今日我亞哥放假,同佢做左一樣好耐未做過0既事~就係飲茶,打機,睇戲~
我地先去飲個靚茶~之後就勁打打鼓機~~打左成一個幾鐘~真係手都軟~
本來想近近地睇戲~不過粉嶺名都有無得睇霍元甲~之後把心一橫搭車去元朗百老匯~
去到~嘩~超多人~4點場full house~點解元朗都咁多人家~>.<
迫住要睇5:50p.m~我d朋友話好老套~我又覺得打得幾好睇呀~~~
希望唔係佢0既最後一套武打片啦~
之後本來我亞哥叫我同佢朋友食飯~之後我媽咪得佢一個屋企~初二今日又係佢正日喎~
我咪決定返我屋企陪我媽咪食飯~~唔想佢咁孤單~~~雖然都係佢煮~哈哈~
嘩~凌晨先係我0既正場~約左彩群姨一家人去唱k~0個晚癲左咁~唱左平時無唱0既歌~真係叫到聲都沙~
一唱就唱到成六點鐘~~個人都唔係好清醒~
重要九點約左同事一齊去中山旅行~~
只係訓左一陣~>.<

今晚幫媽咪預祝生日~初二先係佢0既正日~
今晚由我家姐落廚~佢好勁呀~~~整左個8餸0晚晚飯~
我地好齊人呀~~除左我亞哥要返工~全部人都返齊~yeah~真係好興奮~
我實拎定相機周圍影~因為我好珍惜一齊0既機會~
我家姐買左~個盆菜型0既蛋糕好得意~真係有蝦,帶子,鮑魚,魚翅~~不過都係朱古力整~
今晚個氣氛同下午0既氣氛好唔同~因為大家都好珍惜,好開心一齊玩0既時候~
我地飲下紅酒~玩下魚蝦蟹,打麻雀,傾下計~已經好滿足~
不過我打麻雀輸左呀~~平時我好少玩~不過通常贏家~
我好似係第一次輸~~
感覺超正~~(我講0既係食飯0既時間)~~^.^

今日食完早飯~就同我媽咪去亞婆屋企拜年~好耐無去過啦~真係一年一次~
新年氣氛越來越少了~從前我還記得~新年全部親戚都會去到亞婆屋企~食飯0既時候~
有成兩圍枱重要有人企係度食~成三十幾人~好開心~又會玩魚蝦蟹~~
今日去到真係面目全非~只有不夠十個人~~雖然有D冷清~不過我都好珍惜同婆婆傾計0既機會~
另一樣就會想起我0既異象~俾我反醒~我出左去服事長者~原來我無關心自己婆婆~
我真係要好好諗下~愛自己0婆婆..........................................

由我細細個唔知幾時開始~我地屋企大年初一就一定要食早飯(齋)
就算自己前一晚玩到天光都要一早起身食飯~先再可以訓過~
雖然就有D累~不過好珍惜新年一齊食早飯0既機會~~一年得一次喳~

今日大年初一 ~凌晨就去左同教會弟兄姊妹去粉嶺戲院睇魔幻王國~
本,生,maggie,tao,翰,joey,may,winnie,高win,我,bee bee ,bee bee's 朋友,文頌,嘉慧,jessica,joey組組員
(都d人都唔知道個名~哈哈~)
前幾年年廿九一定會由朝玩到黑~
今年有d特別~完全唔想諗去邊玩,做d咩~~~
可能大個左,心態上有d唔同了~~~