2006過去了，我畢業了，亦Quit了TVB份Part-time，做緊一份剪接的temp job..... ！
在總結2006年之前，先來精簡一下我的2006吧.....
2006年[1月] —《著睡衣跳舞》開拍，牽起了網上罵戰；一月忙於趕功課，返著兩份Part-time，閒時去看電影、做淋巴、Facial...
2006年[2月] — 情人節同一大班女性朋友吃飯.....大家也沒有著落.....；因為之前個頭染得太多，髮質不好，去了做個負離子頭，企圖令髮質看起來好看一些，實情真是不太多人發現......；第一次試過咁近距離看著小萱唱歌，我在文化中心看小萱X漢堡交響樂團，而且坐第一行，加上特別嘉賓是Eason，兩個唱Live都好正呢！
2006年[3月] — 真係覺得有點匪夷所思，竟然銀行扣錯了我戶口的錢，最後我跟銀行攪清楚，他們賠上了兩張Coupon給我；今年的第一單囍宴，阿華和芳芳，他倆秘秘密密拍了三年拖，嚇了不少人呢.....；開始剪《著睡衣跳舞》，一個cut有Part 1, 2, 3，仲有一大班crew members開會，研究一下條片可以點剪......唉！....這個三月，我病，而且仲要失聲[點解要我失聲？]，攪到我笑唔出聲，冇得開懷大笑，仲要去睇《攣到爆》，笑死隔離座的友人......
2006年[4月] — 《金魚佬》全力開動！！香港國際電影節.....我的電影月......復活節，跟嘉慧、珮瑩參加中義旅行團的澳門遊，兩日一夜，但我係去訓居多喎！....《著睡衣跳舞》進入開Evalution階段，但怎料我有出錯，令到screening時間delate，而Gipsy亦都說出我的錯誤，令到我眼濕濕，好down呢.....
2006年[5月] — 買了一個300GB的Harddisk，是為了《金魚佬》，因為Rendering需時又要有一個大Harddisk才能應乎，而且我借了友人兩大部Notebook，作戰到底，務求交到我的畢業作；百忙中亦剪了一條《著睡衣跳舞》的Trailer，Gipsy看過都話Okay，但係偏偏導演同監製都唔鍾意，要重剪，因為我忙於我的《金魚佬》，導演監製自己剪，好唔好就由你來定奪吧，我剪的那個就已收藏在我的DVD Portoflio之中！ 一個人留在學校的房仔，會很容易被人發現，改0左返屋企作戰......不過咁，我一早預了時間去看小萱在Hardrock Cafe的Live Show，當然好正啦.....之但係又返兩份工又返學同趕片，我累得半死...
2006年[6月] — 六月，功課一份接一份，要寫Essay呢，我真是不太喜歡，不過都會乖乖的完成；《金魚佬》要進入最後階段，我要閉關呢......最終都能完成，加上好友Kay的sound mix....令到我條片生息不少......不過，這條片故事其實不好，雖然金魚可愛，但對我這個初學者來說，能完成已經算好了.....畢業Screening，自問《著睡衣跳舞》剪得不好，因為種種的理由....但能夠快快畢業已經好開心..... 另一方面，《F=ma》和《1155656》在百老匯電影中心播放，我跟友人一齊回憶當年，動手製作泥膠公仔的點點滴滴....
