日文課已經返左兩日..暫時我都冇咩難題..

今日照樣繼續上日文..同班上4個女仔做左朋友..

真係好..小組討論好玩D..真係好鍾意小組討論..

成班真係好鬼好笑..今堂又係好快結束..有小組討論既堂係最快過..

6點放學..但係今晚我約左阿him出去食飯..唔揀太遠喇..

去左上水[青森二丁目]食日本野..因為真係好耐冇食過日本野喇..

好想食呀..都幾多人排隊..但係我地一去就有位..真係好彩

我地叫左好多野食..樣樣都超好味..最正就係三文魚壽司..

三文魚超長..有成6吋..超正 =] 一定要再去食..食左大約兩個鍾左右..

傾左好多野..我就一路傾一路食..佢就得個傾冇咩點食..食到我超飽..

我食飽佢就開始食喇..我o係錦望住佢食..真係有點眼訓

大約8點幾..我地就走喇..埋單之後佢地仲有個小食物送..都幾好味..唔錯唔錯..

lee間野真係好有水準..一定要再去過..有冇愛日本料理之人..可以一齊呵

之後同佢一齊返去粉嶺..我地就各散東西喇..阿包打黎叫我陪佢買野..

我就先去大家樂擺低D野先..大家樂個牛肉泡菜火煱又係好好味..又係正野之選 ^^

之後我就去join阿包..同佢買左野比佢侄仔之後..再行左一陣..我地就講bye bye..

之後同媽咪爸爸去左百佳買野..買完就返屋企..返到屋企..我之前外賣左D小小壽司返黎..

我媽咪食都話好味..真......係要再去！

＊估唔到你仲記得話我生日請我食飯.之前大家都唔得閒..拖到E家先食..真係估唔到你仲記得..

    我都已經唔記得喇..食左幾百蚊..我真係有點唔好意思..下次你生日我一定請番你..多謝你丫~~

好耐之前我就對日本既野好有興趣..包括超想學日文..

所以我就報讀左日文..但係又唔想得自己一個人..所以多口問下包包一唔一齊..

其實本來我真係只係諗住問下嫁詐..冇諗過佢會話好..

其實佢同我一樣都係好鍾意日文..所以又唔出奇既..所以我地就一齊去學喇..

今日開始我地就要上堂喇..真係有點梗張..但係阿包佢仲梗張過我..佢梗張到訓唔著 = =

夜晚仲狂sd sms過黎話好梗張..搞到我都訓唔到..唉~~錦就比佢煩左我成晚..

今日我好早就起左身..其實我就返下晝既..不過想早D返去睇下個環境同睇下有咩新同學先..

汁晒D野12點我就出門..等埋阿包..我地就搭巴士過去..去到早左成個鍾 = =

又冇諗過會早得錦早..維有o係周圍行下先喇..差唔多夠鍾就番返去課室喇..

見到自己班同學..大部分都係男仔..全班24個計埋我同阿包得6個女仔..

同大家一齊要相處成年左右..要同佢地做到朋友先得  阿sir黎到之後..

佢講左好多佢自己既野..點解會學日文..學左日文返咩工..之類之類..講左好耐..

講先之後佢就開始講書..今堂完全唔難..都係教自我介紹等等..希望之後既課唔會唔明喇..がんばります(我會努力)

好快就完左今日既堂..lee邊真係有好多野食..有串燒..正 ^^ lee檔串燒其實我之前已經食過嫁喇..

真係好好味丫！

哇哇！好耐冇打過日記喇..已經一年喇..時間過得真係快..
見得閒搵番自己個日記出黎睇..突然又好想打下..所以就打下lee幾個月有咩開心事喇..........................

今日我好早就起左身..因為我要出去拎個蛋糕..

因為係我媽咪生日丫  其實佢生日就唔係lee一日既..

不過佢今日要上婆婆度同D阿姨聚舊..

所以佢就想改o係今日同埋大家一齊慶祝..

個蛋糕係我上網訂既..好早之前就已經搵到嫁喇..

原本想o係母親節送嫁..不過母親節佢太多訂單喇..

訂唔到呀 >< 錦我維有等到生日喇..我約左佢o係錦上路等..

lee段路程真係好遠..來回都要成兩個鍾左右..

親眼見到個蛋糕..真係好靚丫  之後返到婆婆度..等左一陣..等埋公公..

人齊就開始喇..個個見到個蛋糕都話好靚..

外貌就真係好得喇..不過食就麻麻地..有點硬..不過D忌簾好滑..

最特別係D花有玫瑰花香味..正丫正丫 = ] 見到佢地食得開心..

我都好開心..去到夜晚..我地一家就同埋婆婆一家去酒樓食飯..

D餸我自己就覺得麻麻地喇..不過算喇..最梗要係大家食得開心　！

＊ 媽咪..生日快樂~希望你身體健康同每日都過得開心！

＊ 唔該晒Tiffany你幫我整左個錦靚既蛋糕！