今日740起左身... 落緊雨.... 再訓。

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

915又起左身, 成身酸酸軟軟... 半醒半睡就開左電腦... 聽歌。
跟住見盧珈online就諗住傾陣啦... 點知成班人轟炸我...
又上左陣網。(原來空間有11維咁多。)
之後睇陣電視轉播o既龍舟比賽。(青山漁民之友好勁呀... 積分榜領先。)

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

1430, 阿媽見我去行街, 叫我去登士打道交電話費。 都好, 順路去埋啦~
跟住俾左$640我, $140 for我自己買野。
搭火車出到旺角, 盪下盪下走左去豉油街, 用左$80買左個DIESEL斜咩袋, 唔抵... 無講到價 T-T"
跟住搵左好耐都搵唔到登士打街... 
於是走去7-11入左$50八達通, 借d而問"唔該我想問登士打街係邊呀?"  "下..? 呢度唔係登士打街咩?" 
"哦... 咁我又想問56號係邊呀? 果個唔知咩柏中心呢..."  "你係咪講緊柏月呀? 過左彌敦道就係架喇。"
原來... 我兜左咁耐都唔過去果邊就係喇...
過到去見到"柏裕中心"四個字, 走左上10樓... 真係呢度... 網上地圖係信唔過既 = ="

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

                                                     特別事件

今日出到mk,  o係登打士街搵緊登打士街果陣, 有個女仔無啦啦問我上唔上去"卡非"... 下? 無啦啦做咩去cafe = =?
Why呀? 俾d意見我...
跟住我又留意到o係信和中心附近派緊傳單果d人唔係派緊傳單, 係派緊卡片。 跟住果d卡片又唔係名片黎o既...
我估... 個班派傳單... 個班派卡片o既係... 馬夫! (好彩無接到...)
緊記... 旺角真係一個龍蛇混雜o既地方... 

刊登時間®︰2006-05-31 09:29 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

一朝早搞個傷口, 勁遲出門口, 打鐘之前1秒剛剛返到去。
唔知點解, 今日o既學校異常平靜... 
一放低書包, 好似唔記左d野咁o既...?          啊~... 水呀... 唔記得帶水...

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

小息, 食左一隻花生粽, 送左一隻綠豆粽。
師傅今日好唔開心, 有人寄左一封律師信黎投訴佢個"仔"... 佢要送個仔走喇...

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

最後兩堂係中文堂, 唔知點解訓著左... 半睡半醒咁"爬"o係度訓... 訓左一堂大半...
到左放學仲係勁眼訓...     原來, 上堂係好似訓覺過得咁快o既。

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

去練艇, 原本諗住傷左唔好做GYM咁激, 點知最後都係走左去做... 做齊哂所有野, 仲跑左4k... 同平時差唔多。
跟住, 細星生日, 明仔堅持堅決堅定堅硬要求掉佢落河。 原本阿星已經偷偷地潛左上去沖涼走架喇, 不過...
不過o係著衫之前都係俾人捉住左... 唯有著返條單車褲啦...
"唔得! 我唔落去!"   "除非... 除非有水泡啦!"  你要實會有架...
幾個人衝住咁去, 我尾隨諗住拍野。(傷左, 唔會俾人掉, 但亦都唔掉得人)   不過最後都係俾豬肉搶左黎影。

"Over head! one, two, three, leave!"  噗沙...  
"喂喂! 唔得呀, 影唔到..."   噗沙... 跟住豬肉就投入左城門河o既懷抱嚕~~
"喂! 掉o既時候講句生日快樂都好丫~~"  好...
"祝你生日快樂... 祝你生日快樂... 祝你生日快樂..啊....  祝你生~ 日~ 快~ 樂!"    噗沙...

