朝早完全係唔想起身,無啦啦番1日又放2日索性放埋今日咪唔洗煩囉!

番到去即刻搵,好彩搵番本閱讀理解簿,無時間,抄!

CIT堂,呀sir check e-mail,已經知弊,唔記得左假期send e-mail俾呀sir

好彩唔只我一個...如果唔係好樣衰

全班又俾人訓話左一輪

lunch,去河合食,用五分鐘食完碟炒飯

全方位原本出灣仔考察之類既野,點知取消左又上多堂中文同英文,悶死.

放學同宜&盈塔車番,番到去又訓左一覺

就4月喇.時間過得好快

1:30同盈出沙田.[好彩無遲到]

跟住去左突破,諗左好耐都唔知送咩好[未送過生日禮物俾女仔,好似...]

最後買左隻杯俾宜,手鏈俾欣.

跟住陪盈去入數.

之後諗住扮神秘上去,失敗左...

好彩佢地鍾意份禮物~

總之,欣&宜生日快樂!

朝早10點gag神打黎嘈我起身.

之後10點8先起身.11點5先去到,今次遲左10分鐘

去到mk,咁早未有房,之後全部一齊去惠康買野飲同薯片諗住帶入去食

之後12點半有房.入到去之後俾d職員見到袋野.收起左...走果陣先拎得番

連續三日出街.好攰.三日都用左好多錢.唉

一早就俾盈,宜個電話嘈醒左,同宜sms左一陣

之後5點就出左去沙田.食m記先.

跟住塔車出馬鞍山.塔車途中又玩鋤dee.馬達三連勝- -...

去到馬鞍山泳池................................................................................

無開!!!!!!!!!!!!!!!!!!!

之後決定番去沙田源禾路.本身諗住塔的士去.

第一架呀勤去問載唔載6個人.唔載.第二架都係咁...

之後gag神提議.唔好理一次過上哂去.點知俾人趕出車

唯有塔馬鐵去.沙田圍站落車.落車之後gag神就話跑去...

7點半去到.開得一個主池

哇.一落水凍到....................

gag神同馬達唔識游水唯有好無聊咁係度吹水,搞爛gag

杰哥游下游下抽筋.同呀勤鬥快游蛙式.輸左...

之後游左一個鐘之後,佢地話悶番去更衣室換衫先.我同呀勤繼續游到9點先走

上水果陣好大風...比落水仲凍...

馬達同gag神一齊沖.我同呀勤一齊沖涼[基?]

食完糖水後.杰哥,billy lee,gag神都番屋企

跟住行左一陣新城市.d名牌真係貴到好恐怖.

之後搵位傾計.傾左好多野.傾到12點先走

番到屋企好攰

宜話兩條魚死左.欣實傷心死

星期二仲要同gag神打3個鐘網球.死得- -...

今日放學之後,同勤爺仔[xd]塔804番屋企

之後6點半再一齊塔車出西九

出到西九都7點半.之後一直等等等

之後呀勤黎左.同佢行一行西九.西九係完全無野睇.

等左個幾鐘先食得壽司.

大佬傑,津爺,鄧偉,呀勤,勤爺仔,肥豪不停鬥講金句.好笑:)

食到11點走人.勤爺仔同肥豪走先.

跟住去左機鋪玩左一陣就走喇

上到巴士又吹水.好笑:)