Day 2: OTS取車 > 舊海軍司令部壕 > lunch@通堂 > 文化王國 > 玉泉洞 > 琉球玻璃村 > dinner@神戸 BAR 仲々 > 國際通 > 住JAL
今早係酒店食個豐富早餐,呢間酒店的早餐都好豐富,有好多選擇,真的不錯。
朝早既國際通好靜,但都有鋪頭已經開門。
 
食完個早餐就出發去DFS那邊既OTS租車中心,今早都係用埋單軌一日票搭去OMOROMACHI站,這個OTS COUNTER係DFS裡面,都有5-6個服務檯,估唔到都幾多人拎車,只要係香港申請個國際車牌,費用為$80,帶埋PASSPORT去登記,我地今日會先租一架車5人車,出發去北面當天會再拎一架5人車,租2架車(18648円)連2部WIFI用5天(4000円),總共22648円,點解唔租一架7人車?因為分開租2架仲抵過租1架7人車,我係OTS日文網站BOOK車,早30或40天BOOK車有優惠,而家咁樣BOOK係最抵。
除了租車,係OTS買某D景點入場卷仲會有特價,我地就係度買左美之海水族館,海中公園(海中展望塔+玻璃底遊艇),琉球村,王國村+玉泉洞, 4款入場卷。
係COUNTER做完手續,就到停車場安排取車,等候既地方都好大。
 
呢架就係我地租既戰車,都幾新淨,簽埋份野,職員簡單講解GPS既使用就出發了, 隔離都有幾個人一同取車。服務我地那位職員是說國語的,所以大家都好易溝通。GPS使用方法都很容易。
出發去第一個景點 - 舊海軍司令部壕,又下雨
由取車那裡去舊海軍司令部壕大概25分鐘車程,去到又下大雨,好彩這個景點是行室內。
這裡既門票用單軌車票飛去買會有折,太好了。先在展館看文物展品,跟住就落地牢睇返舊海軍司令部既環境,今日仲真係有好多外國人來呢度參觀,唔知佢地係咪真係呢度既美軍來架呢!
  
呢度既環境都有D潮濕,陰陰暗暗咁。
  
 
當時既醫療室
參觀完出返地面,終於叫做停左雨,有位好好人既日本伯伯主動話幫我地影相。
仲介紹我們企出來影呢個靚景
遊完司令部就出發去小碌站附近既通堂拉面食LUNCH,大概15MIN車程,因為知道好多人食,我地都預早左D來,但都係要等位,好彩都唔係要等好耐。此店本身有幾個車位泊車,不過入口就較隱閉,結果我地泊左隔離AEON店既免費停車場。消費3470円
 
開放式廚房+自助買票機
 
芽菜及白蘿蔔任食,芽菜係我至愛,好好味, 仲有煎餃子,又係好好味!
 
紅色碗叫女人面(清湯底),黑色碗叫男人面(豬骨湯底,呢個豬骨湯真係好好味)
除左面好食,連杯凍茶都特別好飲!
醫飽肚就到隔離既100YEN店逛一逛,就出發去另一景點 ~ 文化王國+玉泉洞, 由通堂去大概30分鐘車程。
第2景點 ~ 文化王國, 係呢度有琉球民族文化既體驗,同埋睇玉泉洞。
有個太鼓舞睇,雖然係日文唔知講乜,但都幾好睇,佢有時段,如果想睇就要睇定時間表。
用掃把都吹到好好聽既音樂!
好期待既玉泉洞
係呢度都好潮濕,D鐘乳石會不停滴水,間中都滴落個頭度,個種感覺係痴痴立立。
  
 
跟住出發去琉球玻璃村,呢度有吹玻璃體驗及好多玻璃製品買,我地一心都諗住今次來到沖繩會玩下,不過就預算係第2間玩,點知最後都冇玩
其實係沖繩好多地方都有得玩玻璃體驗
係呢度幫朋友買左D玻璃花花同買左小小手信
買完野就返國際通個邊醫肚了,今晚食好野,沖繩出名之一"石垣牛",呢間餐廳雖然係國際通附近,但又有D難搵,而且門口比較唔起眼。 由於餐廳都好近酒店,所以我地先泊車回酒店,第一次見到咁先進既泊車。JAL泊車每日1000円。
係分左3層,2行。
名叫神戸 BAR 仲々既餐廳,門口十分不起眼, 在這裡消費了16360円。
這裡的牛有証書的
價錢都唔平,不過係幾好食既,牛肉好冧,有入口溶化既感覺,同埋真係有炭燒既味道。
 
我地試左4個sets, 100G石垣牛及100G神戶牛,雞及豬各1,有前菜,湯,白飯
叫左個玉子卷,香濃蛋味,好好味
最後仲食左個好好味既甜品,好似ROYCE朱古力,超正
食完行下國際通既商店
  
行行下見到呢個BLUE SEAL甜品,好吸引,忍唔住又試,食左個班戟,真係好好味
第2天完lu....回酒店準備明天既行程,明天會去美國村個邊
戀戀沖繩自駕遊6日之旅 DAY 1
戀戀沖繩自駕遊6日之旅 DAY 3
戀戀沖繩自駕遊6日之旅 DAY 4
戀戀沖繩自駕遊6日之旅 DAY 5
戀戀沖繩自駕遊6日之旅 DAY 6
|