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

跟住要o係阿田走之前搵佢, 沖左涼先~   又唔記得帶野... 著咩走呀= =?   俾人知道實瘀死...
一出更衣室即俾大舊截停左... 請佢食左隻粽, 又係綠豆... (花生唔好食咩...?)
搵阿田, 拎左包消毒藥水。 (折左紗布, 手指好返好多, 不過無左一"忽", 好嚇人。)
跟住等埋人走先... (食粽就食粽啦~ 仲要食成兩條咁多~~) 我真係為等人而等人架! 不過係食住等。

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

聽日唔知打唔打得波... 又驚整爆左要縫針... 去練下射波同上籃算。

*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

有人瞞住我一d野呀... 好唔開心...

刊登時間®︰2006-05-30 10:31 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日, 一朝早起身做功課(琴晚痛到做唔到功課)。
跟住o係洗面刷牙之前換左一次膠布... (血肉模糊, 慘不忍睹... 不過已經結左一層薄血膜。)
返到學校, 成班好似打仗咁趕緊功課... 各出奇謀, 有抄有考, 情況混亂至老師在場都未能控制。
當然我都係其中一個戰士啦... ar不過我勇往直前, 係唔會用埋d咁o既方法。
居然有二十多人次欠功課... 又一次創新記錄。 congratulation!

                             *~課堂剪影~*
英文堂Dictation, 無溫過... 得84分, 剛剛好要改正... (85分唔洗改... 原本人地睇唔到我錯左架... 不過我自己睇到... 始終過唔到自己...)
DT堂有阿Sir幫手, 整左一堂就整好左架車車。(早知琴日就唔自己"郁手"啦...)  估唔到架車個車輪行行下解體都可以轆咁遠...
IS終於講到聲音果個chapter喇... 一上堂, 女班長話今日有兩個人abs, 一個係胡家榮, 另一個係...  "死喇, 唔記得左係邊個添... 坐o係黃敏詩果組架!" 阿嬲講。  我就諗喇 "下, 邊個無返呀?? 黃敏詩果組?? m..."  "呀... 呀... 阿何..."  "何紫橋!" "係呀! 我地之前好似係同班架~~"    "form1 至到今日都係丫... 我知呀..."

放學去划艇, 去到艇會... "你隻手指點呀?"阿田笑口騎騎咁。 "無咩野喇, 不過唔濕得水。"  "嘩.. 你包得咁求其既? 消毒左未呀?"  "黎啦, 過黎啦, 俾我睇下..."   "你果d膠布咁'喳'架~ 我俾d好野你。" (又要撕開... 我死俾你睇...) 阿田拎左d野黎。 "你好彩喇, 我好日都唔幫人包傷口架~"  "你咁講我仲驚..." (滴汗... 我夠好日都唔洗人幫我包傷口啦...) "拿~ 依家我幫你消毒先!"   "噢... 痛... 痛..."  (唔熟手唔好亂黎呀... 喂!喂! 拿... 我... 我喊架...)   "我都未郁... 放鬆d啦~" 阿田拎左包透明紫o既野液體出黎..." 淋落傷口一d都唔母也, 又涼涼地, 跟住佢又幫我包紗布。  有個唔識o既女助教同阿雯講話"你睇下, 佢地兩個個樣o岩o岩相反..." (更係啦...我驚成塊面母也埋一舊, 佢就笑騎騎咁...)  "哈, 痛丫拿, 痛你又去切手指? 呢個教訓叫你下次唔好切手指。" O哂嘴...

跟住上左天台踩單車, 一邊溫書。 1830落返去... 又俾阿田串。 今日唔知點解係咁搞gap, 超抵死... 爆哂肚。 
超開心呀今日~ (除左手指痛...)

聽日係星期二喎...

刊登時間®︰2006-05-29 10:28 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日係星期日, 係落雨o既星期日...

