理通自然百理明

木桶原理  係一個Concept性好強既理論 

大體意思就係 : 一個木桶能裝多少水 不在於最高的圍板  而是在於最低的圍板

See? 最常用既推論就係 

一組人做既報告質素並不取決於能力最高既人  而係取決於能力最低既人

一個人/企業俾人既印象唔在於你做左多多既好事  而係在於你做左少少既壞事

例子好清楚  我國大陸同胞有既知識份子多的是  為何我地只係對同胞有"低知識 無公德心"等負面既感覺? 這就係木桶原理

木桶原理既演變有好多種今次先講其中兩個

一. 木桶能盛多少水 還取決於木桶既直徑  : 意思係打從一開始的基礎就要結實

                                                                                                           木桶的底部大小就好似基礎一樣  基礎不良則底部小  有再高既圍板都係徒然

二.在每塊木板都相同的情况下，木桶的儲水量還取決于木桶的形状: 讀過物理既人都知道  周長相同之下 圓形面積係大過正方形既  圓形木桶盛水量亦係最大

                                                                                                                               咁就說明左向心力既重要 公司負責人如果偏幫任何一個部門 整個圓形就不平均

                                                                                                                                結构決定力量，結构也決定著木桶儲水量.

今次既術語就係講咁多 再黎就係講下 大眾思想既謬誤所在 相信睇完你總會有一點得著.

如果有個鞋店老闆淨係賣岩佢自己著既鞋 , 但係就想你買 , 你會買嗎?

當然唔會啦  佢既Size唔等於我既Size 而且我同佢中意既款亦都唔同.

但係有時侯 , 我地就要身邊既人跟住我地既思想/價值觀去行 

父母覺得只有讀書有前途 , 會開心 ,強迫子女讀書,但係就無理會過子女既感受.

朋友覺得做事應該快 狠 準 就強迫身邊的人亦快 狠 準起來

咁同鞋店老闆有何分別?

想深一點 , 你每日唔係就生活係呢個咁既世界上咩?

自私 就係要求人地按照自己既意思去生活

真正的關愛  應該係諗 對方需要甚麼   而非 我要給他甚麼

請不要要求別人按照自己的意思生活.