今日係星期日

930起左身, o係度整理緊果本獎狀集...

1015, 嘩嘩 ~~ 整理左咁耐都未收拾好 = =" (太多喇...早知係咁燒哂佢啦 ~~ ) 之後就要食飯喇...(超早 ~.~ 剛剛先食完早餐,所以食得兩碗飯...)

之後走去搭馬鐵, 心情十分之好 ~

到左恆安站, 見到 Sinny姐 同 阿...唔知咩學姐。 Sinny上左車, 人都未坐低就用好奇異o既目光望住我, "細佬你做咩掉轉件衫黎著呀~?" －ｏ－”... 有咩..? 又好似係啵...

到左第一城, 見到林俊俊(強), 但我都係要跑去toilet換左件衫先!

等到人齊喇, 上返馬鐵轉車去狗籠塘, 跟住又轉搭的士去石尾尾體育館。 去到都係睇阿強佢表演啦, 等啦, 同d熟人傾下計, 等啦... 都幾無聊架...

1320, 終於到我比賽喇... 我係第三棒, 未坐上機就已經拋離左人一條艇位喇...不過我都係要盡力啦 ~之後第四棒就係阿強喇...(班大大唔玩即係俾機會阿強表演...), 結果我地果隊由頭帶到落尾, 仲比我地校team舊紀念快左2秒。

1330, 一比賽完就走去沖涼, 快手快腳跑左去搭地鐵。  o係地鐵上邊啦, 我就留意到一個女仔唔知點解係咁望住我...(唔通今次掉轉左條褲黎著...? 無丫...) 睇黎十成十係我魅力沒法擋啦...

去到灣仔, 撞左好耐先撞到去會展面試.... 表現都唔錯o既...不過獎狀copy得唔夠人多。(我見到有人帶本好似畫冊咁大, 聖經咁厚o既野...) 得唔得到獎就唔知喇... 始終全港得30個... 一組先得10個 ...

跟住返到黎練左陣結他...  又同人MSN, 2300訓覺。

刊登時間®︰2006-05-21 12:42 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日又係要練艇o既星期六,即係又要返630, 結果一如預料, 515真係起唔到身...

530...545...550終於都撐得起個人喇...依...呀 ~! 望一望隻錶,即刻成個人彈左起黎, 由床上飛左落地。 擦牙洗面用左2分2 8秒之後拎住盒奶同袋衫, 著返對拖鞋就跑去搭巴士(張全月通oc借左俾外星人1號作會考交通之用,所以唔搭馬鐵) 

o係明星海鮮舫度落左車,跑左好耐先返到去...645始終都係遲到...

好彩阿田要讓班  "大佬"  做   "2222"  先(即係4轉2km maximum), 唔係我可能要1個人落single同其他人o既double同four劈餐飽...

練完第一節之後跟大隊去左波記大排檔食早餐,例牌牛腩魷魚油麵加沙爹汁飲可樂... 成班友仔o係度係咁講鹹野, 攪到我都唔知食唔食碗麵好-----咁鹹.....

之後返返艇會, 我就"懶"醒咁去拎左成疊墊上天台,點知唔洗做果200下sit up...多此一舉...做完gym又要拎返落去...

點知我地做完gym之後阿田都唔放過我地, 要我地o係機上邊做技術... 10分鐘...10分鐘壓身就夠殺死人喇....

1200正, 走得即走, 之後去左大圍.....食飯....飲左杯野飲...心情很好丫~

and then就搭馬鐵返教會(學校), 今日只係崇拜&聽人講感恩見證, 所以唔覺眼訓..... 1600完左團契之後就去左新城市o既基隆徒嘉年華會, 騎劫左阿劉擺o係學校果架車...單車...就飛左去果度喇...

睇左陣野就返歸嚕...

唔知點解返到黎部電視收唔到台喎...

刊登時間®︰2006-05-21 12:41 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

琴日唔知點解入唔到xanga,所以今日打返.....

.....今日9:30如常返到艇會練艇, 划得兩三轉,又唔洗做program好輕鬆呀 ~

之後就如原定計劃陪人去游水啦, 點知...唔記得帶泳褲...shit, 點算 ...?

跟住o係艇會門口等人齊啦, 就諗住去最近果個沙田游泳池啦, 突然, 有人問我:「係咪去"狗籠公園"泳池 ?」下... 去到咁遠... 我答你好定唔好丫 = ="

最後居然成班人都話去馬鞍山游。即係送我返屋企.....

and then我地一行6個行左去第一城(途中撞到su個副部墳爺),  o係間糖水鋪度叫左一人一個粉麵餐(邵邵胃痛無咩點食)...

食飽就行去搭馬鐵嚕 ~估唔到佢地居然一次都未搭過馬鐵(其實我都無搭過輕鐵o既...)