我一朝早醒左, 膊頭唔知點解鬼咁痛... 心諗,"個膊頭又唔係郁唔到, 又幾個星期無練... 去啦..." 
去到恆安籃球場時剛剛845。 (點解師傅佢地唔o係度o既?? 唔通係因為我遲到...?  點解呀??)
坐o係度睇人射波... (虛度光陰...)
跟住就落起雨黎喇... 我唔制呀! 我要練波! 
好溫柔咁除左對鞋, 跟住問個阿伯借左個波去射...
同佢&佢徒弟鬥3分球... 3分版o既OUT... 輸左17球...  赤腳跑左17個大圈 = =" 幾辛苦先整到佢8個圈...
跟住個身暖返d, 又玩3分球, 射十球, 鬥入得多, 準返好多... 
p.s. 落雨打波幾好玩丫~  個波一彈落地, 眨下眼就彈左過隔離場, 好快; 不過, 射波就難左勁多...  仲有, 下次著返對鞋先打波...

走喇... 無帶遮... 袋野點算?  對鞋點算?   攬住對鞋&袋野走衝左入去toilet, 咩都唔理就抹左身換左衫先...
望一望塊鏡,  突然醒起... 呢度唔係更衣室喎... (嘩! 好彩無人入黎... )
見雨細左少少, 跑左去頌安, 借左本漫畫, 去海皇食左碗艇仔粥, 又跑... 搭680返到樓下...($5.4車費搭得兩個站... 仲要無得cam返...)

返到黎, 師傅add我話..."唔記得左同你講今日我唔得閒黎唔到添..."  shit!

一邊做功課, 一邊聽歌...

                        我看見天空很藍　就像你在我身邊的溫暖
                        生命有太多遺憾　人越成長越覺得孤單
                        
                        才明白愛得越深心就會越痛
                        我只想飛　在我的天空飛
                        我知道你會在我的身邊

無咩心情做功課... "腸子被扯著, 肚子被掛起"  心就像在淌血, 腦子變得彷頓... 

我知道你會在我的身邊...

後記...
836 我整木工果陣切親左手手指公... 足足無左一層脂肪(好核突... 成"忽"無左=="  好彩無切到肉)...  d血係咁滴... 成隻左手痺噹...  聽日交唔到木工嚕...  我望住隻手指, 好驚... 第二次咁驚...(上次係幼稚園時割到大腿) 原來...
原來我都唔係好堅強... ("割親少少就大驚小怪"阿爸好淡定咁講。   "又唔係你切親..."心諗。)

你會留在我的身邊嗎...?

刊登時間®︰2006-05-28 04:42 PM  [ 訪客留言(2) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

拉機測試...
730起身, 發現傷風又嚴重左... 著左肥貓送俾我果件JACKET返去... ("發冷咩你~?"阿媽話)
845返到艇會, 肚痛... 915先去報到。 拉筋、熱身, 眨下眼就到我喇...
一直都唔多緊張,  結果, 慢左... 6秒咁多?! 差唔多啦... 測試更係有快有慢架啦... 暑假先練返激d。

之後等埋班fd先一齊走, 去左禾輋果間波記食野。
食完野就o係禾輋平台果邊繼續玩,
跟住邊行邊傾咁去左新城市果邊, 拎返架車就走嚕~ (好唔o岩得呀...)

返到教會, 覺得好鬼死凍... 著返果件JACKET (好彩今朝有帶衫姐~), 俾人笑 = =" (死孝文話"洗唔洗咁串呀, HONG KONG ROWING~~") 我唔著得咩~~
之後分組玩左個GAME "耶穌話", 幾好玩架~~ 結果我輸左1次, 要出房門大嗌"我係X頭!"一次(我係嗌得最少果個), 紅P鳳鳳嗌得最多喇...  跟住魚旦同阿龜o係度數一人有幾個"頭"... 原來真係有7個...
落到去見落雨個籃球場濕哂都想走架喇... 不過見DONKEY佢地踢波咁好玩就同佢地玩左陣...
走嚕~~

返到屋企無無聊聊咁又一日喇... TIME REALLY FLIES...

刊登時間®︰2006-05-27 11:48 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...