2006年[7月] — 我畢業了，比一般的大學早，這個月已經披上紫色的畢業袍，戴上四方帽，正式成為一個大學生。辛苦了三年，終於可以離開演藝了，痛苦的是，怎麼我在這一班？一班並不團結，沒有共識，只有爭吵的一班？不過，這幾年都識了幾位好友，至少在TVB都識0左唔少人......既然畢業，當然要搵工，亦要動手整一隻DVD Portfolio，而且我仲想學好多野！例如學車，學Flute....... 同埋可以約老師出來吃飯.....跟Helen, Gipsy吃飯，知道了“火牛事件”的來龍去脈，原來另有其人，我這班人真係“不得了”！.....亦更深入的知道了車仔阿四停學的事件...... 七月，我生日，24歲了.....今年去了迪士尼，唔好玩，好細，好熱，同埋好多人，但係好在入場免費..... 另外，看了復出的《軟硬天師Long Time No See演唱會》，真係好正好正好正呀！我當然盡情釋放我的壓力啦......！
2006年[8月] — 這個月狂做我的Part-time，TVB+HKJC，亦有看舞台劇和演唱會，《月亮7個半》、《黃金拉闊十周年》，竟然Wyman開金口唱“浮誇”，我當然大叫啦！！ 閒時狂家有看電影和劇集....《伊波拉病毒》、《媽媽是小學4年生》......而且我開始學車了，更Pass了筆試，可以開車了......亦有和家人去美食博覽會入貨，實太瘋狂！
2006年[9月] — 完成了我的DVD Portofoilo，大量去send信去搵工、見工，但沒有著落，公司的人都問我找到了工沒有....這個月看了三場演唱會，包括草蜢[okay啦]、張信哲[好差]、同在亞洲國際博覽會開的at17[好好好正呀！]，亦看了一齣《Empty》的音樂劇......而學車就Pass了中期試，仲有一關就可以有成功呢！
2006年[10月] — 是一個出現轉變的月份......可能壓力大[醫生說的]，我額頭生滿了暗瘡，好恐怖！ 最後要入粉嶺看了家庭醫生兩次才有好轉！我keep住返TVB的Part-time，而HKJC就只係返得幾日.....未搵到工，不過見過幾份，繼續看著《媽媽是小學4年生》，keep住有去母親的抉擇湊BB，看了兩次《穿Panda的惡魔》，題材上和梅麗史翠著的演技都好好，是今年我愛看的電影呢！亦看了《梁漢文我愛廚房演唱會》，但不是很好看，太多歌想唱，沒有統一性，有點亂；而何韻詩的《HOCC LIVE IN UNITY》演唱會就好看得多了.....她有著梅艷芳的影子，而舞台、燈光、服裝、青山大樂隊都配合得宜，正！ 臨近月尾，收到了Gipsy的來電，叫我去沙龍見工，我本來推掉了，因為我要學車學flute，但前前後後有四個人推薦我去沙龍見工，為怕失人意，我去了見工，結果一見即請，而且我七日內能返工，亦可以俾我keep住學車和學flute，兼且人工不錯......雖然只是一份temp job，但我決心辭去了TVB的04-09的Part-time，做返一個正常人......
2006年[11月] — 因為合約關係，我要一個月通知才能辭去TVB的工作，結果我返晒三份工，七日無休的狀態...... 新公司的人都對我很好，Lamy，是我的Producer，我跟的”孫中山紀念館”和“機場博物館”的片，都是她的；剪片大佬Tommy，原來佢同Gipsy一樣年紀呢...；再入粉嶺看醫生，暗瘡好多了，但keep住返工，冇時間休息....有一日去了拍安東尼的片子，是拿去參加IFVA的，我跟安東尼一齊去買道具，估不到還有男生這般“師奶仔”.... 另一方面，我有份佈置場景呢.....亦去了今年的第二場婚宴，佳寧和Gi Gi，他跟我同齡，我認為太早婚了！而且......阿嫂......太......喇！十一月，當然唔少得每年跟蚊芝的約會《極品廣告展》啦！至於我學車呢....PASS左喇，我考到牌喇，YEAH~
2006年[12月] — 肥0左又白0左，皮膚好0左，生活正常0左，人都開朗0左......！！做返一個正常人，感覺多好！不過......為了趕及孫中山紀念館開幕，我狂OT到凌晨，結果當然有call的士司機載我回家去......而OT期間，得到Lamy的陪伴左右呢.....！又試過因為empty trash而累自己通宵開OT...... 知道一個好友患了病，要等人捐腎換呢..... 我有執屋，為了下年1月1日的“住家越南私房菜”，是時候肢解283期的Milk雜誌，好多好多呀......
一口氣也總結了我的2006，個人認為是“先苦後甜”的.... 認識了Lamy，一個大我好多年的女人....我的人生就是這樣的，會有很多大我很多年的女人跟我很投契的....tata, maggie, lamy....多奇妙呢..... ！2007年，但願一切好景，上年寫過話要有人要，之但係都唔兌現0既......2007年.....我要.......[甚麼也好].....我......要繼續《金魚佬》......要...有心怡的人......要......健健康康.......開開心心.......用把聲多D......要揸車............要去旅行............要有份穩定一點的工........要............
|
