今日星期2...差唔多全部既主科都已經考曬啦~~^^  

好悶呀!!!其實日日都係咁,真係好冇意義,兼且有時會亂諗野-,-不過已經少左好多lu

琴晚冇溫書呀...不過今日考試就ok好.....讀本問題其實都係打天才波既科目姐

放學既時候,係火車站居然撞到佢!!~~  估唔到,時間剛剛好~~~如果唔係要還書,或者打電話既時候某人冇打尖,返屋企既時候如果我冇追單車....只要有10幾秒左右時間差...就撞唔到了~~~

世事就係咁....有時一定會整蠱下你...~不過撞到又點,,好搞笑我又開始亂諗野!!~~跟住佢即刻就撞到熟人,走左~~呵呵...咁就證明冇緣啦係咪先~`∼

返到屋企好攰呀..依家都仲好攰.....出街食左碗牛腩面,正~~不過好貴呢    然後打機打機打機,依家除左打機,真係冇咩意義lu.....

好似好失敗咁呀....今個星期一定要剪頭發...好長好樣衰呀..~~

星期5篇作文點算~~~~~

聽日搞掂佢啦都係...-.-    一次過,不作修改!~

琴晚個爛鬼blog唔知咩事...明明打左加嘛....一個''網頁無法顯示''冇左`~~~好無奈呀`~

搞到我又斷左一日.....

好啦講下今日先,今日考電腦同phy.....很辛苦呢`~~~尤其係電腦...仲以為自己溫左,點知超多唔識....唉....

算啦,電腦不嬲都差`~~跟住係物理...琴晚背左一粒鐘EP,今日有d效喎,,,除左語病之外,其他應該ok既~~

中文版就更加唔洗講啦~~錯左一個角度,其他都得...........掛

聽日考普通話,是但啦~~強項黎既,,,反而今晚要努力溫中文最後一份卷.....

今日考左英文口試....好難好難好難~~~仲要第一個係我,點可以唔驚呀`~好憎1號.....點解冇人姓歐陽架~

favourite movie?梗系harry Potter啦...除左佢仲可以寫咩∼講到口窒窒...3分鐘唔夠時間準備咁多lo...跟住讀課文,幸運地抽刀how to save shark果篇...不過估唔到咁簡單都讀錯N個....唉

6點lu...出街買d野食先....lunch食左d超級韌既牛肉...唔夠飽....

就快星期5啦...篇1500點算好呢.....到時都係求其交貨啦....~~~

差d唔記得打blog...今日心情不太好

部機居然可以咁lag- -好無奈...唔通我對佢太差,,成日開BT~?

今日真係down左好多野....又del左好多野...唉,,新電腦係咁架啦....連office都冇...亂碼翻譯又冇.....好煩呢

前幾日買既漢之雲...係我係度咁耐以黎第一隻支持既正版碟~!!買左我180蚊架~~點知今日好興奮咁試既時候....發現玩唔到- -

唉...咁難得支持正版....180蚊變左買書簽...∼∼雖然d書簽係幾靚

冇食早餐冇食lunch...supper靜係食左3分1碗飯.....依家,有冇人知我好肚餓呀~~

唔想溫書呀....好麻煩呀...∼∼好肚餓呀....

等左幾耐呢?星期3等到依家...好漫長呀...

我部電腦終於都回歸lu...星期3比老豆打爛左個hard disc....最後拖左一日...發現冇得整,要買個新hard disc

知唔知咁姐係點?換左個hard disc...以前既野就會冇曬...咩都冇曬...

包括''佢''既野......

或者連個天都唔想我繼續咁落去...終於,一爛....以前佢既野,佢d相,佢比我d歌,同佢一齊既痕跡..

通通都沒有了~~!!

一開始我仲留戀呢d野...寧愿貴d都唔洗機...我諗,做個紀念都好丫~~但係到最後,該舍棄的始終要舍棄!!

冇lu..面對住呢部新既腦..桌面上only有我的電腦,我的文件,回收筒~~當然係我接手之後..好快就有msn..魔獸等等既野出現la^^除左''佢''d野之外..今次,,我損失左N咁多psp game,  NDS game~~好多好好笑既圖..好多超愛的圖~~~仲有全套死亡筆記動畫版加特別篇同埋2個電影版....慘= =仲有好多歌~~仲有d網址...仲有玩到一半既仙劍....好無奈呀- -

咁耐冇打今日就長d啦~~呢幾日考試都很不錯呢~~~除左英文-.-''  今日考作文同埋數學...數學,我諗唔扣格式分,應該有90掛- -都係唔好咁大希望好d....作文..好難,寫左拆碼頭果個...聽講好多人寫壽司,我都有諗過,不過提起壽司,我完全諗唔到任何好寫既劇情...都係1果種題目易d~~不過係作文方面不嬲都唔係好好架啦- -諗起就煩~~不過考完lu..舒服曬~~`

下個星期要交果篇1500...寫左少少..覺得好爛~~`我諗要很努力咁執執佢先得~~故事都大概諗好..不過諗唔到d好既句子~~反正1500根本係個不可能的任務..有貨交咪算好lo~~~

至於我同''佢''..今日去圖書館還果本''巴哈''既時候見到佢..我叫佢等埋我...估唔到佢肯...然後就一齊行左一小段路....都好似冇乜野咁....跟住我即刻同自己講,唔好亂諗野啦~~無論如何,同果個人既話...我諗今生今世,都冇可能一齊了~~

跟住見到某So果陣..我先突然醒起..仲有本乙一未還~!!唉...星期1可能要罰錢....成個聖誕假都冇睇...   不過一書死一書來,前幾日同細佬行商務...見到果本《夏天·煙火`我的屍體》正爆...87蚊- -即刻買左...加埋整機..買hard disc既錢..我諗今個星期洗左1000蚊到......大/////出//////血~~

換左hard disc差唔多可以叫新電腦啦~~好多野都未搞掂...有排煩...以前用開果d野..依家全部冇曬..超唔就手~~...星期1考電腦同物理...又係苦戰呢~~~

成日係度諗,連肥陳都有女朋友(奇跡).....我要幾時先有呢~~- -(無限遐想中....)