豬年，琪牛生病了~~ 點解會病？I have no idea!!!

    就在年廿九，朝早都仲好正正常常咁返工，下午仲同成班同事去酒樓食團年飯，喻意就當然整整齊齊、平平安安啦！其實我好懷疑是這一頓飯並唔乾淨！！這一家酒樓，大大話話有好多年歷史，我見裝修亦十分陳舊！上年十一月去過一次，0個陣都仲係好污煙瘴氣，服務員態度麻麻，而且叫0左0野食好耐都未0黎！至於今次，好明顯受到控煙的條例下，空氣明顯清新0左，不過服務態度依然都好差，同食物都麻麻囉！

    食完個團年飯，繼續返工，今日等收工的心情特別興奮，因為我好耐冇試過放咁長0既公眾假期lu！平時星期日當然唔算啦！

    今日剪片大佬都俾我早d走，於是我打算搭叮叮落灣仔買娜姐隻碟同飲碗野葛菜水先走，點知......搭叮叮時跟嘉慧傾緊電話，仲識得話佢知自己唔係好妥！又由於是放工時間，叮叮上都是人，冇位坐！我0個陣仲覺得自己係咪飲得太多水而導致水肚不腹？但係平時又唔見我有事？......終於到灣仔了，本來打算落車，但係我更加唔妥，個頭有d暈，眼又有d花，好似要了，我見有位坐，先來坐低，再及時用左手擋住個口，我0個陣諗，一嘔就會嘔到件衫污糟晒，又會嘔到人0地架車污糟晒，右手就不斷抽紙巾，見有路行，我就用右手拎晒所有0野，包括大袋同八達通，落0左車先算！[都唔明我咁0既樣0係0個陣仲可以咁清醒0既？]

    落到車，我見到個垃圾桶，0岩晒！...... 我隨即放下大袋，在垃圾桶面前放心......呀......好核突呀！我仲感覺到阿電車車長同頭先坐我對面個女乘客有望住我的(對，的確只是感覺到，因為我眼望都只有自己d核突0野！)之後，當然要即時找個洗手間啦！幸好附近有個商場，我洗乾洗淨就出返去，總算完成了我落灣仔的任務了.....想買娜姐的新碟，因為早陣子去日本朝聖的人多的是，我沒本事去日本，所以咪買碟睇囉！而野葛菜水，清熱囉，這一家三不賣，新年會休到年初八的，所以要飲就要趁手喇！我飲完之後仲衰衰咁行返去個垃圾桶附近，是經過，因為是去地鐵站的必經之路呢！眼見有一人在旁邊抽著煙，即是沒甚麼事了吧，回家去好了......

    其實我plan了今晚去做瑜伽的，不過......取消了......怎麼不取消？萬一如果做做0下暈0左咁點算？......

    回家之後，沒有胃口，唯有洗完白白，早點訓.....訓了一晚，到了年三十晚，我看來沒有好轉，還有點發燒，有點忽冷忽熱，而且骨頭冇力，個人又冇胃口......原本昨日還興高采烈約了小玲cody他們的，看來今日甚麼地方也去不了......今日係公眾假期，我個家庭醫生只開半天的，我唯有去葵芳那一家了......即使沒有力氣，我都要支持下去呢！......我沒力氣叫媽媽，幸好手電在旁，我打一個電話到家，阿媽一定會聽的........她陪我到診所，但醫生未返，我又冇力，她出去買東西，食0野，好耐好耐先出現......我也沒力氣罵她呢，她人愈大，愈怕去看醫生，早陣子她的牙肉腫了，但說沒事，到現在還未肯去看牙醫呢！至於我的病......我都好詳細地引述我的病情，醫生說我只是感冒，而不是腸胃炎！但係仲乜無啦啦病，我真係唔知點解，我生活正常0左，人又健康0左，會唔會係返工吹得冷氣太多呢？因為剪片房的冷氣都很冷的！

    豬年，要食藥，是不是要喻意我今年會"豬籠入水"呢？但我要身體健康呀！