個xanga俾某d人知道左... 所以開過第二塊board~ 整左我成兩個鐘架喇...(單單是copy&paste... )   不過話時話, qooza的確幾易上手 ^^ 正丫 ~~

今日730醒左, 見落緊雨, "又練唔成波... "再訓過...

1041, 訓醒, 就即刻同人地MSN喇. (另一邊就整呢塊board, 做下傾下, 食下做下,食下傾下, 好辛苦先整到出黎架 ~~ )

睇住佢出左世喇, 就專心咁傾MSN, 之後到左1430左右, 見無咩野好傾, 就開住部電腦o係度睇"2002".  (幾無聊下喎你...) 

跟住o係差唔多1700果時, 見自己對住部腦咁耐又無咩好做(又大把野等住要做), 就讓左部腦俾外星人2號(廢事佢夜晚同我爭...)

用左一陣時間就做哂功課(不過未溫書呢 ~唔好唔記得聽日中史短測呀!), 訓左o係梳化度睇發夢... 結果真係訓著左...發夢...

一訓醒就1940, 播緊鏗鏘集. 今集個主題係"通識教育", 走到去風采訪問... 影黎影去唔係老師就係學生,最多都係望到下個課室(唔係你想睇d咩呀?). 參觀祠堂--- form1... 國共內戰--- form3... 點解錄下form2上堂o既情況呀?? 我想... 比較下同form不同校o既上課氣氛嘛~ (哦... 我可以理解o既...)

跟住即刻趕走外星人2號... 佔領返部腦. 又同人MSN左一陣... 阿fish話唔嬲喇喎~ 點知, 突然間... MSN斷左線... on極都on唔到... but, 積極o既我係唔會放棄o既! 再試, 唔得; 食住飯試, 都唔得; 繼續試, 唔得, 唔得, 唔得, 唔得, 唔得, 唔得.... 我!#$%(^&(%...  算, 打左日記先~

2200, 終於on到MSN啦... 哈利路也~ 感謝主!  繼續傾... 人地話我"痴"喎 ~

跟住去人地d日記板度行下, 留左d comment...

訓嚕 ~~

p.s. 今日訓醒時d果髮飛起哂... 都幾型架 ~! 啟發左我gel頭o既靈感... 唔gel前gel後 ~

刊登時間®︰2006-05-21 01:41 PM  [ 訪客留言(4) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日537先爬得起身... 入左去"全屋風水最好"果度坐左好耐...(差d又訓著...) 唔得!我要醒!! (隊個頭入去囉...)   洗左個面...(當然係o係洗手盤啦~ )   刷牙飲牛奶拎袋出門口...  610上左馬鐵先發現自己有好多野無帶...  返到艇會640... 周文問我借褲... 最尾阿田借左條藍色長梯俾佢...(上次阿之著果條...唔知有無洗呢??)

兩轉2000Maximum都唔係好快... 同細星仲唔係好夾。 成績就... 唔好提喇~~

1030左右, 第二節, 睇返第一節錄o既帶, 檢討返每條艇o既技術, 三個字... "加把勁!"。 之後唔洗做gym, 慢慢跑4km就算。 今日無咩心機跑丫... 跑下行下, 中間同佢地玩"轟炸機"... 除左焯明跑到鬼咁快之外, 其他中哂彈... 跟住遭到敵機反擊... 最激烈係鄧超超... 鬼咁大力咁拍落我個頭度... 結果無啦啦o係男更入邊打起黎...(玩出火喇... 點知佢笑岑岑唔玩得...)  以後唔同佢玩喇 ~~

跟住榮偉之我四個等埋阿邵&阿魚就走去沙田食飯... 去到間間都爆... 最後走左去Mc記... 都係無位... 於是有人提議take out上沙田中心(屋宇)天台解決... 好~ 上次軒軒先o係上面請過我食芒果西米露, 仲記得有樓梯上到去... 點知果條樓梯有鎖有門...  之後醒起第二條樓梯, o係商場入邊, 上到去搵張長凳坐低, 拎起個烤餅就擺入口啦... "唔好意思, 呢度係唔食得野架!" 一個唔係好友善o既錫Q阿伯"懶"係友善咁走黎同我地講...   我從未試過咁鬼...餓...同咁鬼燸 =^=""   跟住就到左全日既最高潮o既moment... 阿fish突然之間發火喇... 好似係嬲左我... 拖住阿邵就走左... "我做錯左d咩呀 ??"   "無呀, 你無做錯d咩呀。" 阿之都咁講... 我都唔知追唔追上去好... 如果人地果時o係度就好喇... 一定會幫我拉住阿fish, 再唔係...  我一定會毫不猶疑咁追上去, 咁就唔洗好似而家咁後悔... 點解妳今日唔黎呢...?? 我又點解要去呢...?? 

