又轉左背景音樂啦,,　今次呢首比較古典,,

好鐘意演唱呢首歌既蕭人鳳把聲,,　細膩而悅耳,,

雖然唔知佢仲有唱邊ｄ歌,,　但係如果你地搵到既話記住要搵埋我喎,,

真係好好聽,,　略略記得第一次聽既時候係半年前,,

一聽就鐘意到不得了,,　但可惜,,　只係一段MV既音樂,,

搵唔到MP3原版音樂,,　所以慢慢唔記得呢回事,,

喺無意中,,　竟然喺今日再搵番呀！

ｄ歌詞仲好正添,,　好有詩意呀,,

仙劍問情　演唱: 蕭人鳳

細雨飄 清風搖 憑藉痴心般情長
皓雪落 黃河濁 任由他絕情心傷
放下吧 手中劍 我情願
喚回了 心底情 宿命盡

為何要 孤獨繞 你在世界另一邊
對我的深情 怎能用隻字片語寫的盡 寫的盡 不貪求一個願

又想起 你的臉 朝朝暮暮 漫漫人生路
時時刻刻 看到你的眼眸裡 柔情似水
今生緣 來世再續 情何物 生死相許
如有你相伴 不羨鴛鴦不羨仙

情天動 青山中 陣風瞬息萬里雲
尋佳人 情難真 御劍踏破亂紅塵
翱翔那 蒼窮中 心不盡
縱橫在 千年間 輪迴轉

為何讓 寂寞長 我在世界這一邊
對你的思念 怎能用千言萬語說的清 說的清 只奢望一次醉

又想起 你的臉 尋尋覓覓 相逢在夢裡
時時刻刻 看到你的眼眸裡 繾綣萬千
今生緣 來世再續 情何物 生死相許
如有你相伴 不羨鴛鴦不羨仙

呢隻歌本來係一隻Online Game叫《仙劍奇俠傳》既一首主題曲,,

唔知點解聽果陣,,　突然會有一種感動既感覺,,

可能歌詞聽落有ｄ悲涼,,　感覺上好似係一對不能在一起既戀人既心聲,,

唉,,　

「問世間，情是何物，直教生死相許？

天南地北雙飛客，老翅幾回寒暑。」

（節錄自金國詩人元好問的《邁陂塘》）

如果我都遇到一個好似楊過咁深情既痴情漢子就好啦,,　（嘆息）

真係好無奈,,　真係好無奈,,

點解ｄ父母成日都咁專制？　比ｄ自由我得唔得？

掛名就話係事先有問過我意見,,

但我既答案一唔合佢地心意就發嬲,,

咁點解要問我啫？　橫掂都係佢地決定晒啦,,

問唔問我意見又有咩所謂,,　又有咩分別？

無錯,,　宜家ｄ父母係學足電視上面講話要詢問子女既意見,,

聆聽子女既心靈,,　講就好聽做就冇晒聲,,

淨係問淨係聽有咩用啫？　對子女既教育冇乜幫助喎,,

以為咁樣就可以令子女既心感受到尊重？！

狗屁不通既廢話！　尊重？！　只係另一個模式既尊制教育既開始咋！

聽過有好多人講過：「你地呢一代既細路真係幸福得多,,　我地果代既細路一唔聽話就係滕條炆豬肉！」

幸福嗎？　原來ｄ細路一出世就注定要比人打,,　比人鬧,,

原來,,　冇比人打,,　冇比人鬧,,　就係幸福！

呢種所謂既幸福真係得來不易,,

經過左幾多個 '' 細路成日比人打比人鬧 " 既年代,,　先換黎我地呢一代所謂既幸福,,

更何況,,　呢種幸福並唔係全面性,,　隨街搵一個細路問下,,　有幾多個冇比大人打過,,

又聽過有好多人講過：「ｄ細路唔打唔得呀！　打過先知咩叫錯！　如果唔係,,　真係唔知點教好！」

因為唔知點教好,,　所以採取強硬既手段黎教育子女？！

我真唔係好明,,　既然父母們都經歷過呢種 " 喊打喊鬧 " 既教育方式,,

既然父母們喺童年時都唔鐘意呢種教育方式,,

點解,,　佢地仲用呢種方法去教育子女,,　難道,,　佢地會唔清楚生活喺呢種教育方式既子女既心情咩？

究竟,,　係佢地覺得呢種教育方式好好用,,　定係佢地忘記左自己亦曾唔鐘意過呢種教育方式呢？

抑或是佢地純粹一種報復心態,,　想將自己當年所受過既苦所受過既痛報復喺自己子女身上呢？

可能,,　佢地只係到左宜家都唔識點正確教育子女啫..

唉,,　如果事實如此,,　那就是可悲中既可悲啊！　（嘆息）