今日係Day6, 返到學校要早會... 成校人企哂o係排球場... (Miss, 阿Sir就更係無所謂啦... 又唔洗佢地著住校服曬...)
我熱到好似生蒸包咁係咁流汗... 我要澄清一下點解我仲著住冷衫呢? 因為我條皮帶唔見左囉...
好辛苦呀...
o係6,7位老師走上台講野之後, 終於走得嚕...
跟住有個公認全校最靚仔o既阿Sir走過黎同我講... "你地呢, 琴日象棋比賽咪話唔捉o既? 而家呢就一人$50書卷, 但你地3個唔准私底下捉過架啵, 因為咁就係賭博黎架架喇~"  嘩~ 開心死... 第一次參加比賽就贏... 仲有$收添~

聖視視小英中數午專專...  除左 聖中英數之外, 都係o係MMLC對住部電腦... 好無聊呀~~~
lunch落到SU部長Zoe問我"考試之前SU開唔開好呀?"  更係唔啦... 都唔開得...

放學去划艇... 拉左一陣機, 做左d好輕鬆o既野...(5槳起步, 模擬2000)
跟住同細星落左一陣double... 一出碼頭, 終於知道架18號去左邊喇...

刊登時間®︰2006-05-26 10:47 PM  [ 訪客留言(2) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日, 一返到學校即刻死背課文(今日中文背默呀...)。 溫得唔多... 琴晚又夜訓... 兩堂IS之後就係喇... 點算呢? 出貓? 係喎~ 諗唔到添!  Miss黃上到黎話下一堂先默... 當然好啦~ 小息之後係第二堂中文, 溫多一個小息熟左好多, 錯左一個字, 有95分呀!

Lunch落去SU當值, 做左一樣功課, 又拍左一陣波...

放學之前兩堂係英文堂, 因為天雨關係, 今日有位客人入左黎陪我地一齊聽書, 佢都幾友善架~ 不過太熱情, 班女仔有少少心慌...
Miss馮起初都係採取一個愛理可不理o既態度, 但係... 臨完第一堂之前o既一刻... Miss馮發火喇! 佢一手拎起本書... 係咁追住個客黎打...   "拍..." 打唔中~   "砰..." (飛粉刷) 唔中~   "篤篤篤篤篤..."(拎同學把遮黎拮) 又唔中....  "哈哈哈~ 嘩~! 呀!"(成班係度笑) 就在此時, 全班百分之九十九有訂報紙o既同已捲起十來支報紙棒... 大戰一觸即發~!  "呼...呼... 算啦... 唔好理佢喇... 繼續上堂。"  下?? 咁快唔玩喇...? 真掃興...  難怪人地話"和平雖是好,盡興價更高"...

放學好忙呀... 最初諗住去象棋比賽, 不過前日阿Sir通傳叫我去MMLC入data... 琴晚我d組員又打俾我叫我一齊去做訪問...(咁突然...) 好啦... 唯有去推左阿Sir同埋象棋比賽先啦... (象棋比賽捉左半個學期都未捉完@@...)

同阿欣, 阿樂, 阿芝&媽媽 去左鑽石山訪問阿芝嬤嬤關於第二次世界大戰日佔香港三年零八個月時的經歷。 1700到左, 1730就問完喇, 同佢地玩左陣先走, 唔知點解好開心呀~

返到黎就落去自修室做功課... 好多野做呀>.< 不過唔緊要, last day, 下星期就唔會有咁多功課架喇~ 咩默書 test都完哂, 等考試!

刊登時間®︰2006-05-25 11:37 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今日返學, 諗住可以寧寧靜靜地過一日啦...  點知...  一拎份Maths功課出黎, 前面果個女仔"哨"左一眼我張紙就話..."你做錯左呀..."  下? 用塗改液塗咁樣衰呀 = ="  改改改改改.... Miss粱到左... "收功課。"  "交唔到就欠啦!" (食... 啦! 我改緊呀... 明明仲有5分鐘先踏二喎! 開學果時唔係講明左架咩= =?) "我唔理呀! 你今日一定要欠兩樣功課! 普通話同Maths" (咁你講哂啦... 普通話就話我蠢無入組姐... 但Maths就... 妳不如直接記我大過丫笨 ...)  最後好彩女班長幫我做証... 兩樣都唔洗欠...

上堂無野做... 唔係作文就係自己做功課... 正~!

放學落SU, 今日阿墳爺生日(歸主重生紀念日... 第一次見人當正日生日咁慶祝。) 食左件Tiramisu, 好好味呀 ~
跟住又拍波... (落完雨未呀 = =")
之後o係1730時Zoe (form6, 不過個樣唔似, 似form4多d, 可愛到爆, 好斯文but勁串得... SU部長&理科強人)落左黎, 一齊走~
出到去仲見到d毛毛, 借d以"哩"左入Zoe把遮入邊... 好sweet呀 ~~

阿爸阿媽去飲, 返到屋企一個人都無, 無咩做... 今日早d訓!

刊登時間®︰2006-05-24 09:27 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今朝返學, 見落雨落得七七八八就唔帶遮啦... 點知一出馬鐵就落雨... 點算? 衝呀~! 好彩撞到黎同學(上次面試識o既...) "無帶遮呀? 遮埋你丫~" 更係好架 ~

音樂堂Miss話考試... 下? 妳都無同我地講過 = =" 無練過點考呀...? 好彩仲未考到我...

