未到豬年，先有第一樁好事……唔好諗住我請飲（拖都未拍，就請飲……你就想喇！…..）而係我搵到長工了…..

        請我的，是沙龍，即係我而家做緊呢間！因為臨近歲晚，有同事出埋份雙糧就辭職，我就係頂替佢個位的…..不算是剪片，而係Graphic！剪片是副lu！

        如果你問我開心嘛？！我不會說不，但我有點害怕……雖說我讀了Arts, Graphic咁多年……中學讀體藝，到IVE，唔計APA的話，都有8年的！不過我掉低了都有4年，但幸好我仍然會為自己的眼睛漫遊，keep住看有關平面設計的東西，雜誌、電影、Drama、書……所以……做好本份就好了……而且design除了自己的本事外，還要看客戶的意見和反映/應……要滿足客戶要求又要有自己的個人風格的話，其實要不斷學習，同埋有一顆願意改過的“心”！

        我對自己的工作態度是okay的。我覺得自己都算是一個態度良好，聽教聽話的女生，脾氣也很好，忍得又捱得……..(咁hardsell 0既？)

        今次這樁好事，算是滿足了2007年的第一個願望—有一份穩定的工作……最緊要是人工不變……，因為轉長工極有可能會變相減薪的……所以學多D 0野日後係對自己搵工有利的！

        不得不套用阿曾特首的口號“我會做好呢份工！”

        講開又講……一係唔講，一係就勁多0野講！

        阿曾特首的廣告à“我會做好呢份工！”……個人認為十分之浪費！你諗0下，MTR廣告咁大張，只係得幾隻字，而且份量之多，隨處可見！你選特首，咁有錢去出廣告，大可以想得複雜一些……我明白簡單是好，但簡單到咁，就係“浪費”！

        坦白說，其實我贊成普選的……經常聽到人話我們有自主權，那麼選特首咁大件事，如果沒有市民參與，實在有點太小圈子了…..！！

        過著正常的生活，我仍然將自己的時間填得密密麻麻！不過……當然不是好像過往三年般的日顛夜倒，而是健健康康的…….

        返工是朝十晚七，放工我會去做瑜伽，會約朋友食飯，亦會看看書，打打機，看電影……但我這幾個月基本上我一連七日都返著工，有點是無休狀態，但幸好上星期放了五天假，難得的是陪了我的好朋友tata shopping…….

        Tata從加拿大回來，是三年來第一次回港，佢當然餓0左shopping好耐啦！香港購物，不用繳稅，而且比加拿大便宜，今次她回港，當然預0左會大出血！

        冇見Tata咁耐，相對地我要跟她說的話不是太多，她說話比以前細聲好多，我告訴她時，她並不覺得，可能是習慣了吧！香港人多、車多，每每講說話時都會大大聲，就以我屋企為例，就算平時開著電視時，我的家人說話早已習慣了大大聲的，甚至有時你一言，我一句，吵吵鬧鬧的…….我記得以前讀書考試考得差，我就會埋怨著屋企人太吵，現在亦如以往般……就這樣看來，我大概都要多三五年才會離開這個家。

      有否經歷過家人吵架？星期一就上演了一場“六國大封相”，由於對象不是我，我就只是做坐上客看戲好了……呵呵…..！！

       全黑的N73我等到了，真的能夠不用電話三天，失蹤了好一陣子。這三天如常工作，少了記掛電話的煩惱，你又能否做得到？