聽日放榜喇，以我咁騰雞既性格，

仲以為自己會好緊張tim∼

不過我而家真係一ｄ都唔驚，異常的平安＾＾

因為有一晚，係去訪問既時候，ｃｈｅｅｒｙ同我交通了很多，

令我知道我既一生，主已經為我安排好，

考得好，不代表什麼，考不好，也不表示你今生沒成就，

把自己奉獻在主手中，唔需要再憂慮什麼．．

無論結果如何，但求主能夠用上我既一生＞ｖ＜

感謝主，屋企人都冇比咩壓力我，身邊又有咁多同伴一同扶持，

真係太好了，我相信主會引領我走每一步！

呢排成日返大陸玩，首先係去訪問，

記得有一日打左好大篇去訪問既感想,點知發表唔倒,好可惜~

不過如果要睇相可上facebook....

跟住上兩個星期就跟siu返左龍崗，原來大家既鄉下咁近ＸＤ

個旅程幾開心，亦體會到好多野，

果度既發展真係愈來愈快了，主既行動都係！！

呢兩日就同ｍａｍａ，啊妹去皇崗龍華玩＾＾

果個叔叔同啊姨都好熱情咁招待我地，

不過細妹肚痛，下午一齊陪佢去打吊針，打完即刻無事，哈哈！

夜晚叔叔帶我地去玩，首先去洗頭，洗左成個鍾，

ｄ洗頭姊姊手勢勁好，好舒服，洗完ｄ頭髮好滑∼

再去腳底按摩，個按腳哥哥好靚仔，哈哈．

第一次按，原來唔係好痛，仲試埋腳底拔火罐，正！

最後直落去食宵夜，跟住先返酒店．

酒店豪華套房好大，仲大過我屋企，總之好靚好舒服，

ｍａｍａ同啊姨傾通宵，細妹好早訓左，

我就係度睇電視，跳梳化＆係張大床度碌黎碌去，第二朝住到唔想走＾ｖ＾

第二日就去飲茶同ｓｈｏｐｐｉｎｇ，跟住就返黎ｌｕ∼

玩得好開心，好ｒｅｌａｘ，多謝叔叔同啊姨既招待，

其實我地都係第一次見，但佢地真係好客氣＾＾！

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

ｓｕｐｅｒ　ｊｕｎｉｏｒ果首sorry sorry全亞洲熱播，

去邊都聽倒，屋企都成日播，所以呢排被呢首歌洗腦，

不過無可否認，隻碟真係好聽既，個人認為"reset"最正!

我返左黎喇,好開心,成個旅程都好享受!

我覺得個trip擴闊左我既眼界同道量,有好多得著>v<

不過呢幾日都有野忙,所以遲d先up相上黎啦^^

各位親愛既朋友:

          聽日我就要去訪問旅遊喇,由6月21號至7月2號,呢12日既旅程,我地會

        途經杭州,寧波,南京&上海 4個地方,呢段時間如果大家掛住我,可以o係

        我個blog度留言俾我嫁^^  我一定會買手信俾你地,如果我記得的話XD

        對於今次的旅程,本人非常之期待,相信有主的帶領,今次一定會係一個

        別開生面既旅程,而且會有唔少得著^^  本人既緊張又興奮的心情依然

        味能平伏,所以導致呢兩日有少少神經失常,若為大家帶來不便,請大家

        多多體諒!

                o係呢度預先同大家講一聲再見,我會影多d相返黎嫁喇,其實我都好

        唔捨得你地嫁,咁大個女終於要離開屋企12日,仲要第一次搭飛機,好唔捨

        得屋企人同我張床,嗚........我真係大個女喇,嗚嗚.............我會掛住你地嫁喇!

        (睇得出我已經處於精神分裂狀態,大家可以唔洗理我XD)

                                                                                                            By  尾2

 部電腦救唔返,而家買左一部新既..

好多野都冇晒><.....

呢幾日都忙住考口試,我覺得考普通話好好玩XD

不過考既人都奇奇怪怪,果晚考到好夜~~

琴日考ENG oral,有個男仔d英文好勁,呢樣唔緊要,

最慘係佢講得勁慢,開頭竟然開左1分40秒,

仲要勁有感情,好似佢個人演講咁= =

佢講完我同其他兩個組員都 O嘴左兩秒先識反應,

佢仲要次次都講勁耐,一個"and"都要講2秒,,

唉~搞到味討論晒d題目就完左.......完左之後個個都好想打佢!!