尋日喺未開到機之前,,　好努力咁刨問Amanda借既書

（（一毫米的悸動））

真係好好睇！不愧係鄭梓靈既作品,,　水準完全冇退步,,

除左典心之外,,　我最鐘意既作家就係鄭梓靈啦,,

＞ｗ＜ｄ作品真係好正,,　好好睇,,

好想睇她作既《無名字的你》同《離不開》呀,,

聽講《無名字的你》仲係《流浪的旋轉木馬》既續集添,,

好想睇呀,,　遲ｄ再問人借黎睇先,,

今日,,　暑假終於開始左啦,,　話咁快又就黎升中三嚕,,

唔知會分到邊班呢？　我估應該都係Ａ班啦,,

成績平平,,　都冇可能升到Ｂ班或者Ｄ班啦,,　（唉）

又到中一派位既日子啦,,　我有唔少朋友都派到第一志願耶,,

見到電視新聞播ｄ派位既情況,,　有人歡喜有人愁,,

搞到我都諗番起果陣派位既情形,,　都冇話擔唔擔心既,,

只係攞果張派位紙（？）既時候緊張左一下咁啫,,

最尾都派到第一志願,,　算係咁啦,,　（笑）

終於．．終於．．！個MON冇事啦！！　（喜極而泣ＴｖＴ）

天啊！我都唔知我呢兩日係點捱過去呀,,

當我喺最絕望既時候,,　個MON竟然好番！！

自從搬左部電腦出廳之後,,　好似就有好多問題出現,,

例如：一段好長既時間上唔到網,,　個MON傻左,,　開唔到個MON等等,,

不過,,　我諗,,　一切一切都已經過去啦,,

就係人生裡面有呢ｄ事既發生,,　先令到生命更加豐富起黎,,

但係,,　講真句,,　我寧願生命冇咁豐富,,　（尷尬）

唔理點都好,,　總之部電腦冇事就ｏｋ啦,,

當個MON突然好番既時候,,　我真係呆左,,

喺我完全對佢放棄,,　就黎要攞去入廠既時候,,

佢竟然再次著番！　當時既心悸,,　我宜家仲好深刻感受到,,

如果你唔係親身經歷既話,,　係唔會體會果種心情,,

當然,,　最好最好有呢種經歷啦,,

我仲足足大笑左十分鐘,,　宜家諗番起,,　都仲好懷疑自己個心臟點解會負荷得到,,

哈哈∼∼∼∼∼哈∼∼∼哈哈∼∼∼∼