每一年~我都有定一d0既成長目標俾自己~用一年時間訓練自己同學習
堅持做到目標~結果是其次,過程才重要~~~~
今年成長目標已差不多決定了~~~
2006成長目標~
1.   學結他
每星期兩日,用1個鐘練習
2.   1/10奉獻
3.  印度3個月中宣
每月儲$2000 ,準備中宣費用
每星期兩次為印度祈禱 (宣教士,當地人,信仰)

(目標已定~~盡力達到)

**方法仍有些需更改或加減**

今日去完崇拜之後,就趕去維園拎渣打馬拉松0既野~~
今晚打波我其實唔係好想去~因為真係有少少累~但係因為約左個新朋友一齊打波~
所以最後都決定落去~~
之後打左幾場,其中一場俾人打到我隻手指公,本來我以為無咩野家~
之後越來超腫~感覺麻痺同有d痛~我都無咩理~~
打完之後~隻手指公即刻紫晒~~~
痛就幾痛~不過我覺得腫得幾得意~重幫隻手指公影左張相~哈哈~

今日係最後一日係中山啦~~~一朝早就有靚靚湯水飲啦~多謝晒姑姐一早起身煲俾我地飲~
12點我地就出發去~小肥羊火鍋啦∼∼∼我都覺得有ｄ誇張一朝早食麻辣火鍋∼不過超正∼∼辣到．．．．．

食完我地就出發去澳門啦∼∼去到珠海都已經係差不多６點啦∼
澳門真係超級多人呀∼∼真係唔多習慣∼因為中山０個邊少ｄ人舒服ｄ∼

去到澳門都真係無咩特別野做∼又係食囉∼去左睇煙花∼∼
我最享受反而係１點幾同ｌａｒｒｙ，ｅ林落左南灣傾計∼∼真係有ｄ凍呀∼∼不過好享受講下自己０既經歷，目標∼
同樣可以聽下佢地講自己教會０既事∼好舒服∼∼∼（好凍）∼∼呼∼∼∼
傾到成三點幾∼四點幾先訓∼∼∼超正∼

一朝早就由粉嶺出發去深圳轉巴士到中山~訓唔夠兩個鐘個人真係暈暈地~
好在可以係巴士訓下覺,因為都成兩個鐘車程~
去到larry大陸屋企見到佢d親戚~真係好nice,又有得收利是~哈哈~
我地去左一間餐廳享受我地0既午飯~之後去左行下公園~雖然無咩行又無咩玩~不過都好享受放假
之後重行左一陣街~見到d(A)貨真係超級真~同真0既有9成似~
(通常都係larry,e林,我,同larry表妹(思韻)一齊去行街)
之後返左屋企休息左一陣~佢地就帶我地去食飯~
食飯0既地方真係好多野食家~雖然唔係樣樣好食~~但係都食得好飽
食完我地就去揼骨~我同個女仔講我要男人幫我揼骨~佢係度笑我~
我心諗搵男人揼好出奇咩~我又唔係基0既~>.<
完左之後又食宵夜~依次食埋奇怪野(水蛇,水曱甴,青蛙.................)
水蛇~好好味呀~~~~水曱甴就.......................
我都覺得節目實在太豐富~因我地重會玩煙花~~~ ^.^ ~~
同larry用龍吐珠追逐戰~~超好玩呀~~~~
其中一炮係我面前爆~~好驚呀~~
我都射中larry一下~~正~~~
玩完已經成1點幾鐘啦~~~
夜晚真係玩都癲癲地~返到屋企重打麻雀打都成3點幾先訓~~~~
完全唔記得尋晚無訓0既事~哈哈~