Day 3: ASHIBINAA OUTLET > lunch@海鮮料理浜之家 > 萬座毛 > 殘波岬 > 美國村 > dinner@迴轉壽司 > 驚安殿堂 > 住JAL
今早起身終於好天少少,有太陽....食完早餐就準備出發去ASHIBINAA OUTLET血拼,其實我對shopping就不是太大興趣,不過難得來到沖繩,都要去outlet行下,呢度有個好大既停車場泊車,環境都好好行,而且朝早來都不錯,冇乜人。shopping既地方,大家分頭行事,約好時間再集合,有2小時掃貨。結果我都冇買野,係老公收獲豐富。
 
今次由shopping點去食野既地方,我地選擇行收費高速,第一次行高速,好緊張 其實原來都不難,入口會先取票,到目的出口個導航又會提我地,而且導航有埋價錢,不過有機會導航價錢唔係最update,不過整體都好方便。
 
Shopping完就去醫肚先,去左一間網上都有好多人介紹既日本料理餐廳 ~ 海鮮料理浜之家, 可能時間尚早,沒有太多人,塌塌米檯冇人坐tim, 我地叫左4個sets,每個sets都好豐富喔!仲好好味tim。今餐消費7236円。
呢間浜之家出面自己種海葡萄
 
  
好豐富既LUNCH, 而且好好味。
鰻魚SET,牛扒SET,燒魚SET,蟹窩SET
 
等野食既時間仲撞到一班family式既香港人(有十幾人),好熱鬧,那個塌塌米既area就只有我地香港人包場
食飽飯繼續今日緊密既行程......親親大自然先,先去萬座毛。
來到呢度天氣又開始麻麻地,有雨粉,而且係海邊,好鬼大風。
之前見到人地天氣好,係度影d相好鬼靚......唉
  雖然冇陽光唔夠靚,但都要影返張相留念
因為今日去萬座毛,所以選擇去恩納呢邊間御菓子御殿買手信,呢間店都好大間,仲要對住海景,人又少d,好好行,掃手信兼嘆埋雪糕。
係呢度有埋包裝工場
 
呢間店仲有個無敵大海景,有埋位比人坐係度食野,超正!
好多好靚既甜品 如果有求瘦餅我實掃幾盒,求肥應該冇乜人岩
 
  忍唔住又嘆杯blue seal雪糕
買完野下一景點~ 殘波岬公園, 去殘波岬那段路會經過AQUAGRACE CHAPEL, 就偷雞影左幾張相,想行近d影都唔得,會有人出來趕。
來到呢度,依然都係大風,又下毛毛雨,真係最怕呢D天氣 個塔封左唔上得,好似都封左一段時間......
 
有人企係懸崖邊影相,真係大膽
 
其中一個地標,殘波大獅子,真係好鬼大
呢度有D小動物,有個牌寫住可以買野食餵佢地,但想搵個人都冇,唔知去邊度買
 
跟住就去睇城跡,沖繩都有好幾個城跡,有D係要付費,我地揀左座喜味城跡就不用付費,由於上網睇資料,D城跡個個都差不多,我地對歷史文物又不是很濃厚,所以都唔睇太多, 來到呢度巧遇一班學生,唔知佢地係咪上課外堂。
  
坐哂係地下聽書咁
遊完都開始天黑了,要出發去美國村行街同食晚飯。美國村又係有個勁大車場。
 
呢間鋪頭裡面既擺設很有特色
 
唔少得美國村地標 ~~ 魔天輪
出發前係旅遊書見到呢度有3D館,咁岩旅遊書有COUPON,咁就去玩下。
 
  
玩完就醫肚了,係食迴轉壽司,上網睇過呢間都幾出名同抵食,食飯時間好多人等位,好彩我地都唔係等左好耐就有位。
今餐消費5713円。
呢幾款壽司超好食, 最右個2款唔知似香港好多粉,仲係脆卜卜,真係而家諗返起都想食
  
超深既字 超先進....用部機掃下D碟就知道幾多錢,大開眼界
 
食完飯就返國際通行街,由於返到來時間都唔早,好多鋪頭都關門,咁我地就行驚安殿堂,因為佢開24小時。
係呢度有好多野買,日用品,玩具,食物,應有盡用,仲有好多新奇既野,連豬頭都有得賣。
  
印花廁紙,好靚,但好貴,其實有冇人會買呢??????
 
好大包煙花.....我地都會玩煙花,不過就去到沙灘酒店先玩,所以都未買住。
WOW這幾天既戰利品,由於明天就轉酒店,所以今日要執行李,買左既野佔左我半個喼,好彩北面個邊其實都冇特別野買,要買想買既都係那霸呢邊買哂LU。
 
戀戀沖繩自駕遊6日之旅 DAY 1
戀戀沖繩自駕遊6日之旅 DAY 2
戀戀沖繩自駕遊6日之旅 DAY 4
戀戀沖繩自駕遊6日之旅 DAY 5
戀戀沖繩自駕遊6日之旅 DAY 6
|