CL又無野做, 開MSN, 睇下日記。

小息去SAC開會, 無咩野傾...

今日中英調堂, 上成三堂英文... 好彩係一堂派test paper (比預期低, 得85分, 錯得好唔抵>.<), 二堂講作文... 不過都好眼訓...

放學去SU拍波 (兩星期無正式練過波喇, 退步勁多...), 當值果個又唔做野, 要我幫手...( 居然名目張膽玩GBA... 仲要係孖寶瑪利亞...)

之後返艇會, 見落緊毛毛雨都知--- "做唔成gym架喇..." "咦~! 阿田喎~ (指住天台)" "係咪即係做gym呀?" "上去睇下咪知囉~" 一人一句走左上去, "阿田唔見左o既~?" 又走返落去。 機房入邊... 阿田"搬開d機拉拉筋先~"  (分明玩野啦... 點我地上去又落返黎拉機... 空歡喜~.~) 拉4x 500m 2x 250m ... 阿田"今日拉短d, 不過好激架~" 2500分開玩... 好耐未詆過拉咁短喇~ (熱身拉足15mins好似仲支力過做program...)

之後又等人一齊走... 豬肉踩單車又進步左少少(連續踩到十幾米喇 ~), 等到班美女沖完涼講聲bye就要走喇... 好少話企o係度傾... 不過我地愈來愈熟絡喇~

返到屋企剛剛食飯... 食完飯練結他先~! (聽日要彈俾Miss聽...) 仲未做功課呀...(雖然唔多...)

刊登時間®︰2006-05-23 09:57 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...       

今朝返學... 唔記得做Maths功課... 返到學校都745... 15分鐘點做得哂呀~? 都要做架... 寫呀寫呀寫呀... 晝呀晝呀晝呀... 759, 做完! 估唔到做得咁快... 所以話人類係無極限o既 ~!! (做得好靚丫 ~)

跟住中史短測... 心諗無溫過實死啦... 一開始填充就問左兩題難到嚇死人o既問題... 憑記憶作答... 結果填充一題寫錯字"馬區"->區馬" (抵死...) 一題就係果條嚇死人o既問題, 共得8分。 問答更加係出正係我唯一睇過果段... 無奶油唔合格掛 ^^~

PE x2... 無聊... 考走籃... 阿Sir俾9分我... (都算好, 不過... 我走籃好過你多多聲啦!! 你唔識打波憑咩評我分呀 = ="?)  唉... 到左今日先發覺PE阿Sir兩年都無教過我d咩野...

小息之後係Maths, 阿Sir唔上黎...(頭先PE堂先見佢o係canteen食麵... 仲要係腸蛋麵添...唔會同我地講話病左掛~?) Miss傅走左入黎,"黃Sir今日有d野做上唔到堂..." 下... 頭先見佢食麵果陣唔係好得閒咩 = ="  唔緊要, 最緊要多左一堂空堂俾我地反~ (o岩o岩上果三堂都無功課... 唯有反左佢啦 ~)  之後英文堂... Helen阿姨又黎煩我地喇... 真係估佢唔到... 一黎就講咩poem, 咩verse... 咩黎架?? 跟住聽佢嘰哩咕嚕咁讀左一堆野出黎... 又派左張紙俾我地... 哦~ 原來係講緊"詩"~ 好得意呀, 英文詩好有節奏, 快到好似玩急口令... 又好似"15/16" 果個"BaBiBuBeBo"咁, 幾好玩丫 ~

Lunch去左SAC當值, 無咩特別。 之後中文堂 x2, write & eat。一邊睇ppt, 一邊抄筆記&食野。 咁又兩堂喇~

放學, 因為我地班房僻左黎做試前溫習班, Pele叔同嬸嬸入黎清場"人地就黎入黎架喇! 你地做咩o係度唔走?!" 滴汗... Miss o岩o岩先走, 我一早執哂書包都要擺野落locker架~~  痴線! 1535咋! Miss o係出邊企都唔急... 你走入黎催咩姐 = ="(難怪班TA成日話學校好鬼黑暗... )

走, 返艇會練艇(應承左阿田返1256...), 同細星落2x, 未划夠5km就落起雨黎... 我地做左個好大o既決定... 除衫 ... 一開始覺得幾清爽, 但划多一陣之後d雨滴就打到背脊又痕又酸... 同細星又唔係好夾...(佢上身太強下身用唔哂... 跟佢槳跟到腰痛...)

1930左右走, 仲落緊雨... 拎返架單車就走啦。 一出艇會... 愈落愈大... 成身濕哂... 好彩書包防水都唔弱 ~

返到屋企, MSN又on唔到... 又重新開機, 又改過個password...幾經辛苦先on到... 睇黎部腦又有病喇... 大修將至 ~.~

刊登時間®︰2006-05-22 10:46 PM  [ 訪客留言(0) ] [ 編輯日誌 ] [ 分享至FACEBOOK ]                                                   
                                                                                                       ☆心◆深如夜☆情◆深似海☆...