同時你教識我幾多野，一D我自己之前未諗過既野....

呢排日日朝頭早都要鬧鐘響左10分鐘先肯起身....

張床真係好舒服、好令人留戀....

LUNCH安兒陪我拎眼鏡，小方方又係度，3人行

食左好多野,,,終於食到蝴蝶酥啦...

上堂恨到LUNCH先有得食....重飲左咖啡珍珠....

2堂中文堂，條友又無返喎....

我趴係張台想訓又訓唔著，係度諗野

但我聽到有人講''黃婉萍咁快訓左'''，都幾好笑

趴左一堂，第2堂就同人係咁傾計…

好無聊咁吹水，但無聊得黎都幾好笑既....

EPA，好快過....

我發現身邊有人咁關心我...其實我唔值得...

但有D fd呢排好似疏遠左咁....

但無左呢D人，又影響唔到我既生活....

我都唔知算係點....但都唔想諗住

我上堂成日feel唔到電話震....好蠢

安兒做班會主席，知你忙架啦...

又有時要分身陪我or小方方...

如果你覺得辛苦既話，出聲同我講啦...

咁我係你既好朋友黎架嘛，係咪先？！

咁朋友要互相體諒架嘛，係咪先？！

咁我理所當然要體諒你啦，係咪先？！

___________________________________________________

要我用誰的心去體會　真真切切地感受周圍
　就算痛苦　就算是淚　也是屬於我的傷悲
　我還能用誰的心去體會　真真切切地感受周圍
　就算疲倦　就算是累　也只能執迷而不悔

我對e家既生活感得滿足，有點兒幸福的感覺....

身邊有好多人都對我太好...

雖然他們不能替我消除寂寞的感覺...

VA sd 左一堂sms,,, CL眼訓都錶眼水，又唔訓得

LUNCH,,,去買畫紙，安兒帶我兜路...兜左好遠

跟住去佢屋企，食完野之後...

佢做佢既中文WB,,,我做我既VA 封面....

跟住諗住走個陣，見到著住避彈衣既2位差人叔叔話入黎搜屋

個一刻，好愕然,,,咁大個女都未見過呢D場面

之後無事，行到落去樓梯口，又有2個差人叔叔守住個門口

會唔會附近發生左D咩兇殺案、謀殺個D...真係好驚

可能我想像力豐富左少少呢？！

返到學校，我又要畫VA 封面,,,,唔得閒抄英文功課

陶駿傑幫我抄左ENG WB、ENG WS...真係好好人

中文堂條友無返，咁我就學識左摺生平第一個心心啦

我會睇本書慢慢學架啦....

放學去交ART,,,比佢話左兩句，就走得

唔知安兒去左邊，無再去搵佢...佢都有小方方啦

我呢類人好識做既...或者身邊既人根本唔需要我

走個陣見到詹文，100m跑第3...唔洗包尾都算你地好彩啦

________________________________________________

放學想走個陣見到AR JAY,,,咁就好好人咁陪佢傾計

安兒又去左好人好事,,,同AR JAY傾計幾好笑...

正經得黎又有幽默成份，但我唔希望佢係''黑色幽默'''

瀟灑兄，你係咪高估左我呢？！我真係唔係咁聰明架咋...

我覺得你個人好灰....不過你講既有D野值得我去反思....

傾到5點，佢搵fd跟住我就返屋企...

我真係好依戀我張床，太舒服la....無法代替

跟住尋晚我9點就去左訓(食完飯，沖完涼)

沉睡令人暫時忘卻煩惱吧！幸好我沒有失眠....

尋到4點，喉嚨痛醒左...

因為鼻塞，用口抖氣...攪到喉嚨好乾....

無鼻敏感既人真係幸福....

跟住5點訓返，今朝唔願起身...好舒服

床是我的伴侶，讓我沉睡，讓我留戀...