跟住四丁友轉移陣地走左去隔離天台度ko個餐... 風景唔錯丫 ~~ 

之後同阿之踩返第一城, 返到學校先1440... 好彩 ~ 唔係好遲...

完左團契同分組啦, 落到canteen見到女班長shadow同阿朱... 佢地話PE要練體操喎... 跟住阿藍嗌我去食cake (今日何龜龜同winne搞生日會, 買左兩個蛋糕, 一個買o既, 一個係同師叔訂o既...)  又同鍾文&Fiona佢地傾左陣"釘"o既問題... (耳骨黎架, 唔痛架咩...)

跟走左去打波, 奇景... 籃球場得三丁人o係度... 佢地仲話落雨要走添...(果d唔 係"毛"黎架咩= =?)  於是問佢地借個波黎射下啦... 佢地就坐左o係樓梯度吹吹吹...   等到d"毛" 少減d啦... 佢地就走返出黎玩2on2喇 ~~  勁開心呀 ~ 我連入左12球 3points呀 ~!

返到canteen.... 見阿水哥哥打乒乓波我又打 ~   聽到有人嗌我... 原來shadow佢地仲未走...  嗌我過去幫佢地影相... 好... 影咪影囉... 跟住我地o係度傾計... 影相... 之後就走嚕 ~~  

刊登時間®︰2006-05-21 01:38 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日係Day1星期五, 數學英文英文中文木工木工綜科綜科...

第二堂就英文test喇... 今次份卷超易呀 ~! 閱讀理解篇文係講八仙嶺山火, 第一次閱讀理解有機會滿分丫 ~~ 份卷最少得有80分掛 ~

之後係木工... 今日繼續整鋼線車... 進度超慢... 整到1310先去食飯...仲未整完呀...要拎返架車返去整...(咁多野點拎呀...)

lunch要開會, 傾返遲d學生褔利部(SU...)蒸飯服務o既野... 除左我地一班骨幹部員外只得一個人黎... 之後把握最後十數分鐘去SAC做book presntation, 無謂...叫我無奈...

之後IS, 我副盲人鏡俾阿劉拎左黎玩... 仲俾Miss收左...

放學, 落到SU見阿強個家姐"尾拎"落左黎... 呆左呆... 心諗,"咩事呀prefect?... "  分明存心落黎搵我師傅傾計啦... (蘇濠粉絲會o既會長&唯一榮譽會員...)

拍陣波到1610就踩返艇會。 槳都未搬阿田就同我地講 : "今日唔好搬槳住。"  下 ~?! 唔通... 要拉機... 死傷好慘重架啵...   好彩, 都唔係 ~ 係轉新槳呀, 我終於有我自己o既一對槳, Croker呀 ~!  跟住落double, 試新槳,  出水入水感覺好好多~~ 勁好玩呀 ~~!

跟住收艇走啦... 阿黃x健話朱肉生日喎 ~ 咁又點? 咪掉囉 ~ 點知個死仔恃住唔識游水唔掉得... 自己落去濕濕身就算喎... (我等~! 等到你識游水就...)  之後, 阿邵, 阿fish, 盧珈, 阿之, 黃健, 我啦一齊同佢慶祝生日。(有個好靚o既蛋糕呀~ 所以話女仔眼光真係好...揀蛋糕...) 之後阿豬肉, 黃健走左... 我同阿之繼續o係度等... 等到人地沖完涼, 阿fish走出女更門口問我入唔入女更喎... 又唔係未見識過女更, 算啦 ~~ 跟住我無啦啦走去問阿之... 佢話去喎... 人地入我又入 ~ 原來艇會個女更咁鬼細... 跟住同阿之一齊走...

返到黎2115... 阿媽居然未食飯喎 ~?? 打xanga ~訓覺 ~ "克皮" ~~

刊登時間®︰2006-05-21 01:36 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

琴晚好好訓呀 ~  訓醒果陣都707喇... 刷牙洗面食野出門口... 剛剛踏正係730. (珠珠走左喇 ... 一定好多人失望啦... 祈左禱咁耐...)

上到馬鐵係咁o係度發夢... 返到學校先知原來仲有compositoin correction未做...

