星期一~今日已經好想放假啦~唔多想做野~但反而今日出奇地忙~~本來諗住下晏出去搵布最後
都因為無時間無出到去~
夜晚約左d同事去行街,我想買波鞋同牛仔褲,另一個同事就買衫~~
最後我睇唔岩所以無買~我同同事竟因為要改變形象同佢行到成11點先先返屋企~真係超眼訓~~

小插曲 - 夜晚都同事食飯,我地玩猜包剪揼~贏左可以叫一杯野飲俾其他人飲~
我地亂黎咁叫~
以下就係我地0既特飲啦

我 - 熱金桔檸檬加真珠
ca - 朱古力奶茶加椰果
lily - 椰香奶茶加雪香片
clark - 烏梅綠茶 (超難飲,佢飲到面容扭曲,哈哈~)
欣 - 熱薑母奶茶 (第二號難飲)

叫完之後,我地每人都影左一張相~~勁攪笑~哈哈~~

今日一整都係同教會d弟兄姊妹一齊~朝早返崇拜,之後就同wallis合組,夜晚e-youth領袖組 ~
我到完崇拜之後先知決定同WALLIS合組~我需要帶敬拜同異象分享~
我用左15分鐘準備~真係咩都諗唔到~~~祈禱問神~只諗到讚美,宣揚~~
我好耐無帶過敬拜~真係有d緊張~不過出奇地無時間準備~但好睇到神係當中參與~
我知道我無野能夠依靠(智慧,經驗) ~我只能但但依靠神~佢同我講說話~
我軟弱~神變得剛強~
整個敬拜感覺到每個人都捉到要宣揚神0既愛~
(領受神的恩典,就需要活出恩典)

之後7點就開始e-youth領袖組~好耐未同其他領袖互相講下小組近況~當中好有支持同激勵~同埋亞MAY分享左佢去
中宣0既感受俾我更清楚中宣係D咩~
我係香港有好多物質,人,事影響自己~
聽到亞MAY係印度沒有其他人可以依靠時,就只有單單可以依靠神~
我其實好怕面對孤單,一個人~係香港我可以好快搵到人支持我~

今年BOSS放我地假,因為尋日攪fashion show~
本來諗住訓多一陣,點知一早9點幾同事打俾我,話好多報紙有登我地fashion show,真係俾佢激死!
我同俾你玩野呀~明知放假重嘈醒我~佢好快就收左線~不過我已經訓唔返啦~
咪起身上網睇下報紙~原來真係好多報紙都有登~真係幾開心家~因為見到我地0既成果~
我媽咪又咁岩放假~一起身就勁同佢講fashion show d野~之後一齊落去食早餐~好耐無同媽咪輕輕鬆鬆
傾下計食下野,陪佢行街買下野~
之後就開始做一個好艱苦0既事~執房啦~>.<~真係超亂~
我由12點一執就執到1點啦~~~~真係超多野唔要~我一共執左4袋衫(其實都重著得,不過太多了),5袋垃圾~
加上我需要執床下底d回憶(由我中三到24歲0既回憶)其實我真係好唔想再開黎整理,因為裡面0既物件會令我
唔開心~係一d開心又痛苦0既回憶,打開張床就好似打開我一個又一個我心裡面鎖得緊緊0既秘密~真係好辛苦~
我需要打開睇清楚邊d唔要~就更難受~我需要休息左三次(不是體力上問題,係我心靈頂唔住)好想快d執好~
最後終於執好已經1點......................
不過都開心可以同媽咪食下早餐,飲下下午茶,屋企食晚飯~~~~~~~~~~~~

今日因為公司係會展開fashion show,需要一早5點45分就要起身~一起身我見到重天黑黑咁~都問下自己點解要咁早起身>.<
好耐無咁早搭火車,一上火車~嘩~點解朝早咁多人家~~~~
7點40分去到會展附近食左個早餐~之後輕鬆過後就需要應付一場好緊張0既fashion show~
8點15分~去到後台~已經有model開始化妝~我同其他同事就負責出show0既衫有無出錯,model有無著錯~
真係好緊張,重要教d女仔點幫d model著~
安排好之後~都重少少時間休息~因為我公司請左三個明星(李燦琛,官恩娜,梁洛施)行catwalk.
李燦琛同ella都好準時到,梁洛施就成10點幾先到~11點就開show佢咩都未試過~真係好緊張,佢經理人又好惡,遲到重講11點半一
定要走,行唔晒佢都會走~攪到當時氣氛麻麻~
最後終於開show啦~一出場就係我負責跟0既OHYA,然後就係JOLI,PLAYBOY~
我地用左成幾個月準備0既衫,音樂,安排,精神~就係短短30分鐘當中完結~
心情當時好開心~因為咁辛苦終於完成了,又好成功~但係之後有少少失落感~可能很就咁完結了~~
不過fashion show有一個小小0既插曲~就係有個model著住件tube top出場~之後行行下突然跌左落黎~>.<
雖然佢有著住bar但係都好狼狽~個model完左之後係後台喊,我睇到都有d唔舒服,之後我公司design 主管都因為依件事唔開心,
喊左出黎,我boss都有安慰佢~~~但係今次fashion show真係好好~因為睇返我地十幾個人一齊準備依個fashion show已經好勁~好強~每個都付出左好多心機~~~
之後boss好好~下午,同星期六我地都唔洗返工~俾我地休息下~哈哈~
之後整理完fashion show再行左一陣會展3點幾就去左食tea~不過真係好累~一坐低都係休息多~
我覺得boss都幾好~夜晚請左我地去唱K,同CAFE食野~玩到成2點幾先返屋企

今日下晏同公司同事去左會展睇fashion week~同試下fashion0既音樂同短片~