歷盡由第一城至馬鞍山o既...o既... 石門、大水坑.、吾...恆安... m... 三大個站之後終於接近到目的地喇~~

去到約莫係2點幾3點...我仲諗緊著咩褲去游水... 結果我都係著返條黑色短褲打底。出到去唔知班女仔會有咩反應呢...

結果無咩點。 一開始就同其男仔玩水戰, 跟住班女仔一落池就中彈,又加入埋戰線... 之後成班人玩到癲哂, 到左6點3就黎close o既時候先走(好支力呀...) 不過好耐無玩到咁癲, 准我放縱一次!

跟住諗住盡地主之誼&男士風度送班女仔返屋企(唔捨得人就唔捨得人啦 ~)  點知來回得要成個幾鐘... 返到黎9點幾點同阿媽交代呀?(喂 ~你聽日要515醒喎 ~唔洗訓呀?) 正當我天人交戰之時,馬鐵已經到左大圍站喇... 上火車定捨人地而去呀~? 結果我都係送唔到佢地最後一程...(好賤格呀!明明應承左人又唔做...)

返到屋企, 食完飯一開MSN就有人add我, 之後chat左好耐... 訓果陣都已經好晏喇...

究竟我聽日會唔會唔知醒呢?又會唔會遲到呢? 雖然校左兩部手提o既鬧鐘去到最大聲,但情況唔樂觀.... 不過臨訓前都係要聽多次首Pretty Boy 先 ~!

刊登時間®︰2006-05-21 12:39 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

備戰!! 距離「傑少」選舉仲有2.5日，我心情極其緊張,訓覺訓得好舒服,食飯都食多左兩碗,好暢快。 今日林俊強拉住我話:「星期日比賽1點半完呀,你黎唔黎呀?」當然黎啦!一定有獎牌喎,仲唔洗同傑少撞時間丫 ~~ 講返今日返學,無咩特別,只係欠左一樣maths homework bk, lunch要落D...  lunch仲要去SAC做野架.... 咁邊有時間食飯呀 = =? 之後放學去左象棋比賽...輸左= =" ...無心機捉  好似讓緊賽咁,下埸贏都係得第2咋..... 之後去左SAC meeting, Shadow好落力咁plan緊下兩次movie day同SRA o既野,而我就掛住睇今日movie day果套《Chicken Little》都幾好睇下o既..... 之後又傾左一陣 執左陣野 搬返哂椅椅桌桌就走喇... 5:33左右,落到去見有排球比賽,咪睇下囉... 原來係舊生挑戰賽,好精彩丫 ~ (雖然舊生打緊讓賽波。) 之後返到屋企, 練左陣小提琴, 又練左陣結他,又再練小提琴... 手指痛到痺.....  再之後就chat MSN until the time to bed.

刊登時間®︰2006-05-21 12:37 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日休息丫

今次係我第二次打同一篇ｘａｎｇａ喇．．．（食食下飯待機－－”成篇無左）

－－＞今朝早一訓醒，我個身就好似自動波咁走去開電視。一早都話左掛唔成紅雨架啦．．．雖然係咁，但係我ｏ既失落感就好似一個就黎遲到ｏ既人係就黎挽到車門時見到個小巴司機抽筋咁踩油門連車門都唔關就駛走左一樣，明明仲有一個位架．．．

我一隻手挽住個袋，一隻手撐傘。春雨綿綿的景致當然好啦，但攪到我咁“窩可”，就真係不值。如果有美相伴．．．就．．．ｏｋ既∼

返到去心情都唔錯，到左第２、３堂就．．．唉．．．又係衰落雨．．．結果ｏ係果個袖珍ｃｏｖｅｒ　ｐｌａｙｇｒｏｕｎｄ度拍波．．．１４歲珍貴的１．５青春就白白浪費了．．．

跟住就小息喇，去左ＳＡＣ開會，傾左一陣，聽日放學再ｃｏｔｉｎｕｅ。　　　　　　ａｎｄ　ｔｈｅｎ英文堂好難頂呀！外籍老師不正常！叫人不停講英文．．．

之後ｌｕｎｃｈ去ＳＵ當值左一陣溜左去ｍｕｓｉｃ　ｒｍ學結他。

再之後就數到中文堂作最唔擅長ｏ既論說文，到打左放學鐘十數分鐘時終於都作完喇，感覺就好似落完艇再拉機再落艇再拉機做ｇｙｍ咁，成身散哂。

去ＳＵ當值，ｏ係入邊插花穿腰練足成個鐘。中間俾林俊強捉左出去拉左陣機之後睇阿藍同阿政玩左陣頭髮，影左ｄ相就同埋ｓｏｈｏ，德記一齊走喇。

刊登時間®︰2006-05-21 12:35 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...