今個禮拜好忙,忙住去慧嫻屋企打邊爐XD

果晚大家玩得好din，好開心，係一次屬於姊家既活動！

ｗｅｎｄｙ走左，慧嫻又搬走左，不過收倒通知，

會有３位姊妹搬入黎，我地都好緊張，願主將我地調在一起∼

－－－－－－－－－－－－－－－－－－－－－－－－－

呢幾日都係多災多難＝　＝

撞倒天花橫樑，個頭腫左一塊，ｄ姊妹話我差ｄ撞傻左ＸＤ

踩單車又收制不及，撞左落ｄ防撞板度，我輕傷，但部單車撞倒毀左容，唉∼∼

點解會咁不幸嫁＞＿＜

－－－－－－－－－－－－－－－－－－－－－－－－－－－－－－－－－－－－－－

今日家長日，個訓導終於記倒我個名，佢話我好有書卷氣息，呵呵．．．

奇蹟再次發生係我身上，

自己一個用一日整起兩塊壁報，

因為呢個計劃黎得太急，得兩個人整壁報，其中一個早退，

其他人又忙緊其他野，

即係我自己要做晒，仲要整嫦娥奔月，一日要起貨，

有咩可能？！唯有依靠主啦∼

小息釘底紙，起稿，ｌｕｎｃｈ買紙，放學整左兩個鍾搞掂，

仲可以５點９放學，真係太好了！

第二朝返到去，個個都話個壁報做得好仔細，個嫦娥好靚．哈哈，好開心！

我地個中秋燈謎會搞得好成功！好多同學老師，連校長都黎玩，

ｄ禮物都送晒出去，只係用左兩日籌備，估唔到會咁掂＾＾

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

好鍾意個訓導主任，佢真係好可愛，一見倒佢就想笑，

不過好討厭ｆ．７既ｐｒｅｆｅｃｔ呀！！

ｄ低ｆｏｒｍ好惡，佢地又唔敢捉，叫ｄ細既去捉，

佢地自己又懶係野咁，勁捉我地ｄ乖既ｆ．６，

有個ｐｒｅｆｅｃｔ話我裙短，叫我出去，但我條裙係岩岩及膝嫁ｌｏ！

低ｆｏｒｍ大把裙短到離晒譜又唔捉，其實佢自己條裙仲短啦．．

跟住我咪叫個ｐｒｅｆｅｃｔ同我一齊出去，睇邊個條裙短ｄ，

佢即刻冇聲出，扮冇野咁行開，我地全班都好憎ｆ．７既ｐｒｅｆｅｃｔ　ｌｏ！！

有一天，發現我們都很受壓，於是我地上左天台，

一齊大嗌，感覺很好＾＾

呢個星期，應該係我中學生涯最精彩的一個禮拜，

開心的，痛苦的都試過，也得到了好多肯定，多謝你地＾＾∼

琴日全班同啊ｓｉｒ慶祝生日，帶動左全校氣氛，好熱鬧！

之前有ｄ中史唔明，打算小息去問ｍｉｓｓ，點知佢真係企係教員室門口等我去搵佢，

我諗住問好少野，但佢真係拎成本書出黎同我補中史，突然覺得係呢間學校好幸福．．．

ｌｕｎｃｈ撞倒傑仔佢地黎我地學校傳福音，同成大班男仔一齊食飯，見倒佢地都覺得好喜樂！

我地班都有好多笑料，好開心有一班好醒好可愛既同學仔，佢地好多都係課外知識勁，本身又有料，

仲要好玩得，識搞笑，所以我地班一定係ｓｕｐｅｒ　ｃｌａｓｓ，哈哈！

f.6真係 好多野要做，返屋企係最relax既時候^^

雖然有時溫書，做功課要做到一兩點先訓，

但呢ｄ都係我甘心做既，因為中６預左係咁．．．

ｄ老師同同學好可愛，返學都好開心＾＾

我諗ｄ壓力係我俾自己既，中６真係一個好好既訓練．

好彩姊妹之家有跑步機，次次好累或者被心情搞擾既時候，

跑１５分鍾真係咩都醒晒，好正！！

亦令我每時每刻都清楚自己做緊咩∼

鬆懶既日子好似已經離我而去，每日返學都好有盼望，

不過最重要係有主，時時轉回靈裡，依靠祂作一切，否則日子只會白過！

感謝主，俾我一間咁可愛既學校，雖然中化ｍｉｓｓ好挑剔，好剋人憎，勁似老馮，

但我依然可以好留心聽佢書，而且仲入左佢既學會，我有時都問自己點頂得順佢，

或者答案只得一個：活著的不再是我，乃是基督在我裡面活著．ＸＤ

因為憑住自己，我一定包容唔倒佢，而且會好憎佢．

但而家我係真心當佢係我老師，即使佢點無理取鬧都好．．．

求主使我呢個道量一直擴大∼∼∼

直至任何野都不能絆跌我．．．

上課一段日子了，比預期中更快適應校園生活！

有一日落大雨，啊ＳＩＲ比我地係班房踢拖，下次落雨可以帶定拖鞋＾＾

唔好睇我地班Ｄ男仔好似好ｈｅａ咁上堂，佢地ｄ中史超勁－　－！

開始感到有壓力了，一星期作４篇文，２篇ｅａｓｓｙ，都幾係野．．

好多同學冇讀過ｈｉｓｔｏｒｙ，但竟然敢修ｈｉｓｔ　ＡＬ，跟倒之餘仲要讀得幾好，好犀利！

雖然我間學校好差，但竟然有間更差既　樂道係附近，話說係因為我地學校既學生過左去樂道讀，

令樂道急降自ＢＡＮＤ３尾ＸＤ　不過我地學校其實唔係想像中咁差，

Ｄ低Ｆｏｒｍ係唔讀書，樣衰ｄ，唔守校規姐，其實都冇咩既．．．

同埋ｄ老師真係唔錯，所以冇有怕，哈哈！

－－－－－－－－－－－－－－－－－－－－－－－－－－－－

園區多左部跑步機，今個禮拜開始住齊人了，有愛筵，好開始！