世上除了床之外，還有什麼能給我依賴？！

_____________________________________________________________________________

今日返到學校好努力咁抄maths,,,

調左位呀，我既生命又多左個新開始...

陳廷峰話我個人好靜，應該講多D野

你唔了解我ja,,,也許沉默也是掩飾的一種....

覺得自己個腦唔識再諗野咁,,,停留係小學階段

我今日又有問題問AR,,,希望有人得閒答我

收埋等唔等於掩飾？！

無論任何事都有兩面，人係咪都有兩面？！

係用一面掩飾另一面，定2面同時共存？！

人既生存係追求快樂定得到別人既認同？！

但得到人到既認同係咪快樂既一種....？

其實，我問呢D問題我自己都識答....

但係，我希望得到人地認同我既答案！

我就是這麼無聊....

現在我想睡一回,,我累了....

有空的話，關心一下我吧！可以嗎？！

覺得自己犯賤....都唔知自己想點

習慣左無左你陪，搵返你既話

我諗我又會唔習慣冇左你陪...

發現自己好白痴....

如不曾擁有過，有沒有放下可言？！

呢句問題，由唔同既角度睇有唔同既答案....

雖然你答左我，但我未明得晒...恕我蠢

尋晚睇返自己日記，覺得自己好幼稚

事實上到而家，我都係好幼稚

__________________________________________

[[[  ** *無奈我慣了慣了作他人 後備後備亦不能 抵檔被丟低的殘忍

是我抱得你太過緊 像極樂內現身的冤鬼 誰人都盼望脫身

                                 就算我跳進去 殘酷谷底裡 亦都如閒人眼淚 .....~``]]

_______________________________________________________

原來係不知不覺間，我已經建立到自己好堅強既形像...

係人地既眼中，我係一個好堅強既女仔...

AR JAY話我係天才，我想認架....

不過做人謙D好....但事實上我係理智唔算係天才

我無法扮蠢，恕我不太懂得去做戲去討好你

我成日搵AR JAY攝時間，因為我唔想阻到你

不過係你既角度睇，我唔知我係咪有點過份

我真係好驚好驚悶,,,都唔知點解我會攪到自己如斯田地

明明我以前好鍾意一個人既感覺，世界變了，

我也變了....變得依賴了....

我早就知道人是群體生活的動物，但我曾天真地想過

我是例外的其中一個，可以獨立地過日子....

但原來最後我都係做唔到....我高估了自己！

尋訓飲左2碗糖水,,,今朝7點幾急尿急到醒左

跟住沖涼，執下野就9點出去陪阿媽食野...

食到10點我就走先...之後真係激親我

我打比小君,,,佢阿媽話佢未起身...

10點3打比我話10點9先出黎....

仆街，同我講佢例遲....CAR MAN CHAIR又係咁

攪到我好似個白痴咁係火車站等左半個鐘....

雖然我有耐性去等，但下次可唔可以早D同我講聲...

唔係第一次,,,次次約到我幾早都好，你自己又起唔到身

要我打電話去你屋企嘈醒你....

跟住去UA睇套我根本唔想睇既戲，

我覺得沙田UA係一個令我覺得傷心既地方....

由以前到今時今日都係.....

我有睇套戲，但唔係用個心去睇...

不斷係度食爆谷....我最深刻既係

佢殺人殺得好快手,,,為左身邊既人既幸福而去殺人

偉大嗎？！

睇完戲係沙田行到4點，我唔認路....可笑吧？！

返到大埔，個2條友返屋企，我就搵返安兒....

上左去佢屋企，等佢換衫...我係咁食曲奇&朱古力

去左配眼鏡,,,我覺得我戴同唔戴眼鏡好大分別....

斯文很多呢！

打左比AR JAY,,,第一句就問佢死得未...

其實換個角度睇，我係關心緊佢有冇事....

之後因為我要驗眼，唔得閒....

就等安兒同佢傾la....

點解D人成日話轉頭打返比我，

到最後都係無打返比我....=.=

不過我都慣....