之後聖經堂Miss話調堂, 帶左我地落去MMLC上網做心理測驗... 咁就一堂喇... 跟住係M-art, Miss蔡自己o係度播短片, 其他人唔係上xanga就去Cyber4(打機...)  一陣我就要繼續做我o既中史功課喇 ~~

小息食左碗麵, 又係落SU, 幫ZOE摺左幾張野, 預備遲d學校攪叮飯服務用...(又要ZOE一個人做哂喇...)

之後英中數...堂堂都係自己做自己野... 英文堂落左去hall做果個唔知咩A Tour to Autralia ... 中文做功課... Maths 差d訓著...

跟住lunch, 又係SUSUSUSU... 食飯拍波波波波....  同師傅阿政o係度吹吹吹... 跟住就俾人屈左一餐...早餐... 十幾二十蚊... 一餐都ok啦 ~~

Reading堂之後就係兩堂IPC堂, 今日睇紀錄片,係講第二次世界大戰o既集中營情況... 一開始都幾悶架, 得個talk字... 之後就震撼喇~~ ...一個個"骨"(唔可以用人黎形容...) 唔知用咩姿勢黎行路... 連鏡頭入面d美軍都睇到o哂嘴... 仲有一個個"集體坑", 堆滿哂"骨"... 鏡頭一轉, 原來果個"骨"當時得21歲... 睇唔出咁後生....

放學象棋比賽, 贏左, 三個人都一勝一負,三強下星期四再重頭捉過分名次...之後又係SU... 都係拍波... 都係同師傅吹吹吹水... 不過唔知點解撞到兩個form3 o既傻婆...無啦啦同我講起history...(屈我請食雪糕... 無人性呀 ~~)

之後同師傅&兩個傻婆一齊搭馬鐵返歸... 吹吹吹到暈...

1930到自修室做功課, 2032做哂 ~~

返到黎同愉魚&文文 MSN, 約左暑假成班小學同學去BBQ ~~ "超"開心 ~~

人地成日唔得閒呀... 唔好意思add佢...  阿魚今日又shit我喇... Shit ~!! (我忍妳...)

p.s  聽日GE test喇又...

刊登時間®︰2006-05-21 01:31 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

死人梁x媚 !!!明明仲有3mins先要交功課... 咁都唔俾我做..."曾俊豪呀, 你拎住支筆做咩呀~?" &^$&^&^$... 居然count 我欠  T-T... 一陣lunch落D點去結他班呀 = =?? (雖然我唔想去...)

第一堂係IS, 玩下聽下玩下就一堂喇...  第二堂都係IS, Miss示範解剖"眼", 不過唔係牛眼, 而係豬眼...( 賣哂, 買唔到...) 解左半堂都解唔到, 搵TA幫手啦, 都係唔得...  終於... 我要出手喇 ~! 我同Miss幾經辛苦,冒住"爆"o既危險&割爛先伶到粒晶體出黎...( d "遮李"狀o既野流哂出黎...) 跟住又拎第二隻黎玩, 今次Miss解得隻眼好靚呀 ~~ (實驗證明豬眼難"界刀"好多.)

第三堂係中文, 無人會o係中文堂傾計, 因為有Miss黃... o係中文堂, 好動d &健談d既同學都會企哂起身; 精神差d既都會安眠; 勤力o既會抄唔停手; 有文化修養的女同學會o係檯面下睇小說... 全場只有Miss同企起身o既人出聲。 等放小息者眾, 聽書有幾人?? 

跨小息之後又係中文... 今次無人會被Miss邀請站起來, 更加無人o係檯下面睇小說, 改為maths書( 事因第五堂maths test哦...)

Maths test到喇..... MC做左好耐... 結果仲有一小題無做, 應該唔會低過85啦 ~

中史之後就係lunch, 落左D... 無去到結他班( 之後同學話Miss傅都無黎喎...)  跟住落左去SU,  打左頭兩段xanga 。

英文兩堂, 放學又去左SU, 伶左個籃球就出去有蓋操場拍拍拍... 見到班女同學o係度玩投球... 跟住Miss梁行過, 見我拎住個籃球就話"呢個唔係籃球架, 唔好o係度射波!"  你邊隻眼見到我射波 = ="  你同你個女走就走啦 ~ 火爆...

1730返屋企, 1800返到, 1815去自修室做功課(好早做哂 ~ yahoo ~!), 2025做完返到黎, 食飯, MSN, 打xanga...

刊登時間®︰2006-05-21 01:28 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...